Aizaia 7:15 - Edo Bible (E Baibol Ẹdo) Version 1996

¹⁵ Ọ ghi te wan sẹ ne ọ ghi ya ẹwaẹn obọ ẹre zẹ emwi ru, emwa gha a wọn ewẹn ẹmila, iran ghi vbe gha rri owọn.

Aizaia 7:15 ပူးပေါင်းရင်းမြစ်များ

Gẹnẹsis 18:8

Ọ keghi rhie ewẹn ẹmila ọgbọn kevbe emiowo nii, ọ keghi viọ ẹre yotọ vbe odaro emwa nii. Iran ghi rri evbare nẹ, ọ keghi mudia ke iran vbe ototọ erhan nii.

Psalm 51:5

Emwi dan ọ re I wa khin, kevbe ne a ya biẹ mwẹ gha dee, I keghi wa vuọn ne orukhọ ke ẹdẹ ne a biẹ mwẹ kpao.

Aizaia 7:22

ewẹn iran gha la sẹrriọ wẹ, ọ gha mwẹ sẹ vbene ọ ho. Ẹn, ikpirogho eva ni ghi miẹn uhunmwu vbe otọ nii, gha miẹn ewẹn ẹmila kevbe owọn gha re.

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Matiu 3:4

Ukpọn ne a ye eto aranmwẹ oha do ọre Jọn na gha mu rhuan, ọ ghi mu ugbẹkun ohian gba ẹkun, evbare ne ọ re keghi re irhiso kevbe owọn oha.

Iyẹn ne ọ Maan Ọghe Luk 1:35

Odibosa ni keghi wanniẹn wẹẹ, “Orhiọn Ne Ọ Huanrẹn gha rhuẹ yan ruẹn. Ẹtin Osanobua gha hin yan ruẹn. Rhunmwuda ọnọna, a gha tie ọmọ ne ọ huanrẹn ni Ovbi Osanobua.

Iyẹn ne ọ Maan Ọghe Luk 2:40

Ọmọ ni keghi wan, ọ keghi vbe wo vbe egbe, ọ vuọn ne ẹwaẹn, afiangbe Osanobua kegha gu ẹe rrọọ.

Iyẹn ne ọ Maan Ọghe Luk 2:52

Jesu kegha wan vbe ikinnegbe kevbe ẹwaẹn, ẹmwẹ ọnrẹn kegha yẹ Osanobua kevbe emwa ne agbọn.

Ebe ne Pọl gbẹẹn gie emwa Rom 12:9

Wa gie aho ẹmwẹ ọmwa gha re ne ọ sẹ otọ ẹko. Ghẹ gha ma ẹko emwi dan. De obọ mu emwi esi.

Diuteronomi 1:39

“Ẹre Nọyaẹnmwa na tama ima hia wẹẹ, ‘Ivbi uwa ne a miẹn wẹ ibiẹka ni ma rẹn emwi ne ọ maa hin e nẹ i maa rre, gha la otọ nii, emọ ne uwa khare ighẹ avbe eghian uwa gha munọ ẹre oghunmwu. I gha mu otọ ni ne iran, iran ghi yin ẹnrẹn.