Aizaia 9:13 - Edo Bible (E Baibol Ẹdo) Version 1996

¹³ Ivbi Izrẹl ma he ye fiwerriẹ, a gha rhe miẹn wẹ e Nọyaẹnmwa ne Oghodua rria iran ikhi nẹ, iran ma he ye werriegbe bu ẹre rre.

Aizaia 9:13 ပူးပေါင်းရင်းမြစ်များ

II Krọnikol 28:22

Ọ ghi sẹ ẹghẹ ne emwi hia ya ba su ẹe sẹẹ, ọmwa na ighẹ Ehaz keghi wa dọlegbe sẹmwẹ e Nọyaẹnmwa sẹẹ vbe ne ọ te ka ye yi.

Job 36:13

“Ohu ohu ọ re iran ne emwa dan mu, a gha kue vbe rri iran oya, iran i tu nọ iyobọ.

Aizaia 1:5

Vbọzẹ ne uwa na sọtẹ khian vberriọ yi? Te uwa ho ne a ye rri uwa oya sẹẹ ọna ra? Izrẹl, ghe vbe ẹtẹ gba uwa uhunmwu hia. Orhiọn kevbe ekhọe uwa khuọnmwi.

Aizaia 19:15

Orhiọnkpa ne ọ gha sẹtin ru iyobọ i ghi rre Igipt, ọ re ne ọ fe nọ ra ovbiogue, ọmwa kpataki ra ọmwa ne a ma rẹn.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 31:1

Ọ ghe iran ni ya gha nọ iyobọ vbe Igipt fo. Emwi igbinna ọrhẹnrhẹn ne Igipt mwẹ ọ re iran mu ẹtin yan, avbe ẹsin, ikẹkẹ okuo kevbe ivbiyokuo sokpan iran ma mu ẹtin yan e Nọyaẹnmwa, ne Osanobua nọhuanrẹn ọghe Izrẹl, ra ne iran nọ iyobọ vbe obọ ẹre.

Aizaia 57:17

Ohu iran te mu mwẹ rhunmwuda orukhọ kevbe uzuanmwẹ iran, rhunmwuda ọnii, mẹ keghi rri iran oya, I na he iran yotọ. Sokpan, iran keghi wa zevbudu, iran na gha ru khian vbene ọ yẹ iran.

Aizaia 7:20

“Ọ gha sẹ ẹghẹ nii, e Nọyaẹnmwa gha ya rhie ọmwa ne ọ gbe eto okpa ke iyeke ẹzẹ Yufretes rre, ọnii nọ wẹ ọgbaisi Asiria, ọ gha kpolo uwa ẹtu ke eto ne uhunmwu kevbe ni rre uwu ikinnegbe.

Jerimaia 15:7

I filo uwa ku ẹhoho zẹ vbe ebe ne ọ kakae vbe ẹvbo ni rre otọe na hia. I fuẹn uwa a, wa ne emwa mwẹ, I gbele ivbi uwa, rhunmwuda, wa ma dobọ emwi dan ne uwa ru yi.

Jerimaia 29:11

Mẹ okpa kẹkan ọ re ọ rẹn emwamwa ne I mwamwa ẹn vbekpa uwa, emwamwa ọghe wẹ ne agbọn ma uwa ighe ẹ i re wẹ ne ọkhọ rruan uwa, emwamwa ọghe wẹ ne ọ sẹ uwa obọ ighe agbọn ne ọ maa ne uwa rhie aro yi ẹdẹ nakhuẹ.

Jerimaia 5:3

Vbe ẹmwata, emwi ne Nọyaẹnmwa gualọ ọrọre ayekhọe ga. Ọ fi uwa emwi sokpan wa ma zẹ yọ, ọ rẹnkhẹẹn uwa, sokpan, wa ma ye mwẹ ẹwaẹn wa keghi yin ehọ, wa ma vbe zobọ vbe orukhọ ne uwa ru.

Ezikiẹl 22:24

“Ovbi ọmwa, tama ivbi Izrẹl ighe otọ iran ma huan, rhunmwuda ọnii, te imẹ rri ọre oya vbe ohu mwẹ na.

Ezikiẹl 24:13

E Jerusalẹm, uyinmwẹ alama ruẹn mu awua yuẹ egbe nẹ. A gha rhe miẹn ighe I te gha ho ne I họnmwẹ uẹn egbe, awua ye gue uẹ. Awua i ra lahin ruẹn egbe rre ọvbehe rhinrin obọ ohu mwẹ te do daa ẹsẹse.

Daniẹl 9:13

U na rrii ima oya hia ne u gbẹnnẹ ye uhi e Mosis. Uhin ye do sẹ wanwanna nian Nọyaẹnmwa, Osanobua mwa, ma ma he ye hia ne a ru emwi ne ọ yẹ ruẹ.

Hozia 5:15

“I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”

Hozia 7:10

Uhiomwẹ ivbi Izrẹl wa ba iran ifi ẹzọ. Vbene a rhe ru emwi ye iran aro sẹ, iran ma dọlegbe bu mwẹ gha dee, mẹ ne ọ re Nọyaẹnmwa ne Osanobua iran.

Hozia 7:16

Iran keghi wa gha fi iyeke gbe mwẹ iran na gha lẹ bu ẹbọ ne ẹ i mwẹ ẹtin rhọkpa yo. Zẹ vbene uhanbọ ne ọ gọe ye, ne ẹ i na gia mu ẹtin yan, erriọ ọre iran ye. Rhunmwuda ẹmwẹ uhiomwẹ ne iran ta, avbe ọkaolotu iran gha wulo uwu dan, ivbi Igipt ghi vbe gha giẹ.”

Emọs 4:10

“I gie egboghogbogho yan uwa zẹ vbe ne I giee ẹe rrie Igipt. I gbele igbama uwa vbe okuo, I keghi viọ uwa ẹsin kpao. I ye ẹwia orinmwi khiọ uwa ihue vbe agọ uwa. Sevba, wa ma ye bu mwẹ rre.

Emọs 4:6

“Mẹ ọ re ọ ru ẹe ne ohanmwẹ na fi la otọe uwa hia, sevba wa ma dọlegbe bu mwẹ rre.

Zẹfanaia 1:6

I gha fuẹn iran ighe iran ni werriegbe, ne iran na ma ghi lele mwẹ ọvbehe, iran ni ma bu mwẹ rre do nọ mwẹ wẹ ne I ru igiodẹ ne iran.”

Diuteronomi 4:29

Evba wa gha na gualọ Nọyaẹnmwa Osanobua uwa. A deghẹ wa ye ekhọe uwa hia kevbe iho uwa hia gualọ ẹe, wa gha miẹn ọẹn.