Aizaia 65:16 - Edo Bible (E Baibol Ẹdo) Version 1996

¹⁶ Ọmwaikọmwa ne ọ ghi nọ afiangbe vbe otọe nii, Osanobua ẹmwata ọ re ọ ra wẹ, ne ọ fiangbe irẹn. Ọmwaikọmwa ne ọ vbe vẹn ihẹn eni Osanobua ẹmwata nii ọ re ọ ra vbe ya vẹn ọẹn. Orueghe ọghe ẹghẹ ne ọ gberra gha fo, a ghi vbe mianmian ẹn.”

Aizaia 65:16 ပူးပေါင်းရင်းမြစ်များ

Job 11:16

Ẹghẹ nii, u ghi do mianmian ọlọghọmwa ruẹn hia. Zẹ vbe orogho ne ọ lẹ gberra, ne a ma ghi yerre ọvbehe.

Psalm 31:5

Wẹ ọ re I lẹ gbinna u ghi miẹn mwẹ fan Nọyaẹnmwa, Osanobua ne ọ gie a mu ẹtin yan, ọ re uwẹ khin.

Psalm 63:11

Ọba gha ghọghọ rhunmwuda Osanobua gie ẹe khọnmiotọ, iran ni ya eni Osanobua yan eyan gha rho ẹre sokpan a gha gue avbe ọhọn ohoghe unu.

Psalm 72:17

Ai ghẹ mianmian eni ọba ẹdẹ te otiti ẹre gha tọ zẹvbe owẹn, te agbọn ẹvbo hia gha tian rẹn, te iran gha wẹ ne Osanobua fiangbe iran ne iran vbe gha gualọ ọyẹnmwẹ ne ọba.

Psalm 86:15

Sokpan Osanobua ne ọ mwẹ itohan, kevbe ne ọ ho ẹmwẹ ọmwa, ọ re uwẹ khin Nọyaẹnmwa, ne ọ ziengbe vbe ẹghẹ hia ne ọ mwẹ itohan kevbe ne ọ guobọmwa.

Ẹksọdọs 34:6

E Nọyaẹnmwa kegha gberra vbe odaro ẹre, ọ keghi datie wẹẹ, “Mẹ ne Nọyaẹnmwa, ọrọre Osanobua ne ọ vuọn ne agiẹngiẹn ne a i sẹtin rherhe ya ohu mu, ne ọ mwẹ aho ẹmwẹ ne ẹ i beghe kevbe amuẹntinyan.

Aizaia 11:16

Odẹ nọ vbẹe ọkpa gha la Asiria ladian ne avbe ivbi Izrẹl ni miẹn uhunmwu vbe evba, zẹẹ vbene ọ vbe gha rrọọ ne avbe erha iran odede vbe iran kpao vbe Igipt rre.

Aizaia 19:18

Ọ gha sẹ ẹghẹ ne a kha na, a gha zẹ ẹvbo ivbi e Hibru vbe okpẹvbo Igipt isẹn. Emwa ni rre evba nii ghi gha ya eni e Nọyaẹnmwa ne Oghodua vẹn ihẹn. A ghi gha tie okpa vbe uwu avbe okpẹvbo nii, “Ẹvbo Owẹn.”

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.

Aizaia 48:1

Ivbi Izrẹl wa danmwehọ ẹmwẹ na, wa ne ivbi uniẹn e Juda. Wa ọ re ọ ya eni Nọyaẹnmwa vẹn ihẹn wa na vbe gha kha ighẹ Osanobua Izrẹl ọ re uwa ga. Sokpan, ẹmwẹ ne uwa ta, te uwa ba tae kẹkan.

Aizaia 54:4

Ghẹ fian afianma, a i ghi dọlegbe fa ruẹ ua ọvbehe; ai ghi dọlegbe si ọ kẹ otọ ọvbehe, u gha mianmian uyinmwẹ ama guobọdọ zẹvbe okhuo ọvbokhan. Kevbe ohioro ọbanabe ruẹ zẹvbe okhuo ne ọ degbe.

