Aizaia 66:14 - Edo Bible (E Baibol Ẹdo) Version 1996

¹⁴ Wa ghẹ ghi miẹn vbe ọna a gha sunu, wa gha ghọghọ. Ọna gha ya uwa wegbe, egbe ghi vbe rran uwa. Ẹghẹ nii wa gha na rẹn wẹ mẹ ne Nọyaẹnmwa yi avbe emwa ni họn ẹmwẹ mẹ obọ, kevbe wẹ mẹ vbe rhie ma avbe eghian mwẹ vbe ohu a mu mwẹ.”

Aizaia 66:14 ပူးပေါင်းရင်းမြစ်များ

Ẹzra 8:18

Vbe ekpa ẹse ọhẹ Osanobua, iran keghi gie Siẹrebia, e Livai, ne ọ sihe, ne ovbi ẹwae Mali, bu ima gha dee, arhin evai rrọvbugie, vbe uwu avbe ivbi ẹre kevbe etiọnrẹn keghi lele ẹe gha dee.

Ẹzra 8:22

Ekhue ma gunmwẹ nọ ọgbaisi wẹ ne ọ viọ ivbiyokuo ne ima ne iran gha su ima khian, rhunmwuda mẹ tama rẹn nẹ wẹ te Osanobua fiangbe, emwa hia ni mu ẹtin yan rẹn, sokpan, ọ ghi gha mu ohu emwa hia ni fi iyeke gbe ẹe, ọ ghi gha rri iran oya.

Ẹzra 8:31

Ikpẹdẹ ne ogiweva ọghe uki ne okaro ọ re ima na kpao vbe Ahava ne ẹzẹ ne a fian ẹn gha die Jerusalẹm. Osanobua ima keghi wa deba ima, ọ na degue mwa hin obọ odekun ọghe avbe eghian kevbe a lẹre khẹ ọmwa vbe ima rre okhian nii.

Psalm 107:42

Emwa ẹmwata miẹn ọna, iran kegha ghọghọ sokpan, a keghi gue emwa dan hia unu.

Itan 17:22

Aro ọmwa gha ma vbe uhunmwu vbe ẹghẹ hia, egberranmwẹ ọ re ọ rhie gie ọmwa; emianmwẹ uwu ne huẹẹ nọ ne egbe wa gha kan ọmwa vbe ẹghẹ hia.

Itan 3:8

U gha ru vberriọ, te ọ ra gha ye vbe ukhunmwu esiesi, ọ gha kpe ẹwẹn ruẹn rrie, ọ ghi vbe rhie ọrọkhọrhọ ye obalọ ruẹ.

Aizaia 10:5

E Nọyaẹnmwa keghi kha wẹẹ, “Asiria, te imẹ lo Asiria zẹ vbe orhokhua ne I ra ya rria iran ne ohu ẹre mu mwẹ ikhi.

Aizaia 13:5

Ẹvbo ne ọ rrei ẹsẹse vbe odẹ ehe ne agbọn sẹe ọ re iran ke dee. Vbe uwu ohu ẹre, e Nọyaẹnmwa dee do duẹ ẹvbo nii hia a.

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Aizaia 26:20

Wa la uwu owa uwa, wa ne emwa mwẹ, ne uwa khui urho ke egbe yi. Wa ya lẹre nẹ kherhe, ohu Osanobua te do dọyọ.

Aizaia 30:27

Urria ọ re a ke bẹghe ẹtin kevbe uyi ọghe Nọyaẹnmwa. Erhẹn kevbe ighogho ọ re ọ rhie ma vbe ohu a mu ẹẹn. Ọ gha guan, ẹmwẹ ọnrẹn ghi giẹn emwi uan vbe erhẹn.

Aizaia 33:20

Wa ghe Zaiọn ne ẹvbo ne ima na ru emwiukpo ugamwẹ mwa hia. Wa ghe Jerusalẹm. Ehe ne a dia ne ẹkun na sẹ ọmwa otọ ne a ya gie ẹre i rrọọ. Te ọ ra yevbe owa ukpọn ne ai si yo si rre, ne a i vbe vbọlọ ukeke ne a ya kan ẹnrẹn, kevbe ne irri ẹre i fian.

