Aizaia 8:13 - Edo Bible (E Baibol Ẹdo) Version 1996

¹³ Yerre wẹ mẹ ne Nọyaẹnmwa ne Udazi, ọmwa nọhuanrẹn ọ re imẹ khin, mẹ okpa kẹkan ọ re uwẹ gha a mu ohan rẹn.

Aizaia 8:13 ပူးပေါင်းရင်းမြစ်များ

Gẹnẹsis 31:53

Osanobua Ebraham kevbe Osanobua e Nahọ gha bu ohiẹn imẹ vbe ruẹ.” E Jekọb keghi ya eni Osanobua ne erha ee ighẹ Aizik ga, yan eyan wẹẹ rẹn gha rhie uhi nii mwẹ.

Psalm 76:7

Sokpan, emwa hia ọ re ọ mu ohan ruẹn Nọyaẹnmwa, ohu gha mu uẹn omwa okpa i rrọ ne ọ gha sẹtin mudia vbe odaro ruẹ.

Ẹksọdọs 20:20

E Mosis keghi tama emwa nii wẹẹ, “Wa ghẹ fian afianma, te Osanobua do danmwẹ uwa kẹkan ne u wa miẹn ehe na gha mu ohan rẹn, ne u wa ghẹ ru oru khọ.”

Aizaia 29:23

Wa ghẹ ghi miẹn emọ ne I ra viọ ne uwa, ẹghẹ nii wa ghi na miẹnkue wẹ mẹ ọrọre Osanobua nọhuanrẹn ọghe Izrẹl. Wa gha ya ọghọ mẹ, wa ghi vbe gha mu ohan mwẹ.

Aizaia 5:16

Sokpan, e Nọyaẹnmwa ne Oghodua rhie maa vbene irẹn kpọlọ hẹ vbekpa ne ọ na ru emwi ne ọ kere, ọ keghi vbe rhie uhuanmwẹ ọnrẹn maa vbekpa ne ọ na bu ohiẹn avbe emwa.

Ezikiẹl 38:16

U gha dekun Izrẹl ne emwa mwẹ zẹ vbe okpẹhoho ne ọ gbe otọe ni dunmwu. Ẹghẹ nii gha sẹ, I gha giọ ne u mu okuo gha rrie otọe mwẹ ne I miẹn ehe na rhie ma avbe uhunmwu ẹvbo ọmwa ne I khin, ne I la ekpa emwi ne I lo ruẹ ya ru na rhiema vbene I huan hẹ.

Levitikọs 10:3

Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.

Levitikọs 22:32

Wa ghẹ rhie efaa gie eni mwẹ ne ọ huanrẹn. Ọ kere ne emwa Izrẹl hia rẹn mwẹ ye ọmwa ne ọ huanrẹn. Mẹ ọ re Nọyaẹnmwa, mẹ ọ re ọ ya uwa khian ni huanrẹn.

Malakai 2:5

“Vbe ile ne I gu iran taa, I khare wẹ, iran gha rre agbọn, agbọn gha vbe maa iran, emwi ne I rhie ne iran ọ re ọnii khin, ne iran miẹn ehe na gha ya ọghọ mẹ. Vbe ẹkpo nii, iran wa gha ya ọghọ mẹ, iran na vbe gha mu ohan mwẹ.

Nọmbas 27:14

Rhunmwuda wa eva ọre ọ sọtẹ uhi mwẹ vbe ẹgbo e Zin. Ẹghẹ ne emwa ni na gha gui ẹzọ uwu unu ghe mwẹ vbe Mẹriba. wa ma kue ne uwa miẹn ẹtin mwẹ nọhuanrẹn kue ma iran.” (Mẹriba ọrọre ẹzẹ ne ọ rre Kedẹs vbe uwu ẹgbo Zin).

Matiu 10:28

Wa ghẹ mu ohan iran ni gbe ikinnegbe ne ẹ i sẹtin gbe orhiọn, sokpan wa mu ohan Osanobua ne ọ sẹtin fuẹn egbe kevbe orhiọn uan vbe ẹrinmwi nehianmwivin.

Iyẹn ne ọ Maan Ọghe Luk 12:5

I gha ta ọmwa ne uwa gha a mu ohan rẹn ma uwa. Wa mu ohan Osanobua na a miẹn wẹ ọ gha gbe nẹ, ọ yevbe mwẹ ẹtin ne ọ ya mu orhiọn fi ẹrinmwi ne ehianmwẹ ivin. I tama uwa, wa mu ohan rẹn!

Ebe ne Pọl gbẹẹn gie emwa Rom 4:20

Iyayi ẹre ma sẹ ọe rae, vberriọ, ọ ma vbe bọ iro eva ye emwi ne Osanobua ve, iyayi ẹre keghi rhie orhiọn ye ọre iwu, ọ keghi rho Osanobua vbe uyi.

Diuteronomi 14:23

U ghi gha rrie ihe ọkpa nii ne Nọyaẹnmwa zẹe wẹ a gha na gha ga irẹn ne u ya sirra ẹre rrie ọkpa vbe uwu igbe ọghe ọka ruẹ ni kevbe ayọn kevbe ofigbọn ọliv kevbe emọ ọdiọn ọghe ẹmila kevbe ohuan ruẹn. U ghi ru ọna ne u miẹn ehe na ruẹ vbene a mu ohan e Nọyaẹnmwa Osanobua ruẹ hẹ ẹghẹ hia.

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”

I Samuẹl 11:7

Ọ na munọ ẹkhuia ẹmila eva, ọ keghi giagia iran ukhiọnmwẹ ukhiọnmwẹ, ọ na viọ ne emwa viọ la otọe Izrẹl hia khinkhian, ne iran vbe gha kha wẹẹ, “Ọmwaikọmwa ne ọ ma lele e Sọl kevbe Samuẹl ye okuo, vbenian ọ re a ra ru ẹmila ẹre!” Ohan emwi ne Nọyaẹnmwa gha ru kegha mu ivbi Izrẹl, ehia keghi wa vẹ ladian vbene ọkpa ma na vbe ke ẹe vbọ.