Aizaia 7:11 - Edo Bible (E Baibol Ẹdo) Version 1996

¹¹ “Nọ e Nọyaẹnmwa ne Osanobua ruẹ wẹ ne ọ rhie ama nuẹn. Ọ sẹtin gha re ke ehe ne dinmwidinmwi ne avbe orinmwi ye gha dee, ra ke odukhunmwu reghe gha dee.”

Aizaia 7:11 ပူးပေါင်းရင်းမြစ်များ

I Ọba 13:3

Aka na gha guọghọ ua a gha zagha emuẹn ni rrọọ kua. Ẹghẹ nii wa gha na rẹn wẹ e Nọyaẹnmwa ọ re ọ gele gie mwẹ uhunmwu.

II Ọba 19:29

Ẹre Aizaia na tama e Hẹzekaia ne ọba wẹẹ, “Ama emwi ne ọ ra sunu ọ re ọ na khin. Ukpo na kevbe ukpo ne ọ dee, ọka ne ọ de zọ ọ re uwa ra re sokpan, ukpo ne ọ ghi lele ẹe, wa gha sẹtin kọ ọka obọ rua, wa ghi vbe rhọ ẹre. Wa gha kọ azara kevbe alimo ayọn.

Ẹksọdọs 7:9

“A deghẹ ọba wẹ ne uwa ya iwinna ọyunnuan rhie ma ighẹ wa nọ, u ghi tama Errọn wẹ ne ọ rhie ọkpọ ne u ya tua otọ ne u fi ẹe fi otọ vbe odaro ọba ne u ya ẹe khian ẹyẹn.”

Aizaia 37:30

Ẹre Aizaia na tama Hẹzekaia ne ọba wẹẹ, “Ghe igiemwi emwi ne ọ gha sunu. Ukpo na kevbe ukpo ne ọ gha lele ẹe, avbe ọka ni de zọ ọ re uwa ra re, sokpan, vbe ukpo ne ọ ghi lele ẹe, wa gha sẹtin kọ ọka, wa ghi vbe rhọ ẹre, wa ghi vbe kọ azara, wa ghi vbe rri ọmọ ẹnrẹn.

Aizaia 38:22

Ẹre Hẹzekaia ne ọba na nọ wẹẹ, “Ama vbo ne I ya rẹn wẹ I gha sẹtin yo Ọgua Osa?”

Aizaia 55:13

Avbe uvbiakhẹ gha wan vbe ehe ne ogigban te ye na. Ewae gha wan rhie ihe igban. Ena ghi gha re ama ni gha rrọọ ẹdẹdẹmwẹdẹ iyagbaye ọghe iwinna ne imẹ ne Nọyaẹnmwa winnaẹn.”

Aizaia 7:10

E Nọyaẹnmwa keghi vbe gie uhunmwu ọvbehe gie Ehaz:

Aizaia 7:12

Ehaz keghi wanniẹn wẹẹ, “Mẹ i ra nọ ama. Mẹ i sẹtin danmwẹ e Nọyaẹnmwa ghe.”

Jerimaia 19:1

E Nọyaẹnmwa keghi tama mwẹ wẹ ne I ya dẹ uru ne a ya obuẹ ma. Ọ na vbe tama mwẹ wẹ ne I viọ eso vbe uwu avbe ediọn ba egbe kevbe eso vbe uwu avbe ohẹn ni wan sẹẹ

Jerimaia 19:10

Ẹre Nọyaẹnmwa na tama mwẹ wẹ ne I gbe uru ni uan sirra emwa ni lele mwẹ gha khian.

Jerimaia 44:29

Mẹ ne Nọyaẹnmwa gha rhie ama ne uwa ya rẹn wẹ I gha rri uwa oya vbe emwa na kevbe wẹ eyan ne I yan rẹn wẹ I gha gie ọkhọ mian uwa, te ọ ra sẹ.

Iyẹn ne ọ Maan Ọghe Luk 2:12

Ne uwa miẹn ehe ne tie ẹre ẹmwata, wa gha do vba ọmọ obọ ne a ye ukpọn vbuẹ vbe a mu ẹn lovbiẹ vbe aza emwirri.”