Aizaia 66:24 - Edo Bible (E Baibol Ẹdo) Version 1996

²⁴ “Iran gha wa kpao nii, iran gha miẹn ikun avbe iran hia ni sọtẹ mwẹ, ọkhọe ne ọ rri iran i wu ẹdẹ, erhẹn ne ọ giẹn iran i vbe dọyọ ẹdẹ. Emwi ne ọ mianmwẹ ughe ọ re iran ra gha khin ne emwa nagbọn.”

Aizaia 66:24 ပူးပေါင်းရင်းမြစ်များ

Psalm 110:6

Ọ gha bu ohiẹn avbe uhunmwu ẹvbo ọ ghi ya ikun orinmwi vuọn ehe ne a na khọn okuo; ọ gha khọn avbe ọba uhunmwu otọ agbọn hia miotọ.

Aizaia 1:28

Sokpan, emwa hia ni ru orukhọ, iran na vbe sọtẹ ghe ẹre, ọ gha dunmwu iran an, ọ gha gbele iran hia a ighe avbe emwa ni hee ẹe yotọ.

Aizaia 1:31

Zẹ vbene ogiọnmwẹ erhẹn kherhe sẹtin mu erhẹn ye irunmwu ne ọ kae, erriọ emwa dan ne emwa ẹtin ra ya fuẹn iran an, ọmwa ne ọ gha sẹtin dobọ ọfuan nii yi ẹ i rrọọ.

Aizaia 14:11

Akpata ne a kpee ọ re a te ya mu ọghọ ye uwẹ egbe, sokpan, banbanna nian, ghe ruẹ vbe ẹvbo iran ni wulo nẹ. Ukpo ne a vbiẹ ọghe ọkhọe ọ re u lovbiẹ yi na, a keghi vbe ya igbu ukpọn ọghe ọkhọe hiin ruẹn egbe.’

Aizaia 24:20

Agbọn tobọ ẹre ghi gha ya owẹ fi otọ dọn, zẹ vbe Ọdayọn. Ọ ghi gha han yo han rre zẹ vbene irhu ne a gbae ru vbe okpẹhoho a gha hoho. Ihe orukhọ agbọn yẹnyẹn ọẹn mu otọ nẹ, ọ gha de guo, ẹ i ghi vbe kpaegbe ọvbehe.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 34:10

Asọn vbe avan ọ re ọ ra ya gha giẹn, ighogho ghi gha gbe vbọ rhinrin ẹdẹdẹmwẹdẹ. Otọe ni gha la ọrhiae rrie ke orre ya sẹ orre, a i ghi miẹn ọmwa ne ọ gha la evba gberra ọvbehe.

Aizaia 34:3

Aira tọnnọ ikun iran yotọ, sokpan te ehia ra gha rre evba, iran ghi gha kẹkẹ ua, iran ghi gha wia, avbe uhunmwu oke ghi gha baa ne esagiẹn.

Aizaia 48:22

“Egberọkhọmwẹ i rrọ ne emwa orukhọ,” erriọ Nọyaẹnmwa khare.

Aizaia 5:25

E Nọyaẹnmwa mu ohu emwa irẹn, rẹn vbe niẹn obọ ẹre ladian nẹ ne ọ ya rria iran ikhi. Avbe oke nekhua gha mu rueghe, a gha vbe sẹ ikun avbe emwa ni wulo rae ye adesẹ ore zẹvbe iku, Sevba, ohu e Nọyaẹnmwa i he ye fo ye evba, te ọ gha ye niẹn obọ ẹre ladian ne ọ ya rri iran oya.

Aizaia 51:8

a gha ho iran bẹkun vbe ukpọn ne errarra re sokpan imiẹnfan ne I rhie dee, etẹbitẹ nọ akhọnmiotọ mwẹ gha rrọọ rhinrin ẹdẹ.”

Aizaia 65:15

Emwa mwẹ ne a hannọ zẹ gha ya eni uwa gha mu ẹbọ gbe emwa, Mẹ ne Nọyaẹnmwa ne Udazi ọ re ọ ra gbele uwa a. Sokpan, I gha he iran ni họn ẹmwẹ mwẹ eni ọgbọn.

Aizaia 66:16

Erhẹn kevbe umozo ẹre ọ ra ya rri avbe emwa nagbọn hia ne ọ miẹn abe vbe obọ ẹre oya, a gha gbele nibun uan.

Daniẹl 12:2

Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

Zẹkaraia 14:12

E Nọyaẹnmwa gha mu emianmwẹ ne ọ wegbe ku avbe uhunmwu ẹvbo hia ni mu okuo ye Jerusalẹm. Ikpakpa egbe iran gha kẹkẹ ua vbe iran ma he wu, aro iran kevbe aranmwẹ iran gha kẹkẹ ua.

Matiu 3:12

Ọ rhie ahẹn ne ọ ra ya khan ọka mwẹ obọ, ọ gha viọ ọka la owa, ọ ghi ya erhẹn ne ẹ i dọyọ giẹn ihunhun ni rrọọ.”

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”