Aizaia 66:19 - Edo Bible (E Baibol Ẹdo) Version 1996

¹⁹ iran ghi vbe rẹn wẹ mẹ ọ re ọ rri iran oya. Sokpan, I gha sẹ eso rae vbọ, I ghi viọ iran gha rrie ẹvbo urria, iran ni ma he họn otiti mwẹ ra ne iran miẹn ukpọlọmwẹ kevbe ẹtin mwẹ. Avbe e Spen, e Libya kevbe Lidia ne emwa ni guara fi uhanbọ, kevbe gha rrie Tubal kevbe Gris. Iran gha ya na iyẹn ukpọlọmwẹ mwẹ ma avbe uhunmwu ẹvbo na.

Aizaia 66:19 ပူးပေါင်းရင်းမြစ်များ

Gẹnẹsis 10:13

Igipt keghi gha re erha emwa Lidia, Anam, Lehab, Naftu,

Gẹnẹsis 10:2

Ivbie Jafẹt kegha re Goma, Magọ, Madai, Javan, Tiubal, Mẹsẹk kevbe Tiras, iran ọrọre erha odede emwa ne a hẹ ẹre eni gie iran.

Gẹnẹsis 10:22

Ivbi e Siẹm ighẹ Ẹlam, Asiọ, Apaksiad, e Lud kevbe Aram, ọre ọ vbe gha re erha odede avbe emwa na a he ẹre eni ginna iran vberriọ.

Gẹnẹsis 10:4

Ivbie Javan kegha re ivbi Elisia, Spen, Saiprọs kevbe Rodẹs.

Gẹnẹsis 9:27

Te Osanobua gha gie Jafẹt gha muan yọ! Uniẹn ọnrẹn ghi vbe gu emwa Siẹn gha rrọọ! Ọviẹn Jafẹt ọre Kenan ra gha khin.”

I Krọnikol 1:11

Ivbi uniẹn Igipt kegha re emwa Libya, Anam, Lehab, Naftu.

I Krọnikol 1:7

Ivbi uniẹn Javan kegha re emwa ni rre Elisia, e Spen, e Saiprọs kevbe Rods.

I Krọnikol 16:24

Wa ta ẹmwẹ uyi ẹre ma uhunmwu ẹvbo hia kevbe iwinna rẹn nekhua ma avbe emwa hia.

Psalm 72:10

Avbe ọba e Spen kevbe iran ni rre otọ ne amẹ lẹga gha zẹ ẹfe gie ẹe. avbe ọba avbe Arrebia kevbe Etiopia gha viọ imuohan gie ẹe.

Aizaia 11:12

E Nọyaẹnmwa gha tọn afiala ama mu ne ọ ya rhie ma avbe uhunmwu ẹvbo wẹẹ te irẹn ra dọlegbe si iran koko ighe avbe ivbi Izrẹl kevbe Juda, kevbe wẹ te irẹn viọ iran ke igienenẹ otọ agbọn dee.

Aizaia 18:3

Wa danmwehọ, emwa hia ni rre otọ agbọn na! Wa gualọ afiala ama ya mu ba ye avbe uhunmwu oke, wa ghi danmwehọ okpe ne ọ tu.

Aizaia 18:7

Ẹdẹ dee ne Nọyaẹnmwa gha na miẹn emwi ihaoko vbe obọ ẹvbo na ne ẹzẹ ghae ye inu ihe ne ọ khin, ẹvbo ni wegbe ni vbe mwẹ ẹtin na, ẹvbo ni taẹn ne ikpakpa egbe ẹre vbe rrie na, ne emwa mu ohan rẹn la otọ agbọn hia. Iran gha rri Oke Zaiọn, ehe ne a na ga e Nọyaẹnmwa ne Oghodua.

Aizaia 2:16

Avbe okọ ni kọnkọn ke ni mose sẹ, ọ gha gbele ehia ye ẹzẹ.

Aizaia 29:24

Avbe iran ni kọẹn gha ruẹ vbene iran gha ya gha rẹn otọ ẹmwẹ hẹ. Iran ni wa gui ẹzọ uwunu vbe ẹghẹ hia gha vbe ghọghọ adeghẹ iran miẹn ọmwa ne ọ ma iran emwi.”

Aizaia 42:12

Wa gie iran ni rre otọe urria rhie urhomwẹ kevbe uyi ne Nọyaẹnmwa.

