Aizaia 8:7 - Edo Bible (E Baibol Ẹdo) Version 1996

⁷ mẹ ne Nọyaẹnmwa gha tie ọgbaisi Asiria rre, deba ivbiyokuo ẹre hia, ne iran gu e Juda gbinna. Iran gha bi rre zẹ vbene amẹ Ẹzẹ Yufretes kpa ku oke ẹre.

Aizaia 8:7 ပူးပေါင်းရင်းမြစ်များ

Gẹnẹsis 6:17

I ra gie uromwẹ amẹ rrie agbọn ne ọ fuẹn emwi ni rrọọ hia. Emwi hia ni rre agbọn gha wulo,

II Ọba 19:32

Emwi ne Nọyaẹnmwa ta ẹe vbe ekpa Ọgbaisi ọ ghe Asiria ọ re ọ na khin wẹẹ, ‘Ẹ i ra la ore ẹvbo na, a ma wẹ ne ọ fi ifẹnmwẹ ọkpa kẹkan fiọ, ovbiyokuo ne ọ mu asa mwẹ ne ọ gha sikẹ ore ẹvbo nii, ẹ i rrọọ, ra ne a ma ekẹn ne a ya khọn ẹvbo lẹga ẹre.

Ẹzra 4:10

Do deba avbe emwa nekpa ne Asiọbanipal nọkhua ne ovbi udu munọ hin ẹvbo iran rre, ọ na ya viọ iran ye Sameria kevbe ehe ọvbehe vbe obọ Orrie ọghe Otọe ni lẹga Yufretes, ọ re ọ gbẹn ebe na.”

Psalm 46:4

Ẹzẹ ọkpa rrọ ne ọ rhie oghọghọ rri ẹvbo Osanobua, gha die owa ne ọ huanrẹn ọghe Ne ọ yo Sẹẹ Ehia.

Psalm 72:8

Otọ arriọba ẹre gha ke okun ọkpa sẹ ọvbehe ke Yufretes kpao yasẹ ehe ne agbọn sẹe.

Aizaia 10:16

E Nọyaẹnmwa ne Oghodua ra gie emianmwẹ ya rri iran oya ighe avbe emwa ni miẹn evbare re ẹsẹse nian. Erhẹn ne ọ yọn kpoo gha rre iran uwu egbe.

Aizaia 10:5

E Nọyaẹnmwa keghi kha wẹẹ, “Asiria, te imẹ lo Asiria zẹ vbe orhokhua ne I ra ya rria iran ne ohu ẹre mu mwẹ ikhi.

Aizaia 11:15

E Nọyaẹnmwa gha ka e Suẹz muotọ, ọ ghi ya ẹhoho ne ọ mwẹ ọghae ka Ẹzẹ Yufretes muotọ ọ ghi sẹ ivbiẹzẹ tẹghẹtẹghẹ kẹkan rae sẹrriọ wẹ ọmwaikọmwa sẹtin ye owẹ fian ẹn rra.

Aizaia 28:15

Wa gha rhuọ wẹ wa gu uwu koo ẹmwẹ nẹ, wa kevbe gu agbọn iran ni wulo nẹ koo ọta, wa keghi gba mu ẹẹn kọ ye efọnkpa. Aro uwa wa vbe dae wẹ, ẹghẹ ne ọfuan gha na rre, ọ gha fi uwa yi, rhunmwuda, wa mu ẹtin yan ohoghe kevbe erẹrẹ ne ọ miẹn uwa fan.

Aizaia 28:17

Ohiẹn ẹmwata ọrọre okun ne a ra tan ya mwa ẹyotọ ẹre, a ta ẹmwata ọ re a ra ya mwa egbe ekẹn ọnrẹn.” Okpẹhoho ọ re ọ ra kpolo ohoghe ne uwa mu ẹtin yan hia kua, orogho ghi guọghọ ekẹn ne uwa mwẹ kua.

Aizaia 28:2

E Nọyaẹnmwa mwẹ ọmwa ne ọ wegbe ke ne ọ mwẹ ẹtin, ọ mu egbe ne ọ dekun iran, ọmwa ne ọ gha rre zẹvbe ẹhoho ọgbẹgbẹ, zẹvbe amẹ okpẹhoho, zẹvbe amẹ ọgbẹgbẹ ne ọ lẹ deyan emwa hia, te ọ ra lẹ rhu otọe nii hia.

Aizaia 43:2

U gha la uwu ẹzẹ ne ọ dinmwi khian, I gha mudia kuẹ ọlọghọmwa ruẹn I ra gbuẹ uhunmwu, u gha la uwu erhẹn khian, u i ra giẹn, ibaro nọ khua ne u miẹn, ẹ i ra kuan ruẹn.

Aizaia 59:19

Ke ahọ ya sẹ orrie emwa hia gha mu ohan rẹn kẹeke ẹtin ẹnrẹn nọkhua. Ọ gha rre zẹ vbe ẹzẹ ne ọ lẹ ogbigbi, zẹ vbe okpẹhoho.

Aizaia 7:17

“E Nọyaẹnmwa ra si ọlọghọmwa ọkpa ye uwẹ egbe kevbe avbe emwa ruẹn, deba ẹgbẹe ọba hia fẹẹrẹ, egbe ẹdẹ ọlọghọmwa ne a ma he ka miẹn ẹdẹ, ke ẹghẹ ne Izrẹl ya fian egbe hin e Juda rre gha dee, ọba Asiria ọ re ọ ra si okuo ẹre gha dee.

