Aizaia 7:12 - Edo Bible (E Baibol Ẹdo) Version 1996

¹² Ehaz keghi wanniẹn wẹẹ, “Mẹ i ra nọ ama. Mẹ i sẹtin danmwẹ e Nọyaẹnmwa ghe.”

Aizaia 7:12 ပူးပေါင်းရင်းမြစ်များ

II Ọba 16:15

Ọ keghi tama Uraia wẹẹ, “Ogiukpo nọkhua ne ọghomwẹ na ọ re u gha na gha giẹn ese owiẹ kevbe ọta ne ọba, kevbe avbe emwa ni ya zọ ese, kevbe ayọn ne emwa na ya yo imuohan. U ghi hihiẹ esagiẹn aranmwẹ ne a ya zọ ese hia yan rẹn. Sokpan, u ghi sẹ Ogiukpo oze ne ọ rrọ rae mẹ ne I na gha bọ ye emwi.”

II Krọnikol 28:22

Ọ ghi sẹ ẹghẹ ne emwi hia ya ba su ẹe sẹẹ, ọmwa na ighẹ Ehaz keghi wa dọlegbe sẹmwẹ e Nọyaẹnmwa sẹẹ vbe ne ọ te ka ye yi.

Aizaia 7:11

“Nọ e Nọyaẹnmwa ne Osanobua ruẹ wẹ ne ọ rhie ama nuẹn. Ọ sẹtin gha re ke ehe ne dinmwidinmwi ne avbe orinmwi ye gha dee, ra ke odukhunmwu reghe gha dee.”

Aizaia 7:13

Ẹre Aizaia ghi na wanniẹn wẹẹ, “Banbanna nian, danmwehọ, wa ne ivbi uniẹn e Devid. Emwi dan wa nọ ne uwa gha ya emwi wọ emwa nagbọn egbe, te uwa ghi ra vbe yae wọ Osanobua egbe ra?

Ezikiẹl 33:31

Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.

Malakai 3:15

Vbene ima ghi ghe ẹre na, iran ni tọn egbe mu ọ re ọ ghi rre uwu oghọghọ. Ẹire wẹ te agbọn wa ma emwa dan ọkpa, sokpan iran ghi ye uyinmwẹ dan iran danmwẹ Osanobua ghe ne egbe wọ ẹre, a i vbe ru iran emwirhọkpa.’ ”

Iwinna 5:9

Rhunmwuda ọnii, Pita tama rẹn wẹẹ, “Vbọzẹ ne uwẹ vbe ọdafọn na gha si uma wẹ, ne uwa do danmwẹ Orhiọn Nọyaẹnmwa ghee? Iran ni ya tọn ọdafọn ye otọ wa rre onurho nian, iran gha vbe mu uwẹ ladian ba ẹre.”

I Kọrinti 10:9

Wa ghẹ gia danmwẹ e Nọyaẹnmwa ghee, vbene eso ru vbe uwu iran, ne ẹyẹn na gbele iran uan.

Diuteronomi 6:16

“Wa ghẹ danmwẹ Nọyaẹnmwa Osanobua rua ghe, zẹ vbene uwa ru vbe Masa.