Aizaia 7:20 - Edo Bible (E Baibol Ẹdo) Version 1996

²⁰ “Ọ gha sẹ ẹghẹ nii, e Nọyaẹnmwa gha ya rhie ọmwa ne ọ gbe eto okpa ke iyeke ẹzẹ Yufretes rre, ọnii nọ wẹ ọgbaisi Asiria, ọ gha kpolo uwa ẹtu ke eto ne uhunmwu kevbe ni rre uwu ikinnegbe.

Aizaia 7:20 ပူးပေါင်းရင်းမြစ်များ

Aizaia 1:5

Vbọzẹ ne uwa na sọtẹ khian vberriọ yi? Te uwa ho ne a ye rri uwa oya sẹẹ ọna ra? Izrẹl, ghe vbe ẹtẹ gba uwa uhunmwu hia. Orhiọn kevbe ekhọe uwa khuọnmwi.

Aizaia 10:15

Sokpan, e Nọyaẹnmwa khare wẹẹ, “Ughanmwa gha kha ighe rẹn ọ re ọ sẹ ọmwa ne ọ ya ẹe winna ra? Ọsara ọ re ọ vbe kpolo sẹẹ ọmwa ne ọ yae va erhan ra? Orhokhua i tọn ọmwa mu, ọmwa ọ re ọ tọn orhokhua mu.”

Aizaia 11:15

E Nọyaẹnmwa gha ka e Suẹz muotọ, ọ ghi ya ẹhoho ne ọ mwẹ ọghae ka Ẹzẹ Yufretes muotọ ọ ghi sẹ ivbiẹzẹ tẹghẹtẹghẹ kẹkan rae sẹrriọ wẹ ọmwaikọmwa sẹtin ye owẹ fian ẹn rra.

Aizaia 36:1

Ọ ghi rre ukpo ne ogiwenẹ ne Hẹzekaia rriọba vbe Juda, e Senakẹrib ne ọgbaisi Asiria keghi mu okuo la avbe ẹvbo ne a gba odin gaa vbe Juda, ọ na khọn iran miotọ.

Aizaia 8:7

mẹ ne Nọyaẹnmwa gha tie ọgbaisi Asiria rre, deba ivbiyokuo ẹre hia, ne iran gu e Juda gbinna. Iran gha bi rre zẹ vbene amẹ Ẹzẹ Yufretes kpa ku oke ẹre.

Aizaia 9:13

Ivbi Izrẹl ma he ye fiwerriẹ, a gha rhe miẹn wẹ e Nọyaẹnmwa ne Oghodua rria iran ikhi nẹ, iran ma he ye werriegbe bu ẹre rre.

Jerimaia 2:18

De ere ne ọ rre uwa ẹre yi vbe uwa a dọlegbe gha rrie Igipt, ne uwa ya wọn amẹ Naẹl? De emwi ne uwa yayi ighe wa gha miẹn vbọ, vbe uwa a dọlegbe gha rrie Asiria, ne uwa ya wọn amẹ Yufretes?

Ezikiẹl 29:18

“Ovbi ọmwa, e Nebukiadneza ne ọba e Babilọn gu e Taia gbinna. Ọ keghi ya avbe ivbiyokuo ẹre mu ihẹ ne ọ khua sẹrriọ wẹ te iran ghi gbele akpan, ẹtẹ keghi vẹ vbe izabọ iran, sokpan, ke ọba kevbe ivbiyokuo, ne ọ miẹn emwi esi ọkpa rhie ke ọe ladian, ẹ i rrọ ighe ẹsọn ne iran miẹn nii.

Ezikiẹl 29:20

I ra mu Igipt ya ha ẹre osa ye iwinna ne ọ winnaẹn, rhunmwuda mẹ ọ re avbe ivbiyokuo ẹre gha winna na. Mẹ ne Nọyaẹnmwa ne Udazi ọ re ọ tae.