Aizaia 9:14 - Edo Bible (E Baibol Ẹdo) Version 1996

¹⁴ Vbe ikpẹdẹ ọkpa kẹkan, e Nọyaẹnmwa gha rria avbe ọkaolotu Izrẹl kevbe avbe emwa rẹn ikhi, ọ gha giagia iran kua, ke uhunmwu kevbe ẹrhunrhun.

Aizaia 9:14 ပူးပေါင်းရင်းမြစ်များ

Aizaia 10:17

Osanobua ne uwanmwẹ Izrẹl gha khian erhẹn, Osanobua Nọhuanrẹn ọghe Izrẹl gha khian ogidi erhẹn ne ọ gha giẹn emwi hia a vbe ẹdẹ ọkpa, ya sẹ egbe ogigban kevbe ọkọsọ.

Aizaia 19:15

Orhiọnkpa ne ọ gha sẹtin ru iyobọ i ghi rre Igipt, ọ re ne ọ fe nọ ra ovbiogue, ọmwa kpataki ra ọmwa ne a ma rẹn.

Aizaia 30:13

Wa rri abe. Te uwa yevbe ekẹn ne ọ yo ne ọ wa va eva ke odukhunmwu do sẹ otọ. Wa gha de rẹnkhẹn uan. vbe udomwurri.

Jerimaia 6:21

Rhunmwuda ọnii, I gha gie iran na rrua owẹ ne iran dele. Erha kevbe avbe emọ gha wulo, erriọ vbe nọ ne avbe ọse kevbe ẹdogbo.”

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Eve Orriara 4:16

E Nọyaẹnmwa i ghi zẹdẹ rre asa ọghe iran nii, rẹn ọ re ọ tobọ ẹre zagha iran an. Ọ ma ghi zẹdẹ zẹye avbe ohẹn kevbe ọkaolotu mwa ẹre.

Hozia 1:4

“He ẹre ‘Jizrẹl’ rhunmwuda, vbe ọ ma he kpee wan, I gha rri ọba Izrẹl oya ye izigha ne erha ẹe odede ighe Jehu dee vbe Jizrẹl. I ra fiaẹn fua ighe uniẹn Jehu.

Hozia 1:6

E Goma keghi vbe biẹ ovbi ẹre ne ukpogieva, okhuo ọre ọna gha khin. E Nọyaẹnmwa keghi tama e Hozia wẹẹ, “He ẹre ‘Loruhama,’ ọnii nọ wẹ Ne ama ho ẹmwẹ ọnrẹn, rhunmwuda, mẹ i ghi ra dọlegbe ho ẹmwẹ ivbi Izrẹl ra ne I ya orukhọ bọ iran.

Hozia 1:9

E Nọyaẹnmwa keghi tama Hozia wẹẹ, “He ẹre ‘Loammai,’ ọnii nọ wẹẹ, ‘Ẹ i re emwa mwẹ,’ rhunmwuda ivbi Izrẹl i re emwa mwẹ, mẹ i vbe re Osanobua iran.”

Hozia 10:15

Erriọ ọ ra sunu vbe egbe uwa ne ivbi e Bẹtẹl, rhunmwuda emwi dan ne ọ muohan ne u wa ru. Okuo gha wa da suẹn nii, ọba Izrẹl ghi wu.”

Hozia 13:3

Rhunmwuda ọnii, a gha ho iran na bẹkun vbe evbu owiẹ ne ọ wa khian ne a ma ghi miẹn vbe ẹdẹ ma he khian hiehiere. Iran gha yevbe ebe ne ọ kakae ne ẹhoho hoho kua vbe ehe ne a na wiẹn ọka, zẹ vbe ighogho ne ọ ke ukoni ladian.

Hozia 4:5

Asọn kevbe avan ọ re uwa ya yin uyinmwẹ akpa, avbe akhasẹ ma vbe maa sẹ uwa. I ra do fuẹn ọnrẹn uan ighe Izrẹl ne iye uwa.

Hozia 8:8

Te Izrẹl ghi wa yevbe ẹvbo ọvbehe nekpa hia. Te ọ ghi wa khian ne ẹ i mwẹ emwi ne ọ gia ya ru, zẹ vbene akhe nọwu ye.

Emọs 3:12

E Nọyaẹnmwa khare wẹẹ, “Zẹ vbene ọsuohuan rhọ owẹ ra ehọ ohuan ne oduma gbe re vbe otọ, erriọ zẹẹ, ibozẹghẹ ọ re ọ ra miẹn uhunmwu vbe ivbi e Sameria, ni niẹn obọ niẹn owẹ ua lele aga ne purhẹ iran.

Emọs 6:11

E Nọyaẹnmwa ghẹghi taa ẹe nẹ, owa nekhua kevbe ne giere, te a ra rẹnkhẹn ehia a.

Emọs 7:17

Rhunmwuda ọnii nian, Amezaia, e Nọyaẹnmwa tama ruẹn wẹẹ, ‘Amwọn gha khian ebabotu ye ughe. A gha gbele ivbuẹ ua vbe okuo. A gha gia otọe ruẹ, a ghi munọ ọẹn ne emwa ọvbehe, wẹ tobọ ruẹ ghi ya wu ye ẹvbo iran ni gho ẹbọ. Vbene a i na gbe awẹawẹ, a gha viọ ivbi Izrẹl kpao vbe otọe iran gha rrie iwe.’ ”

Arhie Maan 18:10

Iran mudia ye urria, rhunmwuda, ohan oya ne ọ re mu iran, iran ghi vbe kha wẹ: “Okokokoo! Ena mu ohan gbe o! Babilọn ne ẹvbo nọkhua ne ọ wo vbe egbe, vbe uwu ẹgogo ọkpa, ọre a na rri uwẹ oya vbe nian!”

Arhie Maan 18:17

Ẹgogo ọkpa kẹkan ọre avbe emwi na hia ya wii ẹre.” Avbe oziguẹ ni rre okọ, kevbe avbe ekhẹn, avbe oziguẹ kevbe avbe emwa ọvbehe hia ne ọ ghi khuan igho evbare unu ẹnrẹn nẹ vbe uwu okun, ehia keghi mudia ye urria gban-an.

Arhie Maan 18:8

Rhunmwuda ọnọna, okpe emianmwẹ ọnrẹn gha kinmwi ẹn ẹdẹ ọkpa, emianmwẹ irhia ẹko kevbe ukhunmwu. A gha ya erhẹn giẹn ọnrẹn uan rhunmwuda, Nọyaẹnmwa Osanobua ne ọ bu ohiẹn ọnrẹn, ne ọ mwẹ ẹtin nọ.”