Aizaia 7:6 - Edo Bible (E Baibol Ẹdo) Version 1996

⁶ Iran wẹ iran ra khọn e Juda, ne iran ya ohan mu emwa ni rrọ ne iran yegbe ba iran, ne iran mu ovbi e Tabil ye ẹkete.

Aizaia 7:6 ပူးပေါင်းရင်းမြစ်များ

I Ọba 12:16

Emwa ni ghi rẹn nẹ wẹ ọba i ra zẹ ye iran re. Iran keghi datu wẹẹ, “De ne ọ kan mwa vbe ẹmwẹ Devid yi! Ugbẹn ne ọ mu ovbi e Jese, ma mu mwa. Ivbi Izrẹl, edọmwadẹ ọghọe gha rrie owa ẹre. Ghe owa e Devid ne erha ne u tọn mu.” Ẹre emwa Izrẹl na sọtẹ,

II Ọba 11:2

E Joas, ne ovbi Ahazaia ne okpia ọkpa ọ re ọ sẹtin lẹfe. Iran te ra wa vbe gbe ẹe rua zẹ vbe nekpa, sokpan e Jehosiaba ne ọtẹn erha ẹe ne okhuo ọ re ọ ghi wọlọ ẹe ladian, okhuo na keghi re ovbi e Jehoram kevbe ọtẹn Ahazaia, ne okhuo ọvbehe biẹ ne erha ẹe. Okhuo na keghi rhie ẹre kevbe ọmwa ne ọ kokẹe ye ughugha ọkpa vbe uwu Ọgua Osa, ọ na ya rhie ẹre lẹre ne Atalia, a na miẹn wẹ a ma gbẹe rua.

II Krọnikol 13:8

Banbanna nian, wa wẹ wa ra gu asẹ ọghe ọba ne Nọyaẹnmwa mu ne ivbi e Devid khọn. Ivbiyokuo uwa bun ẹsẹse, avbe ẹkhuia ẹmila igoru ne Jeroboam ru mu ne uwa wẹ enii ọ re Osanobua uwa.

II Krọnikol 21:7

Sokpan, e Nọyaẹnmwa ma ho ne ọ wa fuẹn ivbi uniẹn e Devid fo, rhunmwuda, ọ gu e Devid ta ile nẹ, ọ kevbe yan ma ẹnrẹn wẹ ivbi ẹre ọ re ọ ra gha rriọba khian.

II Krọnikol 28:5

Rhunmwuda ne Ehaz ne ọba na ru orukhọ, e Nọyaẹnmwa keghi gie obọ e Siria ke ukhunmwu ne ẹẹn vbe okuọ, ọ keghi vbe viọ ni bun vbe ivbi e Juda oghunmwu gha rrie Damaskọs. E Nọyaẹnmwa keghi vbe gie Pẹka ne ovbi e Remalaia ne ọba Izrẹl khọn miẹn Ehaz otọ ọ na gbele arriaisẹn iyehan (120,000) vbe uwu ivbiyokuo e Juda ni din sẹ vbe ẹdẹ ọkpa kẹkan. E Nọyaẹnmwa ne Osanobua avbe erha iran odede kue yọ ne emwi na sunu rhunmwuda ighẹ ivbi e Juda fi iyeke gbe irẹn.

Psalm 21:11

Iran si uma, iran keghi khuan khẹ ọre. Sokpan ẹi dunna ne iran.

Psalm 83:3

Iran gha si uma ẹkhokho ga emwa ruẹn iran gha khuan khẹ emwa ne uwẹ mudia na.

Itan 19:21

Emwa sẹtin mwamwa emwi gbe erhan gbe irri, sokpan, ne ọ yẹ e Nọyaẹnmwa ọ re a ra ru.

Aizaia 7:1

Ẹghẹ ne Ọba Ehaz ne ovbi e Jotam kevbe eyẹ ọghe Uzaia na gha rre ẹkete e Juda, okuo keghi saa. E Rezin ne ọba e Siria, kevbe Pẹka ne ovbi e Remalaia ọba Izrẹl keghi dekun e Jerusalẹm, sokpan, iran ma sẹtin khọn rẹn.

Aizaia 7:5

E Siria, deba Izrẹl kevbe ọba ẹre, sii uma nẹ.

Aizaia 7:7

“Sokpan mẹ ne Nọyan, ọ re ọ tae wẹ ẹ i gba.

Aizaia 8:6

Ọ wẹẹ, “Rhunmwuda ighe avbe emwa na he amẹ Ẹzẹ Siloa ne ẹ i si ọfọ yotọ, iran na gha guọ zighazigha vbe odaro Ọba Rẹzin kevbe Ọba Pẹka,