Aizaia 8:19 - Edo Bible (E Baibol Ẹdo) Version 1996

¹⁹ Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”

Aizaia 8:19 ပူးပေါင်းရင်းမြစ်များ

Gẹnẹsis 41:24

Avbe osuọka ne hiahiahia nii keghi minọ avbe ne dẹudẹu re. I ta imina na ma avbe ọbo edunna, sokpan, a ma miẹn ne ọ sẹtin rhan otọ ẹnrẹn ma mwẹ.”

II Ọba 1:3

Sokpan odibo e Nọyaẹnmwa keghi tama Elaija, akhasẹ ne ovbi Tisbi ne ọ ya vba avbe emwa ne a giẹ ẹre uhunmwu nii, ne ọ nọ iran wẹẹ, “Vbọzẹ ne uwa ra na ya nọ e Baal ne ẹbọ Ẹkrọn yi? Te uwa ya ọ nii kha ighẹ Osa irre otọ e Izrẹl ra?

II Ọba 21:6

Ọ keghi ye ovbi ẹre ne okpia zọ ese ne a giẹn uan. Rẹn kegha fi iha ọ kevbe gha ru ẹbo edunna, ọ kevbe gha bọ vbe ọghe ọbo kevbe iran ni gu ẹrinmwi guan. Ọ keghi kakabọ sẹ ẹmwẹ e Nọyaẹnmwa, ọ na gie ẹe mu ohu.

II Ọba 23:24

Ne a miẹn ehe na mu uhi e Nọyaẹnmwa ni rre ebe ne Hilkaia ne Ogie Ohẹn miẹn vbe Ọgua Osa sẹ, e Josaia keghi viọ iran hin e Jerusalẹm kevbe otọe e Juda rre ighẹ avbe iran ni miẹn ẹrinmwi, iran ni bọ, kevbe ẹbọ edọmwadẹ owa, amazẹ kevbe emwi ne iran ni ga ẹbọ ghi gho hia.

I Krọnikol 10:13

E Sọl wu rhunmwuda, ọ ma ya ekhọe rhie egbe mu Osanobua. Ọ he iyi Osanobua ye otọ ọ kegha gualọ igiodẹ odẹ ne ọ gha ru emwi la vbe obọ emwa ni wulo nẹ kevbe vbe obọ orhiọn emwa ni

II Krọnikol 33:6

Ọ ye avbe ivbi ẹre ni ikpia zọ ẹse vbe Iya e Hinọm zẹ vbe emwi imuohan. Ọ wa fi iha, ọ kevbe gha ru ẹbọ edunna, ọ kevbe gha tie avbe ọbo kevbe iran ni mianro sẹ owa. Ọ keghi kakabọ rukhọ ghe Nọyaẹnmwa.

Psalm 106:28

A ghi sẹ Peọ, emwa Osanobua keghi yegbe ba iran ni gho e Bal, iran keghi vbe re vbe emwi ne a ya zọ ese ghe amazẹ ne ẹ i mwẹ arrọọ.

Aizaia 19:3

I gha rhia uma ne ivbi Igipt si, I ghi vbe duẹ ẹtin ne ọ te rre iran iwu rua. Iran gha rinmwian wẹ ne amazẹ iran yi iran obọ, iran gha vbe yo ya gha gualotọ emwi vbe obọ iran ni miẹn aro, iran ghi vbe gha nọ ibude vbe obọ orhiọn emwa ni wulo nẹ.

Aizaia 26:14

Banbanna nian, iran wulo nẹ, iran ighi dọlegbe di agbọn na ya ọvbehe, orhiọn iran i ra vbe rhiọrre, rhunmwuda, te uwẹ rrii iran oya u keghi fuẹn iran an. Ọmwa rhọkpa i ghi ye iran rre ọvbehe.

Aizaia 29:4

E Jerusalẹm ghi do yevbe orhiọn ọmwa ne ọ wu nẹ ra ẹrinmwi, ne ọ te ziga ne ọ guan ke ototọ gha dee, urhu ne a ya obọ guee ẹre unu ne ọ ke uwu ebubẹ ladian rre.

Aizaia 30:2

Iran kpao gha rrie Igipt, vbe ne iran ma na nọ mwẹ vbene I roro ẹe hẹ. Iran ho ne Igipt degue iran, rhunmwuda ọnii, ọba Igipt ọ re iran mu ẹtin yan.

Aizaia 45:11

E Nọyaẹnmwa ne Osanobua nọhuanrẹn ọghe Izrẹl ọmwa ne ọ kha vbene ẹdẹ nakhuẹ ra gha ye hẹ khare wẹẹ, “U i mwẹ asẹ ne a ya nọ mwẹ ọta vbekpa ivbi mwẹ, ra ne u gha tama mwẹ emwi ne ọ te kei ne I ru.

Aizaia 47:12

Gha kun egba kevbe akpalode ruẹ khian erriọ ọ re u kun ẹnrẹn khian ke ẹghẹ ọvbokhan gha dee. U gha ghe a gha miẹn emwi ne iran gha ru ne uẹn; u gha ghe, u gha sẹtin runran avbe eghian ruẹn.