Aizaia 34:2

E Nọyaẹnmwa wa mu ohu avbe uhunmwu ẹvbo hia kevbe avbe iyokuo iran. Ọ tae nẹ ighẹ te iran hia ra fuan.

Aizaia 35:2

Ato gha so ihuan, ọ ghi vbe gha wee ne oghọghọ; ọ ghi do gha mose zẹ vbe avbe Oke Lebanọn ọ ghi do gha ma emwiokọ zẹ vbe otọ e Kamẹl kevbe Siarọn. Agbọn hia gha miẹn ose e Nọyaẹnmwa iran gha miẹn ukpọlọmwẹ kevbe ẹtin ẹnrẹn.

Aizaia 41:20

Emwa gha miẹn ọna, iran ghi do rẹn wẹ mẹ ne Nọyaẹnmwa ọ re ọ ru emwi na, ọ ghi do vẹ ne iran rẹn wẹ, Osanobua nọhuanrẹn ọghe Izrẹl ọre ọ ru ẹe.”

Aizaia 42:13

E Nọyaẹnmwa ladian ne ọ ya gbinna zẹ vbe ovbiyokuo ọ mu egbe nẹ, te ọ ghi khẹ nene okuo, ọ tu utumwẹ okuo, ugomwẹ igbinna ọ rhie ẹtin ẹnrẹn ma vbe egbe avbe eghian rẹn.

Aizaia 58:11

Ẹghẹ hia mẹ gha ya gha su uwa, I ghi ya emwi ni maa sẹ uwa ọkẹn I gha gie uwa wegbe, egbe ghi vbe rran uwa. Wa gha yevbe ogba ebuwọnmwẹ ne amẹ mobọ ye, zẹvbe ovbi ẹzẹ ne amẹ i na ka ẹdẹ.

Aizaia 59:18

Ọ gha rri eghian rẹn oya zẹ vbe emwi ne iran vbe ru, ya sẹ egbe iran ni rre odẹ ne ọ rrei.

Aizaia 66:5

Danmwehọ vbene Nọyaẹnmwa kha hẹ, wa ni mu ohan rẹn, ni vbe họn ẹmwẹ ne ẹẹn: “Rhunmwuda ighẹ wa rhie egbe mu mwẹ, eso vbe uwu avbe emwa khọ ẹko uwa, iran i vbe gu uwa mu obọ hiehiere. Iran ya uwa gbe ogiẹ, iran ghi vbe kha wẹẹ, ‘Wa gie Nọyaẹnmwa rhie ukpọlọmwẹ ọnrẹn ma nian, ne ọ miẹn uwa fan, ne ima miẹn ọẹn vbe uwa a gha ghọghọ.’ Sokpan, te a ra fa iran tobọ iran an.

Zẹkaraia 10:7

Ivbi Izrẹl gha wegbe zẹ vbe ivbiyokuo. Ẹko, ghi gha rhiẹnrhiẹn iran zẹ vbe emwa ni wa gha da ayọn. Ivbi uniẹn iran gha ye akhọnmiotọ na rre, iran ghi gha ghọghọ rhunmwuda emwi ne Nọyaẹnmwa ru.

Malakai 3:18

Ẹghẹ nii, emwa ni gha dọlegbe miẹn alughaẹn ne ọ rre emwi ne ọ sunu vbe egbe ọmwata kevbe ọmwa dan. Vbe egbe ọmwa ne ọ ga mwẹ kevbe ọmwa ne ẹ i ga mwẹ.”

Iyẹn ne ọ Maan Ọghe Jọn 16:22

Egbe ọre ọghe uwa khin, wanwan na, wa he khiẹ nian, sokpan, I gha vbe dọlegbe miẹn uwa, ekhọe uwa ghi vuọn ne ọyẹnmwẹ, egbe ọyẹnmwẹ ne ọmwa rhọkpa i ra sẹtin gbe ye uwa egbe.

Hibru 10:27

Sokpan, emwi ne ọ ghi kẹe ọrọre ne afainma emwi ne ọ ra do sunu, gha fian mwa. Ọnii nọ wẹ, Ibuohiẹn, kevbe ogidi erhẹn ne ọ ra do fuẹn iran ighẹ iran ni gbe odan ghe Osanobua.