Aizaia 8:11 - Edo Bible (E Baibol Ẹdo) Version 1996

¹¹ E Nọyaẹnmwa keghi ya ẹtin ẹnrẹn nọkhua ya obọ sekhae mẹ wẹ ne I ghẹ lele odẹ ne avbe emwa nii lele khian. Ọ wẹẹ,

Aizaia 8:11 ပူးပေါင်းရင်းမြစ်များ

I Ọba 18:46

Orhiọn e Nọyaẹnmwa keghi hin ya Elaija, ọ na gba ukpọn rẹn khinkhian ẹkun gbain, ọ na rhulẹ ke aro ne Ehab rhinrin ya sẹ Jezrẹl.

Psalm 32:8

E Nọyaẹnmwa khare wẹẹ, “I gha ma ruẹn odẹ ne u gha la. I gha ma ruẹn emwi, I ghi vbe bu ruẹ ude.

Itan 1:15

Ovbi mwẹ, ghẹ gu emwa vberriọ mu obọ. Gban egbe ne iran.

Aizaia 30:1

E Nọyaẹnmwa guaan nẹ wẹẹ, “Ọghe iran ni khaemwisẹ yan Igipt fo nẹ rhunmwuda, iran sọtẹ mwẹ. Uviẹn ne I ma vin ọ re iran lele. Iran ghi vbe ya gha gu emwa ke ọta ne I i ma kue yi, iran ghi gha kun orukhọ yan orukhọ.

Jerimaia 15:19

Ẹre Nọyaẹnmwa na rhie ewanniẹn ye ọna wẹẹ, “U gha dọlegbe rre, I gha dọlegbe rhan obọ miẹn ruẹn, u ghi dọlegbe gha re ọguọmwadia mwẹ. A deghẹ u mu etalọ oya fua, u na gha ta uhunmwu ne a gie ne ọ mwẹ esa, u gha dọlegbe gha re akhasẹ mwẹ. Emwa ni gha dọlegbe bu ruẹ rre, ẹghẹ i rrọ ne a gha ya miẹn wẹ wẹ ọ re ọ ghi bu iran gha khian.

Jerimaia 20:7

E Nọyaẹnmwa, u mu mwẹ rẹrẹ nẹ, mẹ keghi khian ne a mu rẹrẹ. U wegbe sẹ mwẹ, obọ ruẹ keghi ke ukhunmwu mẹ. Te emwa hia ghi ya mwẹ gbe ogie te iran ghi gie mwẹ ne ebi ro.

Jerimaia 20:9

Sokpan, I gha kha wẹẹ, “I gha mianmian e Nọyaẹnmwa, I i ghi vbe dọlegbe guan vbe eni ẹnrẹn.” Ẹghẹ nii, uhunmwu ne u gie ghi yevbe erhẹn ne ọ giẹn vbe uwu imẹ I ghi gha hia ne I yẹn ọnrẹn muotọ, sokpan I i ghi sẹtin rhie ẹre lẹre.

Ezikiẹl 3:14

Orhiọn Osanobua keghi wa ya ẹtin nọkhua hin yan mwẹ, vbene orhiọn rẹn wa mu mwẹ khian nii, ẹko kegha rriara mwẹ, ohu na gha mu mwẹ.

Iwinna 4:20

Rhunmwuda, ẹ i gie ima ru wẹ emwi ne aro ima sẹe nẹ, ehọ mwa vbe họn ẹn nẹ, ne a ghẹ ghi ta ẹe ladian.”