Aizaia 8:4 - Edo Bible (E Baibol Ẹdo) Version 1996

⁴ Ọmọ na ghi te wan sẹ ne ọ gha na gha tie ‘Iye’ tie ‘Ebaba’, ẹfe ni rre Damaskọs kevbe emwi ne a furu vbe Sameria hia gha khian ne ọba Asiria hẹ gha rrie.”

Aizaia 8:4 ပူးပေါင်းရင်းမြစ်များ

II Ọba 15:29

Ẹghẹ ne Pẹka na gha re ọba, ọre Tiglat Pailesa ne ọgbaisi Asiria na khọn munọ avbe ẹvbo na, Ijọn, Ebel Bẹt, Maka, Janoa, Kedẹs kevbe Hazọ, kevbe otọ e Giliad, e Galili kevbe Naftali, ọ keghi viọ emwa ni rrọ oghunmwu gha rrie Asiria.

II Ọba 16:9

E Tiglat Pailesa keghi khuẹnniẹn ye Ehaz re, ọ na viọ ivbi iyokuo ẹre gha rrie Damaskọs, ọ na khọn ẹnrẹn, ọ na gbe Rẹzin ne ọba a, ọ na viọ emwa nii oghunmwu gha rre Ka.

II Ọba 17:3

E Siamanẹsẹ ne ọba Asiria keghi mu okuo gie ẹe. E Hosia keghi de iguẹ ne Siamanẹsẹ, ọ na gha ha igho uhunmwu gie ẹe ukpukpo.

Aizaia 17:1

E Nọyaẹnmwa khare wẹẹ, “E Damaskọs i ghi ra sẹtin gha re okpẹvbo ọvbehe, utete itowa ọ re ọ ghi ra gha khin.

Aizaia 17:3

Izrẹl ghi khian ne ẹ i ghi mwẹ ne ọ degue ẹre, e Damaskọs ghi do khian ne ọ ma ghi yan egbe ẹre. Avbe ivbi e Siria ni ghi miẹn uhunmwu vbọ ghi do gha re emwa ne a faraa zẹ vbene ivbi Izrẹl ye. Mẹ mwẹ ne Osa ne Udazi tae ne.”

Aizaia 28:4

Uyi ne ọ fafaa ọghe avbe ọkaolotu ni hio nii gha khian ne a ho bẹkun zẹ vbe ọmọ erhan ne ọ ka wa gha ladian, ne a zẹgiẹ kọlọ re vbe ọ wa wo ọwarọkpa.

Aizaia 8:5

E Nọyaẹnmwa keghi vbe dọlegbe gunmwẹ guan.

Emọs 1:3

E Nọyaẹnmwa khare wẹẹ, “Tẹ ivbi e Damaskọs wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Ekhọe ababe ọ re iran ya gha ru emwi ne iran ru ivbi e Giliad re.

Emọs 1:5

I gha dunmwu onurho e Damaskọs rua, I ghi viọ emwa ni rre Iya Avẹn, kevbe ne ọ khaemwisẹ Bẹtẹdẹn kpao. A gha viọ ivbi e Siria oghunmwu gha rrie Kaa.”

Jona 4:11

Wẹ ma miẹn wẹ ẹ i mwẹ mẹ ma tohan e Ninevi ne ẹvbo nọkhua nii. A rhe ta ẹe na, ọ sẹ emọ arriaisẹn iyehan (120,000) ne ọ ma rẹn ọkpa ọmaa rẹn eva ni rre uwu ẹre do deba emwirri ọrhẹnrhẹn.”

Ebe ne Pọl gbẹẹn gie emwa Rom 9:11

Sokpan, ne a miẹn ehe na miẹn wẹẹ, ne a na zẹ ọkpa vbe uwu emọ nii ighẹ vbene Osanobua mwamwaẹn nọ, Osanobua keghi tama rẹn wẹẹ,

Diuteronomi 1:39

“Ẹre Nọyaẹnmwa na tama ima hia wẹẹ, ‘Ivbi uwa ne a miẹn wẹ ibiẹka ni ma rẹn emwi ne ọ maa hin e nẹ i maa rre, gha la otọ nii, emọ ne uwa khare ighẹ avbe eghian uwa gha munọ ẹre oghunmwu. I gha mu otọ ni ne iran, iran ghi yin ẹnrẹn.