Aizaia 65:7 - Edo Bible (E Baibol Ẹdo) Version 1996

⁷ ighẹ orukhọ iran kevbe orukhọ avbe erha iran odede. Iran giẹẹn eturari vbe uhunmwu oke ẹbọ, iran kevbe gha ya ukpe sakan mwẹ. Rhunmwuda ọnii, I gha rri iran oya zẹ vbene ọ khẹke orukhọ ne iran ru gberra.”

Aizaia 65:7 ပူးပေါင်းရင်းမြစ်များ

I Ọba 22:43

Ọ kevbe ru emwi ne ọ maa vbe odaro Osanobua zẹ vbene erha ẹe ighẹ Asa vbe ru sokpan, ọ ma guọghọ ehe ne iran ni ga ẹbọ na ga hin rre, emwa keghi ye gha zọ ese, iran keghi ye vbe gha giẹn eturari vbe evba.

I Ọba 22:44

E Jehosiafat keghi gu ọba Izrẹl dọlọ kugbe.

II Ọba 12:3

Vbene ọ rhirhi gha ye hẹ, ehe ne iran ni gho ẹbọ na ru ẹbọ, a ma guọghọ ẹe kua. Emwa nii kegha zọ ese, iran na vbe gha giẹn eturari vbọ.

II Ọba 14:4

Ọ ma dunmwu ehe ne iran ni ga ẹbọ na gho ẹbọ, emwa keghi ye gha zọ ese, iran na gha giẹn eturari vbe evba.

II Ọba 15:35

sokpan, a ma guọghọ aro ẹbọ avbe enigẹbọ, emwa keghi ye gha zọ ese, iran na vbe gha giẹn eturari vbe evba, e Jotan ọ re ọ bọ onurho ne ọ rre odẹ okuọ ọghe Ọgua Osa.

II Ọba 16:4

Ehaz kegha zọ ese, ọ na vbe gha giẹn eturari vbe ehe ne iran ni ga ẹbọ na ga hia, uhunmwu oke kevbe erhan ne ọ gbe irhu hia.

II Krọnikol 21:11

Uhin ighẹ te ọ bọlọ aro ẹbọ lele oke ni rre Juda, ọ na ya ivbi e Juda kevbe Jerusalẹm sẹmwẹ e Nọyaẹnmwa.

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Aizaia 10:12

Sokpan, I gha ru emwi ne I ru vbe Oke Zaiọn kevbe Jerusalẹm nẹ, I gha rri ọgbaisi Asiria oya ye orhuọ hia ne ọ rhuọ kevbe uhiomwẹ ne ọ hio.

Aizaia 13:11

E Nọyaẹnmwa khare wẹẹ, “I gha fian ọfuan fi otọ agbọn, I ghi vbe rria avbe emwa dan hia ikhi ye orukhọ iran. I gha vbokho iran hia uhunmwu rri otọ ighe avbe iran ni tọn egbe mu. I gha rria iran ikhi ighe iran ni hio kevbe emwa dan.

Aizaia 22:14

E Nọyaẹnmwa ne Oghodua ne Udazi keghi tobọ ẹre gun mwẹ guan, ọ wẹẹ, “Ti ra ya emwi dan na bọ iran, iran te ya wulo. Mẹ ne Udazi ne Nọyaẹnmwa ne Oghodua, ọ re ọ tae.”

Aizaia 26:21

E Nọyaẹnmwa tuorre ke ehe ne ọ ye vbe ẹrinmwi dee, ne ọ do rri emwa ni rre agbọn oya ye orukhọ ne iran ru. Izigha ni iran dee vbe ẹkhokho, a gha fannọ ehia ladian, otọe i ghi ra dọlegbe viọ emwa ne emwa gbele ua lẹre.

Aizaia 28:21

E Nọyaẹnmwa gha gbinna zẹ vbene ọ ru vbe uhunmwu Oke Pẹrazim kevbe vbe iya e Gibiọn, ne ọ miẹn ehe na ru vbene ọ wẹ rẹn ra ru vbene ọ khọnrẹn ne emwi ne ọ ru a ya gha re ne a ma he miẹn egbọre ẹdẹ hẹ. Ọ gha winna iwinna rẹn gba, iwinna ọyunnuan nii.

Aizaia 29:14

Rhunmwuda ọnii, I gha runran iran, vbe ne I gha na kinmwi iran yan egbe yan egbe vbe a ma ro a ma kọ. Iran ni te wan gha khian akpa, ẹwaẹn ne iran wẹ iran wan hia ghi do khian ekẹkan.”

Aizaia 3:11

Sokpan, ọghe avbe emwa dan fo nẹ. Emwi ne iran ka ru emwa ọvbehe re, ọ re a ghi ra vbe ru iran re na.

Aizaia 30:13

Wa rri abe. Te uwa yevbe ekẹn ne ọ yo ne ọ wa va eva ke odukhunmwu do sẹ otọ. Wa gha de rẹnkhẹn uan. vbe udomwurri.

Aizaia 30:14

Wa gha rẹnkhẹn uan vbe akhe obuẹ, wa gha rẹnkhẹn uan sẹrriọ wẹ ai miẹn ne a gha ya gha wan erhẹn vbọ ra ne a gha ya gha balọ amẹ vbe uhae vbọ.”

Aizaia 57:12

Wa ro wẹ emwi ne uwa ru gbae, sokpan, I gha vẹ uwa uhe ua, avbe ẹbọ uwa i ra vbe sẹtin ru iyobọ ne uwa.

