Aizaia 7:8 - Edo Bible (E Baibol Ẹdo) Version 1996

⁸ Vbọzẹ? Rhunmwuda, e Siria ma wegbe sẹ e Damaskọs ne igiogbe ọ re, e Damaskọs ma vbe wegbe sẹ e Rezin ne Ọba. Sokpan, zẹ vbe ọghe Izrẹl, vbe ọ te do sẹ ukpo isẹn yan iyeha, iran gha zanzan ẹẹn ruan sẹrriọ wẹ, ẹ i ghi sẹtin guakpao do gha re uhunmwu ẹvbo ẹdẹ.

Aizaia 7:8 ပူးပေါင်းရင်းမြစ်များ

Gẹnẹsis 14:15

Rẹn vbe emwa rẹn keghi ghae ye otu vbe evba, iran keghi dekun iran vbe odẹ ekẹn ọghe Damaskọs.

II Samuẹl 8:6

Ọ keghi bu agọ ivbiyokuo ye iran ẹvbo, iran keghi khian eguọmwadia ẹre, iran na gha ga gie ẹe. E Nọyaẹnmwa kegha rhie akhọnmiotọ ne Devid vbe ehe hia.

Ẹzra 4:2

Rhunmwuda ọnii iran keghi bu e Zerubabẹl kevbe avbe ọkaẹgbẹe, iran tama iran wẹẹ, “Wa gie ima yaba uwa bọ Ọgua Osa na. Osanobua ne uwa ga ọ re ima vbe ga, te ima wa vbe zọ ese ghe ẹre ke ne Esahadọn ne ọgbaisi Asiria ya wẹ ne ima gha dee do yin edinran gha dee.”

Aizaia 8:4

Ọmọ na ghi te wan sẹ ne ọ gha na gha tie ‘Iye’ tie ‘Ebaba’, ẹfe ni rre Damaskọs kevbe emwi ne a furu vbe Sameria hia gha khian ne ọba Asiria hẹ gha rrie.”

Aizaia 9:11

E Nọyaẹnmwa bọ avbe eghian iran yọ nẹ. Ne iran do gu iran gbinna.

Aizaia 9:9

Avbe ivbi Izrẹl hia, avbe emwa hia ni rre ore ẹvbo e Sameria, gha rẹn wẹ ọ ru ọna nẹ. Banbanna nian, iran hia wa tọn egbe mu. Iran khare wẹẹ,

Jerimaia 49:23

Emwi ne Nọyaẹnmwa tae vbekpa Damaskọs ọ re ọ na khin: “Ekhọe emwa ni rre Hamat kevbe Apad ma sẹ otọ, afianma vbe fian iran rhunmwuda, iran họn iyẹn dan, ohawa lẹ rhu iran zẹ vbe amẹ okun iran i ghi sẹtin kẹtin.

Ezikiẹl 27:18

Ivbi e Damaskọs dẹlẹ emwi atẹ ruẹ kevbe avbe emwi ne u ya obọ ru, iran kevbe ayọn ne a miẹn vbe Helbon, kevbe eto ohuan ne a miẹn vbe Saha ha osa yọ. Iran ye ematọn ne a gbẹnnẹ kevbe oziza guẹ do ẹki.

Hozia 13:1

Vbe ẹghẹ nẹdẹ, ẹwae Ifreim gha guaan, ohan ghi mu ẹwae Izrẹl nekpa hia. Ifreim ọ re iran ghe ẹre aro. Sokpan, emwa ni ru orukhọ vbekpa ne iran na ya gha gho e Bal, te iran ra wulo ye aighẹru ne iran ru na.