Aizaia 7:13 - Edo Bible (E Baibol Ẹdo) Version 1996

¹³ Ẹre Aizaia ghi na wanniẹn wẹẹ, “Banbanna nian, danmwehọ, wa ne ivbi uniẹn e Devid. Emwi dan wa nọ ne uwa gha ya emwi wọ emwa nagbọn egbe, te uwa ghi ra vbe yae wọ Osanobua egbe ra?

Aizaia 7:13 ပူးပေါင်းရင်းမြစ်များ

Gẹnẹsis 30:15

E Lia keghi wanniẹn wẹẹ, “Ọdọ ne u miẹn mwẹ re ma he ye suẹ, ebe ukhunmwu ẹwẹre ovbi mwẹ ọre u ghi vbe ra viọ.” Rekiẹl keghi kha wẹẹ, “U gha viọ ebe ukhunmwu ẹwẹre ovbuẹ mẹ, u sẹtin ya lovbiẹ ke Jekọb asọn nẹ rẹ.”

II Krọnikol 21:7

Sokpan, e Nọyaẹnmwa ma ho ne ọ wa fuẹn ivbi uniẹn e Devid fo, rhunmwuda, ọ gu e Devid ta ile nẹ, ọ kevbe yan ma ẹnrẹn wẹ ivbi ẹre ọ re ọ ra gha rriọba khian.

Psalm 45:5

Ifẹnmwẹ ruẹn wa mu, iran ha ẹkoko udu eghian ruẹn gberra avbe agbọn ẹvbo ghigha dele ye owẹ ruẹ.

Aizaia 1:14

Emwiukpo Uki Ọgbọn ọghe uwa wa sọnnọ mwẹ kẹe kevbe avbe ẹdẹ ugie, ihẹ iran khin mwẹ re, egbe iran wọ mwẹ ne ẹ.

Aizaia 1:24

Rhunmwuda ọnii nian, danmwehọ vbene ọ kha hẹ ighe e Nọyaẹnmwa ne Oghodua, Osanobua ne ọ mwẹ ẹtin ọghe Izrẹl: “I gha rria uwa ikhi, wa ne eghian mwẹ, wa i ghi ra gha kpokpo mwẹ ọvbehe.

Aizaia 22:22

I gha mu asẹ ne ọ gba fo ye ọre obọ vbe ototọ ọba ne ovbi uniẹn e Devid. A gha mu isanhẹn asẹ ne ẹẹn. Ọ gha khui, a i miẹn ne ọ kie ẹre, ọ gha kie, a i miẹn ne ọ khui ẹre.

Aizaia 25:1

E Nọyaẹnmwa, wẹ ọrọre Osanobua mwẹ I gha ya ọghọ ne uẹn, I gha rho eni ruẹn, u ru avbe emwi ọyunnuan nẹ a vbe emwamwa ne u ru ẹghẹ ni u wa hẹko mu ehia sẹ nẹ.

Aizaia 43:24

Wa ma dẹ eturari mẹ, a ma ghi wẹ wa gha ya ẹvbi aranmwẹ vuọn mwẹ ẹko, sokpan, wa keghi ya ẹmwẹ orukhọ uwa mu ihẹ mẹ. Wa ya ẹmwẹ abakuru uwa wọọ mwẹ egbe. Wa keghi ya ẹmwẹ orukhọ ne uwa ru wiẹn mwẹ uan.

Aizaia 63:10

sokpan, iran keghi sẹmwẹ ọnrẹn, iran keghi gha rhia ẹre ẹko rua. Rhunmwuda ọnii, e Nọyaẹnmwa keghi khian oghian iran, Ọ keghi gu iran gbinna.

Aizaia 7:12

Ehaz keghi wanniẹn wẹẹ, “Mẹ i ra nọ ama. Mẹ i sẹtin danmwẹ e Nọyaẹnmwa ghe.”

Aizaia 7:2

Ọba e Juda ghi họn wẹ okuo e Siria sẹẹ otọe e Juda nẹ, ohan mu irẹn kevbe emwa rẹn sẹrriọ wẹ iran ke gha mian gbẹghẹgbẹghẹ zẹ vbe avbe erhan ne ẹhoho hoho.

Jerimaia 44:22

Vbe ẹdẹnẹrẹ na nian, ẹvbo uwa khian itowa, ọmwarhọkpa i ghi vbe rrọọ. Ọ khian emwi ne ọ mianmwẹ ughe, te emwa ghi vbe ye eni ẹnrẹn tie ihẹn, rhunmwuda, e Nọyaẹnmwa ma ghi sẹtin fi aro ua ye uyinmwẹ dan, kevbe emwi dan hia ne uwa ru.

