Aizaia 7:19 - Edo Bible (E Baibol Ẹdo) Version 1996

¹⁹ Iran gha bi la avbe iya ne kpannọkpannọ nii, kevbe avbe uvun okuta, iran gha mama rhu oha igban hia kevbe otọe ne avbe aranmwẹ na rria hia.

Aizaia 7:19 ပူးပေါင်းရင်းမြစ်များ

II Krọnikol 33:11

Rhunmwuda ọnii, e Nọyaẹnmwa keghi fan obọ ẹre ne ivbiyokuo Asiria ne iran mu okuọ la e Juda. Iran keghi khọn mu e Manasẹ, iran na halọ ẹghọ ye ọre egbe, iran na ya ọgiọrọ rrọ ẹre, iran na muẹn gha rrie Babilọn.

Aizaia 2:19

Emwa gha lẹre ye uwu avbe uvun ye uwu otọ ne iran miẹn ehe na lẹfe vbe obọ ohu e Nọyaẹnmwa, kevbe ne iran vbe lẹre hin obọ ẹtin kevbe uyi ẹre rre, vbe ẹghẹ ne ọ gha na mu agbọn rueghe.

Aizaia 2:21

E Nọyaẹnmwa gha rre do mu agbọn na rueghe, emwa gha lẹre ye uvun otọ kevbe uvun okuta, ne iran miẹn ehe na lẹ ohu ẹre fe, kevbe ne iran lẹre ne ẹtin ẹnrẹn kevbe uyi ẹre.

Aizaia 5:6

I gha gie irunmwu sọn rhu ẹe, I i ra viọ azara ni abọ ra ne I vulo otọ ẹre. Sokpan, I gha gie igban kevbe ọkọsọ ma rhu ẹe. I gha wa vbe tama iso ne ọ ghẹ gie amẹ rhọ yọ.”

Aizaia 55:13

Avbe uvbiakhẹ gha wan vbe ehe ne ogigban te ye na. Ewae gha wan rhie ihe igban. Ena ghi gha re ama ni gha rrọọ ẹdẹdẹmwẹdẹ iyagbaye ọghe iwinna ne imẹ ne Nọyaẹnmwa winnaẹn.”

Aizaia 7:24

Emwa ghi viọ uhanbọ ya gha ru ohuẹ vbọ. Ẹn, ẹvbo nii hia ghi vuọn ne ọkhuẹnkhuẹn kevbe ogigban.

Aizaia 7:25

Avbe oke ne a te ka kọ emwiokọ yi, igban gha sọn rhu ẹe sẹrriọ wẹ a i ghi miẹn ọmwa ne ọ gha yo evba. Ọ ghi do khian ehe ne ẹmila kevbe ohuan na rria.”

Jerimaia 16:16

E Nọyaẹnmwa keghi kha wẹẹ, “I ra gie ne a tie avbe ọgbehẹn nibun, ne iran do munọ avbe emwa na, vbe iyekọnii, I ghi vbe gie ne a tie avbe ohuẹ nibun, ne iran do ru ọba fi iran vbe avbe uhunmwu oke nekhua kevbe negiẹrẹ hia kevbe vbe uwu uvun okuta nekhua.

Maika 7:17

Iran gha wunnu la uzekhae vbe ẹyẹn. Iran gha ke owa ọkhẹ iran rre vbe uguọmwẹ kevbe ohan. Iran gha ya ohan bu e Nọyaẹnmwa Osanobua mwa rre.

Zẹkaraia 10:8

“I gha tie emwa mwẹ, I ghi si iran koko. I gha miẹn iran fan. I ghi vbe gie iran gha bun zẹ vbe ne iran te ka gha ye.

Matiu 7:16

Uyinmwẹ iran ọre uwa gha ya rẹn iran. Ọkhuẹnkhuẹn i mọ azara ra ne ogigban mọ ohọ.