Aizaia 7:14 - Edo Bible (E Baibol Ẹdo) Version 1996

¹⁴ Vbene ọ ghi ye na nian, e Nọyaẹnmwa gha tobọ ẹre rhie iyama nuẹn: okhuo ọvbokhan ọkpa ne ọ ma rẹn okpia gha hanmwa, ọ gha biẹ ọmọ okpia ọkpa, ọ ghi he ẹre ‘Imanuẹl.’

Aizaia 7:14 ပူးပေါင်းရင်းမြစ်များ

Gẹnẹsis 16:11

Ọmọ okpia u ra biẹ na, u gha he ẹnrẹn Ismẹl rhunmwuda Nọyaẹnmwa họn eve ọlọghọmwa ruẹn.

Gẹnẹsis 29:32

E Lia keghi hanmwa, ọ na biẹ ọmọ okpia ọ keghi kha wẹẹ, “E Nọyaẹnmwa rẹn ọlọghọmwa ne I mwẹ, te ọdọ mwẹ ghẹ ghi ho ẹmwẹ mwẹ nian”; ọ keghi he ẹre Riubẹn.

Gẹnẹsis 3:15

I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

Gẹnẹsis 30:6

E Rekiẹl keghi kha wẹẹ, “Osanobua bu ohiẹn nẹ, ọ họn erhunmwu mwẹ, ọ na rhie ọmọ okpia mẹ”; ọ keghi he ẹre Dan.

Gẹnẹsis 30:8

E Rekiẹl ke kha wẹẹ, “I gu ọtẹn mwẹ gbinna igbinna nọ wegbe sokpan, obọ mwẹ keghi ke ukhunmwu”; ọ keghi rhunmwuda ọnii he ẹre Naftali.

Gẹnẹsis 4:25

Adam kevbe amwẹ ọnrẹn keghi dọlegbe biẹ ọmọ okpia ọkpa, okhuo nii keghi kha wẹẹ, “Osanobua vbe rhie ọmọ okpia ọvbehe yọ mwẹ ihe Ebẹl ne Keni gbe ua.” Rẹn keghi he ẹre Sẹt.

I Ọba 13:3

Aka na gha guọghọ ua a gha zagha emuẹn ni rrọọ kua. Ẹghẹ nii wa gha na rẹn wẹ e Nọyaẹnmwa ọ re ọ gele gie mwẹ uhunmwu.

Psalm 46:8

Wa larre ne uwa do ghe, emwi ne Nọyaẹnmwa ru wa do ghe iwinna ọyunnuan ne ọ winnaẹn vbe uhunmwu otọ agbọn.

Aizaia 38:7

Aizaia keghi wanniẹn wẹẹ, “E Nọyaẹnmwa gha rhie ama nuẹn ne ọ ya rhie ma ruẹn wẹ rẹn gha ru vbene irẹn khare.

Aizaia 8:10

Wa mwamwa emwi hia! Sokpan, erhọkpa i dunna. Wa guan yan emwi hia ne uwa ho ne uwa guan yan. sokpan erhọkpa i mwẹ esa, rhunmwuda Osanobua rrọọ yaba mwa.

Aizaia 8:8

Iran gha bi la e Juda gberra zẹ vbe amẹ ne ọ lẹ, ọ ghi ro ya sẹ izabọ, ọ ghi ro gue emwi hia.” Osanobua rrọọ yaba mwa, ifuẹn ọnrẹn ne ọ rhan rẹn degue otọe mwa.

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Jerimaia 31:22

Inu ẹghẹ wa gha biro eveva la, wa ne emwa ne ẹ i mwẹ iyayi? I yii emwi ọgbọn kevbe ne ọ lughaẹn nẹ ọ wa lughaẹn sẹẹ okhuo ne ọ degue okpia.”

Jerimaia 44:29

Mẹ ne Nọyaẹnmwa gha rhie ama ne uwa ya rẹn wẹ I gha rri uwa oya vbe emwa na kevbe wẹ eyan ne I yan rẹn wẹ I gha gie ọkhọ mian uwa, te ọ ra sẹ.

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Iyẹn ne ọ Maan Ọghe Luk 1:31

U gha hanmwa, u gha biẹ ọmọ okpia ọkpa, u ghi he ẹre Jesu.

Iyẹn ne ọ Maan Ọghe Luk 1:35

Odibosa ni keghi wanniẹn wẹẹ, “Orhiọn Ne Ọ Huanrẹn gha rhuẹ yan ruẹn. Ẹtin Osanobua gha hin yan ruẹn. Rhunmwuda ọnọna, a gha tie ọmọ ne ọ huanrẹn ni Ovbi Osanobua.

Iyẹn ne ọ Maan Ọghe Luk 2:12

Ne uwa miẹn ehe ne tie ẹre ẹmwata, wa gha do vba ọmọ obọ ne a ye ukpọn vbuẹ vbe a mu ẹn lovbiẹ vbe aza emwirri.”

Iyẹn ne ọ Maan Ọghe Luk 20:44

Devid tie ẹre Nọyaẹnmwa, vbe ne ne Mẹzaia ghẹ ghi na vbe gha re ovbi uniẹn Devid hẹẹ?”

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Ebe ne Pọl gbẹẹn gie emwa Rom 9:5

Uniẹn avbe erha nikaro iran khin, a gha ta ẹmwẹ Kristi zẹ vbe ọmwa kẹkan, uniẹn iran nii vbe nọ. Osanobua ne ọ kha yan emwi hia ọre a gha rho ẹdẹdẹmwẹdẹ! Isẹ.

I Timoti 3:16

Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

Giọgis 6:36

Ẹre Gidiọn na tama Osanobua wẹẹ, “U khare wẹ u ra lo mwẹ ya miẹn ivbi Izrẹl fan.

I Samuẹl 1:20

Erriọ a miẹn ọẹn wẹ, ọ keghi hanmwa, ọ na biẹ ọmọ okpia. Ọ keghi he ẹre Samuẹl. Ọ wẹẹ, “Obọ e Nọyaẹnmwa ọre I na nọ rẹn.”

I Samuẹl 4:21

Ọ keghi he ọmọ ni Ikabọd, ne ọ ya kha wẹẹ, “Uyi Osanobua kpa vbe Izrẹl rre nẹ,” rhunmwuda ne okuo na khọn mu Ẹkpẹti Ile, erha ọdọ ẹre wu, ọdọ ẹre kevbe wu.