Jerimaia 6:11

Ohu iran ne ọ mu ẹẹn wa vbe giẹn vbe erhẹn vbe uwu ime, Nọyaẹnmwa, I i ghi sẹtin zin ẹnrẹn ọvbehe.” Ẹre Nọyaẹnmwa na tama mwẹ wẹẹ, “Hihiẹ ohu mwẹ yan avbe ibiẹka vbe adesẹ ore, kevbe ye ehe ne avbe igbama na si koko. A gha viọ avbe ọdọ kevbe avbe amwẹ kpao, a i ra vbe sẹ avbe ọmaẹn rae.

Ezikiẹl 16:20

“Iyeke ọnii, u keghi viọ emọ ikpia kevbe emọ ikhuo ne u biẹlẹ mẹ, u na ya iran zọ ese ne ẹbọ. Adeghẹ te u ma ga mwẹ,

Ezikiẹl 16:47

“Ọ ma sẹ uwẹ ọkẹn ra ne u gha la odẹ ne iran lae, ne u vbe gha yegbe ta uyinmwẹ ẹwia iran? Hiehiere, vbe ovbi ẹghẹ kherhe, u ke ru emwi ne ọ rhia sẹ ọghe iran vbe emwi ne u ru hia.”

Ezikiẹl 34:18

Ẹko e ne uwa na rri irunmwu ni ghi maa sẹ ma vuọn uwa, te uwa ya owẹ rrilo ne uwa ma re vbọ muotọ! Wa wọn amẹ nọhianrẹn, sokpan, wa ghi ya tughu ne uwa ma wọn vbọ ua.

Ezikiẹl 6:9

ehe ne iran gha na gha rre iwe. Evba nii ọre iran gha na ye mwẹ rre, iran ghi vbe rẹn we mẹ ọ re ọ rrii iran oya, I na vbe fa iran an, rhunmwuda ekhọe iran nẹi guobọ ọmwa he mwẹ yotọ, iran keghi rhie egbe lele ẹbọ ne ọ yẹ iran sẹẹ imẹ. Ẹmwẹ egbe iran gha sọnnọ iran rhunmwuda emwi dan kevbe emwi ifaegbua ne iran ru.

Emọs 3:13

Wa danmwehọ nian, ne uwa gu ivbi uniẹn Jekọb guan ye otọ khẹ ọ dee,” erriọ e Nọyaẹnmwa, Udazi ne Oghodua khare.

Malakai 2:17

Te egbe etalọ ne uwa talọ ghi wọ e Nọyaẹnmwa. Sokpan, wa ghi vbe nọ wẹẹ, “Vbe ima ya ya egbe wọ ẹre hẹ yi?” Vbe ekpa ne uwa na kha wẹẹ, “E Nọyaẹnmwa ne Oghodua ro wẹ emwa esi ọre emwa hia ni ru; emwi dan khin, vbe ẹmwata, ọ wa ho ẹmwẹ iran.” Ra ne uwa na kha wẹẹ, “Rẹn ghi vbo yi ighẹ nene Osanobua ne a wẹ ẹmwata nọ?”

Nọmbas 16:13

Ne u na viọ ima ke otọ esiesi vbe Igipt ladian ne u do gbele ima an vbe uwu ẹgbo na ma he ye sẹ ra? Te u ghi ra vbe gha ya ima ru ẹe rua ba onii ra?

Nọmbas 16:9

Emwi kherhe wa tie ẹre re ra ne Osanobua Izrẹl na hannọ uwa ladian vbe uwu ẹbu emwa nekpa, ne uwa sẹtin gha sikẹ irẹn, ne uwa gha winna iwinna uwa vbe Owa Ukpọn Ile, ne uwa gha ga emwa nii hia?

Iyẹn ne ọ Maan Ọghe Luk 1:69

Ọ gie Ọmiọnmwafan ne ọ wegbe ọkpa zọ ladian ne ima, vbe uwu uniẹn Devid ne ọguọmwadia ẹre.

Iwinna 7:51

“Wa na ni zẹ udu gbee! Wẹ ne ekhọe ibisi, wa ni kan igban khiọ ehọ, ne ẹ i họn ẹmwẹ Osanobua. Vbene avbe erha uwa gha ye ọre uwa vbe ye. Orhiọn Ne Ọ Huanrẹn ọre uwa gu suan ẹdẹ.

Hibru 3:10

Rhunmwuda ọnii, ọre ohu emwi ni na mu mwẹ. I keghi kha wẹ, ‘Ẹghẹ hia iran ya ba odẹ ku vbe iro ne iran zẹ. Iran ma he ye rẹn uyinmwẹ mwẹ.’