Aizaia 8:6 - Edo Bible (E Baibol Ẹdo) Version 1996

⁶ Ọ wẹẹ, “Rhunmwuda ighe avbe emwa na he amẹ Ẹzẹ Siloa ne ẹ i si ọfọ yotọ, iran na gha guọ zighazigha vbe odaro Ọba Rẹzin kevbe Ọba Pẹka,

Aizaia 8:6 ပူးပေါင်းရင်းမြစ်များ

I Ọba 7:16

Ọ keghi vbe dunmwu, egbaha eva ne ọkpọkpa na re ibata ihinrọn vbe ukhiọnmwẹ ne a viọ iran rrọ ye uhunmwu orre nii.

Nehimaia 3:15

E Sialọm ne ovbi e Kọlhozẹ ne ọ kha yan otọ Mizpa keghi bọ Onurho Ẹzẹ. Ọ keghi ran onurho ne ọ rrọọ, ọ mu ẹkhu yọ, ọ kevbe viọ asigbe kevbe ogba yọ. A ghi vbe sẹ Ọghọdọ e Siẹla, ọ kevbe gbe ekẹn ne ọ diake ovbiugbo Ọba rhinrin ya sẹ ikpa owẹ ni ke Ẹvbo e Devid dee.

Psalm 46:4

Ẹzẹ ọkpa rrọ ne ọ rhie oghọghọ rri ẹvbo Osanobua, gha die owa ne ọ huanrẹn ọghe Ne ọ yo Sẹẹ Ehia.

Aizaia 1:20

sokpan, u gha yagha mwẹ, uhunmwu ọ re u ya khiẹ ọre, mẹ ne Nọyaẹnmwa ọre ọ tae.”

Aizaia 28:2

E Nọyaẹnmwa mwẹ ọmwa ne ọ wegbe ke ne ọ mwẹ ẹtin, ọ mu egbe ne ọ dekun iran, ọmwa ne ọ gha rre zẹvbe ẹhoho ọgbẹgbẹ, zẹvbe amẹ okpẹhoho, zẹvbe amẹ ọgbẹgbẹ ne ọ lẹ deyan emwa hia, te ọ ra lẹ rhu otọe nii hia.

Aizaia 30:12

Sokpan, vbenian ọ re Osanobua nọhuanrẹn ọghe Izrẹl khare, “Wa fi iyeke gbe ẹmwẹ ne I tama uwa, wa na mu ẹtin yan ọkhọ kevbe erẹrẹ ọghe uwa.

Aizaia 5:24

Rhunmwuda ọnii nian, vbene irunmwu kevbe ebe ne ọ kakae kinkin rre, ọ ghi vbe giẹn uan vbe erhẹn, erriọ ọ re inian uwa gha kẹkẹ ua, ebe uwa ghi vbe kaka a, ọ ghi hoho kua, rhunmwuda, wa he emwi ne Nọyaẹnmwa ne Oghodua, Osanobua nọhuanrẹn ọghe Izrẹl ma ima ẹre yotọ.

Aizaia 7:4

Kha ma rẹn wẹ ne ọ sikhua, wẹ ne ọ gie ekhọe ẹre sotọ wẹ ne ọ ghẹ hawa, ọ ghẹ gie ohan mu ẹẹn. Ohu ne ọ mu e Rezin ne Ọba kẹe kevbe ivbi e Siria ne emwa rẹn na kevbe Ọba Pẹka ọ ma zẹdẹ zẹ ẹbe sẹẹ ighogho ne ọ ke ivbi erhan eva ni gbe muẹnmuẹn rre.

Aizaia 7:6

Iran wẹ iran ra khọn e Juda, ne iran ya ohan mu emwa ni rrọ ne iran yegbe ba iran, ne iran mu ovbi e Tabil ye ẹkete.

Aizaia 7:9

Izrẹl ma wegbe sẹ e Sameria, e Sameria ma vbe wegbe sẹ e Pẹka ne Ọba. “Adeghẹ iyayi ruẹ ma wegbe, egbe ruẹ i ra rrọ ẹre.”

Aizaia 8:5

E Nọyaẹnmwa keghi vbe dọlegbe gunmwẹ guan.

Jerimaia 18:14

Wa he miẹn vbe isonorhọ kae vbe oke Lebanọn ẹdẹ ra? Ẹzẹ ne ọ furre, ne ọ lẹ ke uhunmwu ẹnrẹn rre, he vbe ka ẹdẹ ra?

Jerimaia 2:13

rhunmwuda orukhọ eva ọ re emwa mwẹ ru: iran fi iyeke gbe mwẹ, mẹ ne uhunmwu ẹzẹ amẹ ne ọ furre, iran keghi ya gha fian ivbi uhae, uhae ni halọe, ne ẹ i vbe sẹtin rrọ amẹ hiehiere.

Jerimaia 2:18

De ere ne ọ rre uwa ẹre yi vbe uwa a dọlegbe gha rrie Igipt, ne uwa ya wọn amẹ Naẹl? De emwi ne uwa yayi ighe wa gha miẹn vbọ, vbe uwa a dọlegbe gha rrie Asiria, ne uwa ya wọn amẹ Yufretes?

Iyẹn ne ọ Maan Ọghe Luk 13:4

Iran evairrọvbugie ni wulo vbe ihie siẹn rhu iran vbe Siloam vbe vbo? Wa yayi ighẹ ọnii rhie maa ighẹ iran ọre ọ ru orukhọ sẹ emwa ni rre Jerusalẹm hia?

Iyẹn ne ọ Maan Ọghe Jọn 9:7

Ọ tama rẹn wẹẹ, “Ya kpe aro ruẹ vbe ọghọdọ Siloam.” (Emwi ne a ya ọnii kha ọrọre, “Gie.”) Okpia ni keghi gele gha khian, ọ kpe aro ẹre, ọ keghi werriegbe gha dee vbene ọ ghi na bẹghe.