Aizaia 7:20

“Ọ gha sẹ ẹghẹ nii, e Nọyaẹnmwa gha ya rhie ọmwa ne ọ gbe eto okpa ke iyeke ẹzẹ Yufretes rre, ọnii nọ wẹ ọgbaisi Asiria, ọ gha kpolo uwa ẹtu ke eto ne uhunmwu kevbe ni rre uwu ikinnegbe.

Jerimaia 47:2

Ọ wẹẹ: “Ghe! Amẹ bi vbe odẹ okuọ, ọ gha khọn rre zẹ vbe ẹzẹ ne ọ ro sẹ oke ọ gha ro gue otọ kevbe emwi ni rrọọ hia, avbe okpẹvbo kevbe ẹvbo ni rrọọ hia, emwa hia gha go wẹ wa bu rre, emwa ni rre agbọn gha viẹ eve orriara.

Jerimaia 51:42

Okun lẹẹ rhu e Babilọn, ọ na ya ulẹmwẹ amẹ ne ọ wee rhu ẹe ginna otọ.

Ezikiẹl 26:19

E Nọyaẹnmwa ne Udazi khare wẹẹ: “I gha ya uwa khian ehe ne ọ mu ohioro zẹ vbene ẹvbo ne a fuan ye, ehe ne ọmwa rhọkpa i ghi ye. I gha ya amẹ okun ne ọ dinmwi gue uwa muotọ.

Daniẹl 11:10

“Avbe ivbi ọba Igipt gha mu egbe okuo, ọ ghi vbe si ivbiyokuo, nibun koko. Ọkpa vbe uwu iran gha wa san mwẹ ladian zẹ vbe orogho amẹ ọ ghi ya gha gu ehe ne odin eghian ye gbinna.

Daniẹl 11:22

Ọmwaikọmwa ne ọ gbe odan ghe ẹre, ọ gha khọn rẹn ne ọ gha re Ogie Ohẹn Osanobua, a ghi wa ho ẹre bẹkun.

Daniẹl 9:26

Ọ gha sẹ ufomwẹ ẹghẹ na, iran gha gbe ẹe rua ighe ọkaolotu ne Osanobua zẹe na vbene ẹ i na mwẹ emwi ne ọ ru. Ivbiyokuo ọmwa ne ọ wegbe ọkpa ne ọ rre asẹ gha mu okuo la ẹvbo, iran gha dunmwu avbe idunmwu nii kevbe Ọgua Osa rua. Ufomwẹ gha rre, orogho okpamẹ ne ọ lẹẹ gha rre, ọ ghi viọ okuo kevbe ọfuan gha dee zẹ vbene Osanobua mwamwaẹn yotọ.

Emọs 8:8

Rhunmwuda ọnii, otọe gha mu rueghe, emwa ni rre otọe nii hia ghi miẹn akhiẹ. A gha mu ẹvbo nii hia rueghe. Ọ ghi gha hẹ yo hẹ rre zẹvbe Ẹzẹ e Naẹl.

Emọs 9:5

E Nọyaẹnmwa ne Udazi ne Oghodua ye obọ kan otọ agbọn, ọ keghi mu rueghe. Emwa ni rrọ hia gha khiẹ. Otọ agbọn hia kegha hu yo hu rre zẹ vbe Ẹzẹ e Naẹl.

Maika 1:9

A i sẹtin kpe ẹwẹn e Sameria rrie, emwi vberriọ gha mian e Juda ban, ọfuan sẹ onurho e Jerusalẹm tobọ ẹre nẹ, ehe ne emwa mwẹ ye.”

Maika 5:4

Ọ gha rre, ẹtin ne ọ ke ehe ne Nọyaẹnmwa ye rre ọre ọ ra ya gha khaemwisẹ yan emwa rẹn, deba orrirri ọba ọghe Nọyaẹnmwa Osanobua tobọ ẹre. Emwa rẹn gha rrọ vbe a i mwẹ ebe rhunmwuda, otọ agbọn hia gha miẹn ukpọlọmwẹ ọnrẹn kue.

Maika 5:5

Rẹn gha vbe rhie ọfumwegbe rre. Ivbi Asiria gha mu okuo la ẹvbo mwa, iran na vbe guọghọ emwi ne ima ya khẹ egbe, ma gha gie avbe ọkaolotu ima ni wegbe sẹẹ ne iran ya gu iran gbinna.

Nahum 1:8

Ọ fuẹn avbe eghian rẹn uan fẹẹrẹ, zẹ vbe orogho nọkhua ne ọ khọn khian, iran ni gbe odan ghe ẹre, ọ gha wa viọ iran la uwu.

Iyẹn ne ọ Maan Ọghe Luk 6:48

Ọ yevbe okpia ne ọ bọ owa, ọ gbe olu ẹre dinmwi, ọ na gbe ẹyotọ ẹre yan okuta. Ẹzẹ keghi ro vẹ la oke, vbene ọ bi owa ni sẹ, ọ ma rueghe rhunmwuda a bọ ẹe ẹse.

Arhie Maan 17:15

Odibosa nii keghi vbe tama mwẹ wẹẹ, “Amẹ ne u miẹn ne ebabotu ni tota yan kegha re ẹbu kevbe agbọn ẹvbo kevbe ẹvbo ne a zẹ.