Aizaia 42:4

Egbe i ra wọ ẹre ra ne ẹtin fo ẹe ọ gha gbọ ẹmwata ye otọ agbọn. Avbe ẹvbo ni rre urria rhie aro ye odẹ gha khẹ iruẹemwi ẹnrẹn.”

Aizaia 43:6

I gha tama odẹ okuọ ne ọ gie iran gha rrie kevbe odẹ ekẹn wẹ ne ọ ghẹ da iran yi. Wa gie emwa ke otọe urria gha dee kevbe ehe hia vbe otọ agbọn gha dee.

Aizaia 49:1

Wa danmwehọ mwẹ, wa ne uhunmwu ẹvbo ni rre urria, wa ne emwa ni khian rrei! Te I he rre ẹko iyemwẹ vbe Nọyaẹnmwa hannọ mwẹ zẹ, ọ keghi vbe zẹ mwẹ ne I gha re ọguọmwadia ẹre.

Aizaia 49:12

Emwa mwẹ gha ke ehe ne ọ rrei gha dee, ke okuo kevbe orrie gha dee, kevbe ke Asuan ne odẹ ekẹn gha dee.”

Aizaia 49:22

Osanobua ne Udazi tama emwa rẹn wẹẹ: “I gha gie uhunmwu gie avbe uhunmwu ẹvbo, iran ghi viọ avbe ivbuẹ gha die owa.

Aizaia 51:5

I gha zẹgiẹgiẹ rre ne I do miẹn iran fan ẹghẹ akhọnmiotọ mwẹ sẹ otọ fo. Mẹ ọ re ọ ra tobọmwẹ gha khaemwisẹ yan avbe uhunmwu ẹvbo. Avbe otọe urria hia diakhẹ mwẹ ne I rre iran ya idaehọ mudia ne I do miẹn iran fan.

Aizaia 52:10

E Nọyaẹnmwa gha lo ẹtin ẹnrẹn nọhuanrẹn ọ gha miẹn rẹn fan agbọn na hia gha vbe miẹn ọẹn.

Aizaia 52:15

Sokpan, te irẹn khian gha re ọyunnuan ne avbe uhunmwu ẹvbo nibun, avbe ọba gha yan unu uan, iran i miẹn ẹmwẹ ta. Iran gha bẹghe, iran ghi vbe rẹn otọ emwi ne iran ma he rẹn ẹdẹ.”

Aizaia 55:5

Banbanna nian, wa gha gie ne a tie avbe uhunmwu ẹvbo ọvbehe; vbe ẹghẹ ọkpa, iran ma te rẹn uwa sokpan, eban nian, iran gha ya ulẹ rre do deba uwa. Mẹ ne Nọyaẹnmwa ne Osanobua ruẹ, Osanobua nọhuanrẹn ọghe Izrẹl ọre ọ ra ru ẹe ne emwi na hia sunu. I gha rhie ọghọ kevbe uyi ne uwa.”

Aizaia 60:9

Avbe okọ ni ke otọ urria dee nọ. Te iran viọ emwa Osanobua die owa. Iran viọ esiliva kevbe igoru mwẹ obọ dee ne iran do ya ya ọghọ ne eni e Nọyaẹnmwa Osanobua nọhuanrẹn ọghe Izrẹl. Ne ọ ye avbe uhunmwu ẹvbo hia gha ya ọghọ ne emwa irẹn.

Aizaia 62:10

Wa ne ivbi e Jerusalẹm, wa khian ladian adesẹ ore rre, ne uwa ya zẹ odẹ khẹ ivbi uwa ni werriegbe die owa. Wa zẹ odẹ ne ọ vbẹe, wa la okuta hia kua vbọ wa yi ama yọ, ne avbe uhunmwu ẹvbo miẹn ehe na rẹn.

Aizaia 65:1

E Nọyaẹnmwa khare wẹẹ, “Mẹ te mu egbe ne I ya họn erhunmwu avbe emwa mwẹ, sokpan, iran ma na erhunmwu. Mẹ te mu egbe ne iran gualọ mwẹ miẹn, sokpan, iran ma ziga hiehiere. Ẹvbo nii ma na erhunmwu ghe mwẹ, a gha rhe miẹn wẹ, te imẹ mu egbe ne I ya họn erhunmwu. Tama iran wẹẹ, ‘Ghe mwẹ vbe emwana, I gha ye uwa obọ.’

