Aizaia 7:23 - Edo Bible (E Baibol Ẹdo) Version 1996

²³ “Ọ gha sẹ ẹghẹ nii, avbe ogba azara ne mose mose, ne erhan azara arriaisẹn ye, ne ọ vbe sẹ igho esiliva arriaisẹn, igban ọkhuẹnkhuẹn kevbe ọkọsọ ghi sọn rhu ẹe.

Aizaia 7:23 ပူးပေါင်းရင်းမြစ်များ

Gẹnẹsis 3:18

Ogigban ke irunmwu ọre ọ gha zọ ladian nuẹn, u ghi vbe gha rri erhan noha.

Aizaia 32:10

Ẹko sẹtin wa vuọn uwa nian, sokpan, vbe ẹghẹ na ukpo ne ọ dee, wa gha rre uwu iro ne ọ hanrẹn, rhunmwuda, wa i ighi ra miẹn alimo rhọ.

Aizaia 5:10

Azara ne a kọ ye awowo otọe isẹn, egalọn ofigbọn isẹn kẹkan ọre a ra gha miẹn vbọ. Ẹgbẹdin emwiokọ enẹ ne a ya kọ, ẹgbẹdin emwiokọ ọkpa kẹkan ọre a gha vbe gha rhọ vbọ.”

Aizaia 5:6

I gha gie irunmwu sọn rhu ẹe, I i ra viọ azara ni abọ ra ne I vulo otọ ẹre. Sokpan, I gha gie igban kevbe ọkọsọ ma rhu ẹe. I gha wa vbe tama iso ne ọ ghẹ gie amẹ rhọ yọ.”

Aizaia 7:24

Emwa ghi viọ uhanbọ ya gha ru ohuẹ vbọ. Ẹn, ẹvbo nii hia ghi vuọn ne ọkhuẹnkhuẹn kevbe ogigban.

Jerimaia 4:26

Otọe ne ọ te ma emwiokọ khian ato, ẹvbo nekhua, ni rrọọ khian itowa, rhunmwuda ohu nọkhua ọghe Nọyaẹnmwa.

Ezikiẹl 12:20

Avbe ore ẹvbo ni te vuọn ne ẹvbo nian, a gha dunmwu ehia a, a ghi ya ẹvbo nii khian otọe ẹgbo. Ẹghẹ nii ọ re iran gha na rẹn ighe mẹ ọrọre Nọyaẹnmwa.”

Hozia 2:12

I gha guọghọe rua ighe erhan ne ọ mọ ọmọ ne ọ ya ru ayọn, kevbe erhan ohọ hia, ne ọ khare ighe avbe esiọre ọ re ọ viọ ẹre ne irẹn, rhunmwuda iwinna ne ọ ye ne iran. I gha ya ogba azara ẹre kevbe erhan ohọ ẹre khian ẹgbo, aranmwẹ oha ghi rhia ẹre ua.

Hozia 9:6

Ọkhọ gha ghi rruan iran nẹ, ighe avbe emwa ni hia vbe zagha kua, ivbi Igipt gha si iran koko iran ghi si iran koko ne iran ya re iran vbe Mẹmfis! Emwi ẹfe esiliva ne iran mwẹ, kevbe ehe ne owa te gha ye vbe ẹghẹ ọkpa, irunmwu kevbe igban, ọ re ọ gha zọọ gue ehia.

Matiu 21:33

Jesu keghi khama iran wẹẹ, “Wa vbe danmwehọ itan ọvbehe: okpia ọkpa rrọọ ne ọ mwẹ otọ, ọ keghi mu ẹre ugbo emwiokọ, ọ gba ogba ga ẹre, ọ keghi vbe fian okọ ne a na ru ẹdin yọọ, ọ keghi vbe bọọ owa ọbodẹ ne ọ yo yọọ, ọ keghi mu uẹn ne emwa vbe agbeghae, ọ na gha rrie ehe.

Hibru 6:8

Sokpan, a deghẹ ọ zọ igban kevbe irunmwu ladian, ọ rhiae nọ, ọ mu egbe ẹre ye ne Osanobua gha na fi ẹre unu, a ghi ya erhẹn fuẹn ọnrẹn uan.