Aizaia 66:1 - Edo Bible (E Baibol Ẹdo) Version 1996

¹ E Nọyaẹnmwa khare wẹẹ, “Ẹrinmwi ọrọre ẹkete mwẹ, agbọn ọrọre ukhuerhe ne I viọ owẹ yan. De egbe owa ne uwa ghi ra họ mẹ khekherriọ, de egbe ehe ne uwa ra rhie mẹ ne I gha dia?

Aizaia 66:1 ပူးပေါင်းရင်းမြစ်များ

I Ọba 8:27

“Sokpan, Osanobua gha gele sẹtin yin agbọn na ra? Vbene ẹrinmwi hia sẹe nii, ẹ i gua a, vbe Ọgua Osa ne imẹ bọe ghi ra gua a hẹ?

I Krọnikol 28:2

E Devid keghi mudia ye odaro iran, ọ na gu iran guan wẹẹ, “Wa ne ivbi ẹvbo mwẹ, wa danmwehọ mwẹ. Ọ te gha rrọ mwẹ ekhọe ne I bọ owa etẹbitẹ ne Ẹkpẹti Ile, ne ọ re ẹkpẹti ne Nọyaẹnmwa ne Osanobua mwa viọ owẹ yan. I mu egbe ẹre ye otọ nẹ ne I bọ Ọgua Osa ya yọghọ nẹẹn.

II Krọnikol 2:5

Iro ekhọe mwẹ nọ ne I bọ Ọgua Osa ne ọ kpọlọ rhunmwuda Osanobua mwa kpọlọ sẹẹ ẹbọ hia.

II Krọnikol 6:18

“Sokpan, vbene ẹmwata, Osanobua, wẹ gha sẹtin gele yin agbọn na vbe ehe ne ikpia kevbe ikhuo ye ra? Uhin wẹ ẹrinmwi ma kpọlọ sẹ ne ọ gha gua a, vbe Ọgua Osa na ne imẹ bọe gha na gua uwẹ hẹ?

Psalm 11:4

E Nọyaẹnmwa rre uwu Ọgua Osa ẹre ne ọ huanrẹn, ẹkete ẹre rre ẹrinmwi. Ọ gha ghe emwa hia vbe ehe hia. Ọ rẹn emwi ne iran ru.

Psalm 132:7

Ma keghi kha wẹẹ, “Wa gie ima gha rrie owa e Nọyaẹnmwa, wa gie ima ya ga vbe odaro ẹkete ẹre.”

Psalm 99:9

Wa rho e Nọyaẹnmwa ne Osanobua mwa, wa vbe ya ga vbe oke ẹre Ne ọ huanrẹn! Ọmwa ne ọ huanrẹn, ọ re Nọyaẹnmwa ne Osanobua mwa khin.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 60:13

“Erhan agba, umẹ kevbe uvbiakhẹ erhan ne ọ ghi maa sẹ vbe ẹgbo e Lebanọn a gha viọ iran do ya dọlọ e Jerusalẹm ruẹn bọ. Ne a do ya ẹe ya Ọgua Osa mwẹ mose. Ne a do ya ẹvbo mwẹ gha mwẹ uyi.

Jerimaia 23:24

Orhiọnkpa ne ọ gha sẹtin lẹre ye ehe ne imẹ i ra na bẹghe ẹre i rrọọ. Wẹ ma rẹn ighe ehe hia ọ re imẹ ye vbe ẹrinmwi kevbe agbọn?

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Matiu 12:6

Ne I tama uwa nian wẹ emwi ne ọ kpọlọ sẹ Ọgua Osa rre emwa na.

Matiu 24:2

Rẹn khama iran wẹẹ, “Erriọ nọ, wa ma dẹghe emwi na hia, ne I tama uwa, okuta ọkpa ne a ra sẹrae ye ihe ẹre, ẹ i rre emwa na, te a ra guọghọ ehia sẹ otọ.”

Iwinna 17:24

Osanobua ne ọ yi agbọn kevbe emwi hia ni rre uwu ẹre, ọrọre Nọyan ẹrinmwi kevbe agbọn, ẹ i vbe di owa ne emwa ne agbọn bọe ya.