Jerimaia 46:9

Tama avbe ẹsin ne iran gha khian, kevbe avbe ikẹkẹ okuo ne iran khianmwu. Gie avbe ivbiyokuo ladian, emwa ni ke Sudan kevbe Libya rre, iran ni viọ asa mwẹ, kevbe emwa ni guẹ uhanbọ ne a fi, ni ke Lidia rre.’ ”

Ezikiẹl 27:10

“Ivbiyokuo ni ke Pẹsia rre kevbe Lidia kevbe Libya rre usun iran ni re ivbiyokuo ruẹ. Iran viọ asa kevbe erhu ẹgere iran rrọ ye ibareke ruẹ. Iran na ọ re ọ ru emwi uyi mu ye uẹ obọ.

Ezikiẹl 27:13

U winnaẹn vbe Gris, e Tubal kevbe Mẹsiẹk, u ke vbe khiẹn emwi ruẹn ya dẹlẹ eviẹn kevbe avbe emwi ne a ya oze ru.

Ezikiẹl 30:5

“Okuo ni ọ re ọ ra vbe gbele avbe ivbiyokuo, ne iran vbu viọ ke Sudan rre, kevbe Libya, e Lidia, Arebia, e Kub, deba iran ni ke ehe ne emwa mwẹ ye rre.”

Ezikiẹl 32:26

“E Mẹsiẹk kevbe Tubal, rre evba, vbe ne idin ọghe ivbiyokuo iran na lẹga iran. Erhọkpa ma rhuẹ, okuo ọ re a na gbele iran. Vberriọ, vbe ẹghẹ ọkpa ne ọ gberra, te iran gha runran emwa nagbọn.

Ezikiẹl 39:1

E Nọyaẹnmwa ne Udazi khare wẹẹ, “Ovbi ọmwa, ta ku a Gọg ne uhunmwu uta ne ọ khaemwisẹ yan ẹvbo avbe Mẹsiẹk kevbe Tubal, ne u tama rẹn wẹ oghian rẹn ọre I khin.

Ezikiẹl 39:6

I gha hie erhẹn vbe ore nọkhua e Magọ kevbe avbe eghute hia ne emwa na rrọ vbe ẹkun ne ọ sotọ, emwa hia gha vbe rẹn ighe mẹ ọrọre Nọyaẹnmwa.

Daniẹl 11:18

Vbe iyeke ọnii, ọ gha mu okuo gie avbe ẹvbo ni rre ọkpẹn okun, ọ ghi khọn nibun vbọ miẹn iran otọ. Sokpan, ọkaolotu ne ọ re ọrriọvbe gha khọn miẹn irẹn otọ, ọ ghi dobọ uhiomwẹ ọnrẹn yi vbe ẹmwata, ọ gha gbe uhiomwẹ ọba e Siria ye ọre egbe.

Zẹfanaia 2:11

E Nọyaẹnmwa gha runran iran. Ọ gha ye avbe ẹbọ ni rre agbọn khian kẹkan fẹẹrẹ, ẹghẹ nii, avbe uhunmwu ẹvbo ghi do gha ga ẹe, dọmwadẹ ọghọe vbe ẹvbo ẹre.

Zẹfanaia 3:10

Emwa mwẹ gha ke Sudan ne gban an, ehe ne a zagha iran kui, gha viọ emwi ọhẹ gun mwẹ.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Matiu 28:19

Wa bu emwa hia gha rrie ehe hia ne uwa ya gha ya iran khian erhuanegbe mwẹ, wa gha samẹ ne iran vbe Eni ọghe Erha, kevbe Ọmọ kevbe ọghe Orhiọn Ne Ọ Huanrẹn.

Iyẹn ne ọ Maan Ọghe Mak 16:15

Ọ tama iran wẹẹ, “wa gha rrie uwu agbọn hia ne uwa vbe ya kpe orhu iyẹn ne ọ maa ma emwa hia.

Iyẹn ne ọ Maan Ọghe Luk 2:34

Simiọn keghi fiangbe iran, ọ keghi tama Meri ne iye ẹe wẹẹ, “Osanobua zẹ ọmọ na zẹ vbe ọmwa ne emwa eso gha la ekpa ẹre fuan kevbe ne enibun gha la ekpa ẹre miẹn imiẹnfan vbe Izrẹl. Rẹn gha re ama ne ọ ke obọ Osanobua rre, ama ne emwa ni bun gha gbe odan ghe.

Ebe ne Pọl gbẹẹn gie emwa Rom 15:21

Zẹ vbene ebe khare: “Emwa ne a ma he ta ẹmwẹ ọnrẹn ma, gha miẹn. Emwa ni ma he họn, gha rẹn otọ ẹre.”

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.