Aizaia 66:8 - Edo Bible (E Baibol Ẹdo) Version 1996

⁸ Wa he họn egbe ọre ẹdẹ ra, wa he miẹn egbe ọre ẹdẹ? Wa he miẹn uhunmwu ẹvbo ne a wa ya ẹdẹ ọkpa mu gbọọ? E Zaiọn i ra susẹ kpẹe a ke do mu uhunmwu ẹvbo ni gbọọ.

Aizaia 66:8 ပူးပေါင်းရင်းမြစ်များ

Aizaia 64:4

A ma he miẹn egbe ọ re a ma he vbe họn ẹmwẹ Osanobua ne ọ yevbe ruẹ ne ọ winna egbe iwinna vberriọ ne iran ni ye egbe kọe.

Jerimaia 18:13

E Nọyaẹnmwa keghi kha wẹẹ, “Wa nọ dọmwadẹ uhunmwu ẹvbo ghe adeghẹ egbe emwi vberriọ he ka sunu ẹdẹ. Ivbi Izrẹl ru a ghẹ ru nẹ!

Iwinna 2:41

Ni bun vbe uwu iran keghi ya ẹmwẹ ọnrẹn yi, a keghi sa amẹ ne iran, emwa ni do ya egbe ba iran vbe ẹdẹrriọ kegha re omwa arriaisẹn eha.

Iwinna 21:20

Iran ghi danmwehọ ẹre nẹ, iran keghi rho Osanobua vbe uyi. Iyeke ọnii, iran keghi tama Pọl wẹẹ, “Ọtẹn mwa, wẹ tobọ miẹn vbene emwi hia ye hẹ. Arriaisẹn arriaisẹn ọre emwa e Ju ni he yayi wa khin, deba ẹre, te iran wa he gba Uhi mu obọ gbangbaangban.

Iwinna 4:4

Sokpan iran ni họn ẹmwẹ nii keghi yayi, ikpia ni rrọọ sẹ omwa arriaisẹn isẹn.

I Kọrinti 2:9

Sokpan vbene ebe kha re: “Emwi ne ehọ ma he họn, ne aro ma he miẹn, emwi ne a ma ro ighẹ ọ gha sẹtin sunu ẹdẹ, ọre Osanobua mwamwa ye otọ khẹ iran ni họ ẹmwẹ ọnrẹn.”