Aizaia 57:7

Wa ghi gha yo avbe oke ni yo ne uwa ya gha zọ ese kevbe ne uwa ya gha ru emwi ọdọ vbe amwẹ.

Aizaia 59:18

Ọ gha rri eghian rẹn oya zẹ vbe emwi ne iran vbe ru, ya sẹ egbe iran ni rre odẹ ne ọ rrei.

Aizaia 65:6

“I mwamwa oya ne I gha rri iran re yotọ nẹ. Avbe gbẹn abe ne a bu gbe iran yotọ nẹ. Mẹ i ra fi aro ua vbe emwi ne iran ru, I gha ha ẹre werriegbe ne iran

Aizaia 66:4

Rhunmwuda ọnii, I gha gie ọkhọ rruan iran, emwi nii ne ohan rẹn wa mu iran, rhunmwuda, ẹghẹ ne I na gha tie iran, a ma miẹn ne ọ khuẹnniẹn, ẹghẹ ne I na gha guan, a ma miẹn ne ọ danmwehọ mwẹ. Iran na wẹ te iran gha hẹ uhunmwu yọmwẹ obọ, ne iran gha ru emwi dan.”

Jerimaia 13:25

Rẹn taa ẹe nẹ wẹ ọna ọ ra mian uwa. Ọna ọ re ọ wẹ rẹn ra ru uwa ẹre rhunmwuda, wa mianmian ẹẹn nẹ, wa na gha lele avbe ẹbọ ohoghe.

Jerimaia 13:27

Ọ miẹn Vbe uwa ru emwi ne ẹ i ye ọre nẹ. Ọ miẹn ọẹn vbe uwa lele avbe ẹbọ iran ni ma yayi vbe avbe uhunmwu oke kevbe oha, zẹ vbe ọmwa ne ọ fifi lele amwẹ ọsiọre ra ẹsin ọwẹe ne ọ kpe lele ẹsin amwẹ. Ivbi e Jerusalẹm, wa wiri, de ẹghẹ ne uwa gha ya huan?

Jerimaia 16:18

I gha ye iran ha osa ukhukhu eva ye orukhọ kevbe uyinmwẹ dan iran rhunmwuda, iran ya amazẹ ne ẹ i mwẹ arrọọ vbene ikun orinmwi ye, mu awua ye otọe mwẹ, iran keghi vbe ya ẹbọ ohoghe iran vuọn ehe hia.”

Jerimaia 5:29

“Sokpan, mẹ ne Nọyaẹnmwa gha rria iran ikhi ye emwi na, I gha rria uhunmwu ẹvbo na ikhi.

Jerimaia 5:9

Ọ ma kei ne I rri iran oya ye emwi na ra, ne I vbe rria ẹvbo nii ikhi ye emwi vbenian?

Ezikiẹl 18:6

Ẹ i gho ẹbọ ivbi Izrẹl, ra ne ọ vbe gha rri evbare ne a ya zọ ese vbe aro ẹbọ ne a wua. Ẹ i miẹn amwẹ ẹrrẹe, ra ne ọ gu okhuo ne ọ mu obọ mwẹ gha ru emwi.

Daniẹl 9:8

Avbe ọba mwa, iran ni khaemwisẹ yan ima, kevbe avbe erha mwa odede ru emwiekhue, iran keghi vbe rukhọ ghe uwẹ ne Nọyaẹnmwa.

Hozia 11:2

Sokpan vbene I ya gha tie ẹre, erriọ ọ re ọ ya gha lẹ mẹ. Emwa mwẹ zọ ese ne Baal, iran giẹn eturari ne amazẹ.

Hozia 2:13

I gha rria ẹre ikhi ye ẹghẹ ne ọ ya mianmian mwẹ, ọ na ya gha giẹn eturari ne Baal, ọ na silo ikpẹrọnmwọ ye egbe rhikhan lele avbe esiọre. E Nọyaẹnmwa taa ẹe nẹ.

Levitikọs 26:39

Ibozẹghẹ ne ọ gha miẹn uhunmwu vbe ẹvbo eghian uwa gha la ọrhiae rrie rhunmwuda orukhọ obọ uwa kevbe ọghe avbe erha uwa odede.

Nọmbas 32:14

Banbanna nian, wa vbe rhie ihe erha uwa, orre ọgbọn ọ ghe emwa orukhọ, emwa ni wa vbe mu egbe ne iran vbe tie okuosu e Nọyaẹnmwa dọlegbe yan Izrẹl uhunmwu.

Iyẹn ne ọ Maan Ọghe Luk 6:38

Rhie ne emwa ọvbehe, Osanobua gha vbe rhie ne uwa, omwa ne ọ vuọẹn, iyobọ ne wọrhọ, a ghi gha kun ẹnrẹn yuẹ obọ vbene u gha sẹtin mu sẹ. Omwa ne u ya mwa ne ẹrrẹe ọre Osanobua ra vbe ya mwa nuẹn.”

I Tẹsalonaika 2:16

Iran te ra da ima obọ yi wẹ ne ima ghẹ kpe orhu ẹre ma emwa ne ẹ i re Ju, ighẹ ẹmwẹ nii ne ọ gha rhie imiẹnfan gie iran. Evba ehia ghi na do yi uhunmwu ighẹ orukhọ ne iran ru ke ẹghẹ ni gha dee. Obọ izohu Osanobua he ghi do vba iran.