Aizaia 8:18 - Edo Bible (E Baibol Ẹdo) Version 1996

¹⁸ Mẹ rre emwa na deba emọ ne Nọyaẹnmwa viọ mẹ. e Nọyaẹnmwa ne Oghodua, ọmwa ne ẹkete ẹre rre Oke Zaiọn gie ima nẹ, zẹ vbe ẹmwẹ unu ne ọ rre agbọn, ne a gie gie emwa Izrẹl.

Aizaia 8:18 ပူးပေါင်းရင်းမြစ်များ

Gẹnẹsis 33:5

Isọ ghi ghe lẹga vbe ọ ghi miẹn avbe ikhuo kevbe emọ nii, ọ keghi nọ wẹẹ, “Gha ena khin ne u hẹ khian na?” Jekọb wanniẹn wẹẹ, “Emọ ne ọ yẹ Osanobua ne ọ ya ru mwẹ ẹse nọ, enọwanrẹn.”

I Krọnikol 23:25

E Devid keghi kha wẹẹ, “E Nọyaẹnmwa ne Osanobua Izrẹl rhie ọfumwegbe ne emwa rẹn nẹ, rẹn tobọ ẹre gha vbe gha rre Jerusalẹm rhinrin ẹdẹ.

Psalm 22:30

Avbe orre ni dee hia, gha ga ẹe, emwa gha na iyẹn Nọyaẹnmwa, ma avbe orre ni dee.

Psalm 71:7

Ne a ghe ru, ọ re ẹdagbọn mwẹ wa khin, ne emwa nibun. Rhunmwuda, wẹ ọrọre ugue mwẹ nọ wegbe.

Psalm 9:11

Wa so ihuan ghe Nọyaẹnmwa, ne ọ khaemwisẹ vbe Zaiọn! Wa na iyẹn emwi ne ọ ru ma uhunmwu ẹvbo hia!

Psalm 9:12

Osanobua ye iran ne usẹ sẹ rre, ẹi vbe mianmian utumwẹ iran, ọ vbe rri iran oya ighe iran ni fidọn ghe iran.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 14:32

Vbe ima ra ya wanniẹn ọre ẹmwẹ hẹ yi ighe ọmwa ne iran gie ẹre uhunmwu ke Filistia gie ima? Ma gha tama rẹn wẹ e Nọyaẹnmwa gbe Zaiọn ẹkun sotọ nẹ kevbe wẹ emwa rẹn ni sẹ usẹ gha di evba ya vbe a i mwẹ ebe.

Aizaia 20:3

Iran ghi khọn mu Asdọd nẹ nian, e Nọyaẹnmwa ke kha wẹẹ, “Ikpiaa ọ re ọ ye na ne Aizaia ne ọguọmwadia mwẹ kegha rre irhunmwuirhun ye owẹ kẹkan mama otọ lele ehe hia khian. Igiemwi emwi ne ọ ra sunu vbe egbe Igipt kevbe Sudan ọ re ọna khin.

Aizaia 24:23

Uki gha so ebiebi, ovẹn I ghi vbe yunmwu, rhunmwuda, e Nọyaẹnmwa ne Oghodua ọ re ọ ra gha re ọba. Ọ gha rriọba vbe oke Zaiọn vbe Jerusalẹm, avbe ọkaolotu emwa gha miẹn uyi ẹre.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Aizaia 7:16

Uhin vbe ọ te sẹ ẹghẹ ne a kha na, emwa gha lẹ kua vbe otọe avbe ọba eveva ni runran uwẹ na.

Aizaia 7:3

E Nọyaẹnmwa keghi tama Aizaia wẹẹ, “Rhie ovbuẹ ighe Sia Jasiub mwẹ obọ, ne u ya vba Ọba Ehaz. U gha miẹn ọẹn vbe odẹ nii ne iran ni do ukpọn na winna, vbe ukpe uvun ne amẹ lẹ la ke ẹzẹ ne ọ ke odọ rre.

