Aizaia 7:18 - Edo Bible (E Baibol Ẹdo) Version 1996

¹⁸ “Ọ gha sẹ ẹghẹ nii, e Nọyaẹnmwa gha fi ewọe zẹ vbe ama ya tie ivbi Igipt, ne iran ke ehe ne ọ ghi rrei sẹ vbe abọ e Naẹl gha dee zẹ vbe ikian, kevbe ne ivbi Asiria vbe ke otọe iran gha dee zẹ vbe owọn.

Aizaia 7:18 ပူးပေါင်းရင်းမြစ်များ

Psalm 105:31

Osanobua guan rẹn, ikian kevbe ẹkhunkhun, keghi hihiẹ gba ehe hia vbe ẹvbo ni.

Psalm 118:12

Iran te ma rhu mwẹ zẹ vbe owọn, sokpan, iran giẹn uan vbe imọ. I ya eni e Nọyaẹnmwa fuẹn iran hia a.

Ẹksọdọs 8:21

A deghẹ u ma gie emwa mwẹ gha khian, I yan ma ruẹn wẹ, I gha gie ikian rre ne iran vẹ rhu uẹ kevbe ekhaẹmwẹ ruẹn, avbe emwa ruẹn kevbe avbe owa ruẹ, owa ivbi Igipt hia ya sẹ egbe otọ ne iran viọ owẹ yi, gha vuọn ne ikian.

Ẹksọdọs 8:24

E Nọyaẹnmwa keghi ru emwi na, ikian keghi bi la ẹguae ọba Igipt kevbe owa ekhaẹmwẹ ọnrẹn kevbe otọe Igipt hia. Ikian keghi rhia ẹvbo nii uan.

Aizaia 13:5

Ẹvbo ne ọ rrei ẹsẹse vbe odẹ ehe ne agbọn sẹe ọ re iran ke dee. Vbe uwu ohu ẹre, e Nọyaẹnmwa dee do duẹ ẹvbo nii hia a.

Aizaia 31:1

Ọ ghe iran ni ya gha nọ iyobọ vbe Igipt fo. Emwi igbinna ọrhẹnrhẹn ne Igipt mwẹ ọ re iran mu ẹtin yan, avbe ẹsin, ikẹkẹ okuo kevbe ivbiyokuo sokpan iran ma mu ẹtin yan e Nọyaẹnmwa, ne Osanobua nọhuanrẹn ọghe Izrẹl, ra ne iran nọ iyobọ vbe obọ ẹre.

Aizaia 5:26

E Nọyaẹnmwa ru iyama nẹ wẹ ne a tie uhunmwu ẹvbo okpa ne ọ rre urria rre. Ọ fi ewọe gie iran wẹ ne iran ke ehe ne agbọn sẹe gha dee. Ghe vbe iran zẹgiẹgiẹ ya ululẹ dee.

Aizaia 7:17

“E Nọyaẹnmwa ra si ọlọghọmwa ọkpa ye uwẹ egbe kevbe avbe emwa ruẹn, deba ẹgbẹe ọba hia fẹẹrẹ, egbe ẹdẹ ọlọghọmwa ne a ma he ka miẹn ẹdẹ, ke ẹghẹ ne Izrẹl ya fian egbe hin e Juda rre gha dee, ọba Asiria ọ re ọ ra si okuo ẹre gha dee.

Zẹkaraia 10:8

“I gha tie emwa mwẹ, I ghi si iran koko. I gha miẹn iran fan. I ghi vbe gie iran gha bun zẹ vbe ne iran te ka gha ye.

Diuteronomi 1:44

Ẹre emwa Amọri ni rre avbe ẹvbo nii na vẹ rhu uwa vbe owọn, iran keghi zẹ uwa khu, ya sẹ Họma obọ iran na ke odukhunmwu ne uwa vbe evba vbe ẹvbo oke ọghe Idọm.

Diuteronomi 28:49

E Nọyaẹnmwa gha mu okpẹvbo ke ehe ne agbọn sẹe gha dee, emwa ne uwa i họn ẹvbo ne iran zẹ, ọ ghi mu ẹre aro da uwa. Iran ghi siẹn rhu uwa zẹ vbe oghohọn.

Diuteronomi 7:20

Ọ gha vbe gie ohan bu iran ne ọ ya fuẹn iran ni lẹ fua ya lẹre ye ẹkhokho.

Jọsua 24:12

I kevbe gie ugborrirri mwẹ ke odaro ne uwa ne ọ ya khulo avbe ọba Amọri eva ladian vbe odaro uwa. Ẹ i zẹdẹ re umozo kevbe ifẹnmwẹ uwa ọ re ọ ru ẹe.