Aizaia 7:22 - Edo Bible (E Baibol Ẹdo) Version 1996

²² ewẹn iran gha la sẹrriọ wẹ, ọ gha mwẹ sẹ vbene ọ ho. Ẹn, ikpirogho eva ni ghi miẹn uhunmwu vbe otọ nii, gha miẹn ewẹn ẹmila kevbe owọn gha re.

Aizaia 7:22 ပူးပေါင်းရင်းမြစ်များ

Gẹnẹsis 18:8

Ọ keghi rhie ewẹn ẹmila ọgbọn kevbe emiowo nii, ọ keghi viọ ẹre yotọ vbe odaro emwa nii. Iran ghi rri evbare nẹ, ọ keghi mudia ke iran vbe ototọ erhan nii.

Aizaia 14:30

E Nọyaẹnmwa gha ru ọsuohuan avbe emwa rẹn ne ivbiogue, ọ ghi vbe gie iran gha rrọọ vbe a i mwẹ ẹbe. Sokpan, ọ gha gie ukhunmwu nọkhua gie uwa ne ivbi e Filistin, ẹ i ra vbe sẹ okpa rae ye agbọn vbe uwu uwa.

Aizaia 17:2

Emwa gha lẹkua hin avbe okpẹvbo e Siria rre ẹdẹdẹmwẹdẹ. Iran gha khian ehe ne ohuan kevbe ẹmila na rria, ọmwa ne ọ gha vbe khulo iran hin evba rre i rrọọ.

Aizaia 7:15

Ọ ghi te wan sẹ ne ọ ghi ya ẹwaẹn obọ ẹre zẹ emwi ru, emwa gha a wọn ewẹn ẹmila, iran ghi vbe gha rri owọn.

Aizaia 8:15

Nibun gha rrua owẹ, iran gha dele, iran ghi rẹnkhẹn uan. Ifi gha munọ iran.”

Matiu 3:4

Ukpọn ne a ye eto aranmwẹ oha do ọre Jọn na gha mu rhuan, ọ ghi mu ugbẹkun ohian gba ẹkun, evbare ne ọ re keghi re irhiso kevbe owọn oha.