Aizaia 8:3

Ọ ma ghi kpe, ọvbokhan mwẹ keghi do gha hanmwa. A ghi biẹ ovbi ima ne ọmọ okpia nii, e Nọyaẹnmwa keghi tama mwẹ wẹẹ, “He ẹre Ifu emwi ẹgiẹgiẹ, Otueghae okhirhikhirhi!

Jerimaia 44:29

Mẹ ne Nọyaẹnmwa gha rhie ama ne uwa ya rẹn wẹ I gha rri uwa oya vbe emwa na kevbe wẹ eyan ne I yan rẹn wẹ I gha gie ọkhọ mian uwa, te ọ ra sẹ.

Ezikiẹl 12:6

Gie iran bẹghe ruẹ vbe u gha mu ihẹ ne u kunrun yan izabọ, kevbe vbe u a vbe ladian la uwu ebiebi vbe aro ne a gbalọe, sẹrriọ wẹ u i ghi bẹghe ehe ne u rrie. Emwi ne u ru ghi gha re ne a ya ta ẹmwẹ ma ivbi Izrẹl yotọ khẹ ọ dee.”

Ezikiẹl 14:8

I gha mu aro da ẹre. I gha ya ẹe ru igiemwi. I gha yuo ẹre hin uwu ẹbu emwa mwẹ rre, ne uwa miẹn ehe na rẹn ighẹ mẹ ọrọre Nọyaẹnmwa.

Ezikiẹl 4:3

Mu ọkpan ematọn, ne u mu ẹẹn ye ẹkpo uwẹ vbe ẹvbo nii zẹ vbe ekẹn ne a gbe. Mu aro da ẹvbo nii. Te a wa khọn rẹn na, wẹ ọ re ọmwa ne ọ khọn ẹnrẹn. Ọna ghi gha re ama ne uhunmwu ẹvbo Izrẹl.

Zẹkaraia 3:8

Rhunmwuda ọnii nian, danmwehọ, e Jọsua, wẹ ne ọre Ogie Ohẹn; wa vbe danmwehọ, wa ne avbe ohẹn ne ihua ẹre, wa ni re ama ọghe ẹdẹ nakhuẹ ne ọ maa. I gha rhie ẹre ladian ne a miẹn ighe ọguọmwadia mwẹ ne a tie ẹre Nene Abọ!

Zẹkaraia 8:3

I gha dọlegbe gha die Jerusalẹm ne ẹvbo mwẹ nọhuanrẹn ne I do yin ẹnrẹn. A gha rẹn ọnrẹn ye ẹvbo ne ọ mudia ẹse, a ghi vbe gha tie oke Nọyaẹnmwa ne Oghodua oke nọhuanrẹn.

Iyẹn ne ọ Maan Ọghe Luk 2:18

Iyẹn ne avbe Ọsuohuan naẹn ma iran na keghi yan emwa hia ni họn ẹn unuan.

Iyẹn ne ọ Maan Ọghe Luk 2:34

Simiọn keghi fiangbe iran, ọ keghi tama Meri ne iye ẹe wẹẹ, “Osanobua zẹ ọmọ na zẹ vbe ọmwa ne emwa eso gha la ekpa ẹre fuan kevbe ne enibun gha la ekpa ẹre miẹn imiẹnfan vbe Izrẹl. Rẹn gha re ama ne ọ ke obọ Osanobua rre, ama ne emwa ni bun gha gbe odan ghe.

Diuteronomi 28:46

Ena ghi gha re iyama ọghe vbene Osanobua bu ohiẹn uwa hẹ vbe egbe uwa kevbe ivbi uwa ẹdẹdẹmwẹdẹ.

Hibru 10:33

Ẹghẹ eso ne a na gha rhovbiẹ uwa sirra emwa hia, a na gha ru uwa emwi oya, ke ẹghẹ eso ọvbehe, wa keghi mu egbe ne uwa yaba avbe emwa ne a ru ẹre emwi vberriọ.

Hibru 12:22

Sokpan, uhunmwu Oke Zaiọn ọre uwa gha dee kevbe ẹvbo Osanobua, Jerusalẹm ne ọ rre ẹrinmwi, ke ẹe kevbe odibo Osa ẹre ne ẹgbenuri.