Aizaia 65:5 - Edo Bible (E Baibol Ẹdo) Version 1996

⁵ Vbe iyeke ọnii, iran ghi gha tama emwa ọvbehe wẹẹ, wa gban egbe ne ima, ma huan gberra ne ọ kere ne uwa gha ya obọ kan! I i ho ne I gha bẹghe emwa vbenian, ohu iran ne ọ mu mwẹ yevbe erhẹn ne ẹ i dọyọ.

Aizaia 65:5 ပူးပေါင်းရင်းမြစ်များ

Itan 10:26

Ghẹ we ne ọmwa oroho ru emwi nuẹn, ọ gha ye egbe balọ ọ gberra okikan vbe akọn ruẹn, ra ighogho vbe aro ruẹ.

Itan 16:5

Te ẹmwẹ ọmwaikọmwa ne ọ tọn egbe mu sọnnọ e Nọyaẹnmwa; ẹ i vbe gie irrioya la iran ban ẹdẹdẹmwẹdẹ.

Itan 30:12

Emwa eso rrọ ni ro wẹ te iran wa huan, vberriọ te iran wa gbe iruẹn sẹlẹkẹ.

Matiu 9:11

Ugbẹn vbe eso vbe uwu avbe Farisi ghi miẹn ọna, iran khama avbe erhuanegbe ẹre wẹẹ, “Vbọzẹ ne arowa uwa na gu avbe emwa vberriọ rri evbare yi?”

Iyẹn ne ọ Maan Ọghe Luk 15:2

Avbe Farisi kevbe iran ni ma emwa Uhi kegha gui ẹzọ uwu unu wẹ, “Ọkpia na ghi wa gha miẹn ẹwobi emwa yi, iran ghi gha gba rri evbare.”

Iyẹn ne ọ Maan Ọghe Luk 5:30

Eso vbe uwu avbe Farisi kevbe iran ni ma emwa Uhi ni deba iran gha rre evba, kegha gu avbe erhuanegbe gui, iran nọ iran wẹẹ, “Vbe a na miẹn hẹ yi ighẹ uwa vbe iran ni koko igho uhunmwu kevbe iran ne ẹwobi ọre ọ gba re gba da?”

Iyẹn ne ọ Maan Ọghe Luk 7:39

Ugbẹn vbe Farisi ne ọ tie Jesu sẹ owa nii miẹn emwi na, ọ kegha ye otọ ẹko kha wẹẹ, “Akpawẹ akhasẹ ọre okpia na gele khin, ọ gha rẹn agbọn iruẹn ne okhuo na ye!”

Diuteronomi 29:20

Nọyaẹnmwa i ra yabọ ọmwa vberriọ. Sokpan, izohu ne ọ tọn ọghe Nọyaẹnmwa gha baa yan rẹn, ọkhọ hia ne a gbẹnnẹ ye ebe na ghi rruan rẹn rhinrin e Nọyaẹnmwa te fuẹn iran hin otọe agbọn na rre.

Jems 4:6

Sokpan, uhin ighẹ ẹsọhẹ ne Osanobua rhie ne ọmwa, ọre ọ wo vbe egbe sẹ. Rhunmwuda ebe khare wẹ, “Te Osanobua mu aro ne ọkhọ da iran ni tọn egbe mu, sokpan ọ ghi gha rhie ẹsọhẹ ne iran ni mu egbe rriotọ.”

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”

Ebe ne Jud gbẹẹn 1:19

Iran na ọre ọ si iwannegbe rre, iran ne amiẹn wẹ, emwi egbe kẹkan ọkpa ọre ọ ya iran ruemwi, emwa ne Orhiọn nii i gue hiehie.