Aizaia 47:13

U i ye mwẹ ẹtin, vbene a bu ruẹ ude sẹ gie iran ni we uki ne uẹn ladian do miẹn ruẹn fan avbe iran ni ghe umian vbe orhọnmwẹ iran ni mwamwa iso ye dọmwadẹ oghae ni vbe tama ruẹn uki uki wẹ ghe emwi ne ọ gha sunu vbe egbe ruẹ.

Jerimaia 10:10

Sokpan wẹ ne Nọyaẹnmwa ọrọre Osanobua vbe ẹmwata, wẹ ọrọre Osanobua ne ọ rrọọ, ọba etẹbitẹ. Ohu gha mu uwẹ, agbọn hia ghi mu rueghe, egbe avbe uhunmwu ẹvbo i sẹtin rrọ ohu ruẹ.

Jerimaia 27:9

Wa ghẹ zẹ ye avbe akhasẹ uwa ẹre, ra ọmwaikọmwa ne ọ wẹ rẹn sẹtin rẹn emwi ne ọ gha sunu akhuẹ yotọ vbekpa imina na nọ ra vbekpa ne iran tie orhiọn ọmwa ne ọ wu ke idin ladian ra vbekpa ẹbo awan. Ehia gha tama uwa wẹ ne uwa ghẹ zẹ ye ọba e Babilọn re.

Levitikọs 19:31

“Wa ghẹ yo ọghe iran ni gu avbe emwa ni wu nẹ guan. Wa gha ru ẹe. wa gha mu awua. Mẹ ọ re Nọyaẹnmwa Osanobua rua.

Levitikọs 20:6

“De ghẹ ọmwaikọmwa yo ọghe iran ni gu avbe eniwu nẹ guan, I gha mu aro da ẹre, mẹ i ghi ra vbe ka ẹe ba emwa mwẹ.

Maika 5:12

“I gha rhia rua ighe avbe ẹbọ ne uwa lo, I i ra vbe sẹ ọho ne ọ miẹn aro ọkpa kẹkan rae ne uwa.

Iwinna 16:16

Ẹdẹ ọkpa, ma ghi rrie ehe ne a na na erhunmwu, ọvbokhan okhuo ọkpa, ne ọre ọviẹn, ne ọ vbe mwẹ orhiọn dan nọ yae miẹn aro, keghi khian vbe ima. Igho ọrhẹnrhẹn ọre ọ ye aro me ọ miẹn nii khuan ne enarẹn.

Diuteronomi 18:10

Wa ghẹ ya ivbi uwa zọ ese vbe erhẹn ọghe aka uwa, wa ghẹ vbe gie emwa uwa zẹ ọbo edunna ra ne iran gha fi iha ra ne iran gha fi emwa unu.

Diuteronomi 18:11

Ra ẹbo, ghẹ vbe gie iran ya gha gualọ otọ emwi vbe obọ emwa ni wulo nẹ.

I Tẹsalonaika 1:9

Iran na hia wa ta ẹe khian, ighẹ ẹmwẹ vbe ne uwa rhan obọ miẹn ima hẹ vbe ima do miẹn uwa, kevbe vbene uwa ghi fi iyeke gbe ẹbọ hẹ do gha ga Osanobua ne ọre Osanobua ẹmwata ne ọ rrọọ.

II Pita 2:1

Vbe ẹghẹ ne ọ gberra, a miẹn avbe emamwaemwi ohoghe ni bun vbe uwu ẹbu iran, erriọ wa vbe nọ, a gha vbe miẹn avbe emamwaemwi ohoghe vbe uwu uwa. Iran gha ma emwa iruẹmwi omurhia kevbe ohoghe, iran ghi vbe siẹn Arowa iran ne ọ miẹn iran fan, iran ghi la ekpa ọnii si ọfuan udomwurri mu rhu egbe iran uhunmwu.

I Samuẹl 28:11

Okhuo nii keghi nọ rẹn wẹẹ, “De ọmwa ne I gha tie gie uẹ?” Rẹn keghi wanniẹn wẹẹ, “E Samuẹl.”

I Samuẹl 28:16

E Samuẹl keghi wanniẹn wẹẹ, “Vbe u a na gha tie mwẹ hẹ ugbẹn vbe a miẹn wẹ e Nọyaẹnmwa fi iyeke gbe uẹ nẹ, ighẹ ọ vbe khian oghian an?

I Samuẹl 28:7

Ẹre Sọl ghi na khama emwa rẹn wẹẹ, “Wa gunmwẹ gualọ okhuo ne ọ miẹn ẹrinmwi, I gha yo ya gualọ otọ emwi vbe obọ ẹre.” Iran wanniẹn tama rẹn wẹẹ, “Ọkpa rre Ẹndọ.”

I Samuẹl 28:8

E Sọl keghi mu egbe ọmwa ọvbehe, ọ keghi viọ ukpọn ọvbehe ye egbe, ẹdẹ ghi mu nẹ, ọ keghi viọ eva vbe emwa rẹn ba egbe ne ọ ya miẹn okhuo nii. Rẹn keghi tama rẹn wẹẹ, “Nọ avbe ẹrinmwi mẹ ne u tama mwẹ emwi ne ọ ra sunu.” U ghi tie ẹhi ọmwa ne I ra ta eni ẹnrẹn ma ruẹn gun mwẹ.