Aizaia 54:5

Te Ayi ne ọ yii uẹ ra yevbe ọdafọn ọn, e Nọyaẹnmwa ne Oghodua ọre a tie ẹre. Osanobua nọhuanrẹn ọghe Izrẹl gha miẹn ruẹn fan, rẹn ọ re ọ khaemwisẹ yan otọ agbọn hia.

Aizaia 65:19

Oghọghọ gha vuọn imẹ tobọmwẹ ẹko rhunmwuda e Jerusalẹm kevbe avbe emwa ni rrọọ. Eve i ra gha rre evba, bu mwẹ rre, bu mwẹ rre i ra vbe gha rrọọ.

Jerimaia 10:10

Sokpan wẹ ne Nọyaẹnmwa ọrọre Osanobua vbe ẹmwata, wẹ ọrọre Osanobua ne ọ rrọọ, ọba etẹbitẹ. Ohu gha mu uwẹ, agbọn hia ghi mu rueghe, egbe avbe uhunmwu ẹvbo i sẹtin rrọ ohu ruẹ.

Jerimaia 12:16

Adeghẹ iran ghi ye ekhọe iran hia rhan obọ miẹn iyayi avbe emwa mwẹ, iran na vbe gha ya ẹe vẹn ihẹn wẹẹ, ‘Zẹ vbene Nọyaẹnmwa na rrọọ’ zẹ vbene iran vbe ma emwa mwẹ ẹre ne iran gha ye eni e Baal vẹn ihẹn, ẹghẹ nii iran ghi do gha re efẹn okpa vbe uwu avbe emwa mwẹ, agbọn gha maa iran.

Jerimaia 31:12

Iran gha rre do so ihuan oghọghọ vbe uhunmwu Oke Zaiọn emwi ne I ya ne iran gha yẹ iran vbe ihaoko ọka, ayọn kevbe ofigbọn oliv, ihaoko ọghe ohuan kevbe ẹmila. Iran gha yevbe ogba ne a gbe amẹ khakha ẹsẹse emwi ne iran a rhirhi gha ho hia gha sẹ iran obọ.

Jerimaia 4:2

ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”

Daniẹl 12:1

Odibosa ne ọ yọ ukpọn eto ovbiohuẹ nii keghi kha wẹẹ, “Ọ ghẹ ghi sẹ ẹghẹ nii, e Maikẹl ne ọka odibosa ne ọ gbearoghe avbe emwa ruẹn gha yegbe ladian, ẹghẹ orueghe ghi rre, egbe ne ọ he khọrhiọn sẹẹ, ke ne a ya bu agbọn tua agbọn. Ọ gha sẹ ẹghẹ nii, avbe ivbi ẹvbo ruẹ ne a gbẹnnẹ eni ẹnrẹn ye ebe Osanobua, a gha miẹn iran fan.

Daniẹl 12:11

“Ke ẹghẹ ne a ya dobọ ese ẹdẹgbegbe yi, ọnii nọ wẹ ke ẹghẹ Ọkhọ Nọgborrirri gha dee, ikpẹdẹ ekigbesiyisẹn yan arria ehan (1,290) gha gberra.

Zẹfanaia 1:5

I gha fuẹn ọnrẹn uan ighe ọmwaikọmwa ne ọ hin ẹrhunrhun owa ya gha ga owẹn, uki ra orhọnmwẹ. I gha vbe fuẹn iran ni ga mwẹ, iran na vbe gha ya eni mwẹ vẹn ihen zẹ vbe ọmwa ne ọ mudia ẹse, sokpan, iran ghi vbe gha ya eni e Milkọm ne ẹbọ vẹn ihẹn.

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 1:17

Osanobua rhie Uhi la obọ Mosis rre, sokpan ẹsọhẹ kevbe ẹmwata la obọ Jesu Kristi rre.

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Ebe ne Pọl gbẹẹn gie emwa Rom 14:11

Rhunmwuda ebe khare wẹẹ, “Nọyaẹnmwa kha re wẹẹ, ‘Ugbẹn vbe imẹ rrọọ, emwa hia gha de igue vbe odaro mwẹ. Emwa hia ghi vbe ya unu iran tae wẹẹ mẹ ọrọre Osanobua.’ ”

Diuteronomi 10:20

Wa gha mu ohan e Nọyaẹnmwa Osanobua uwa, wa vbe gha ga irẹn ọkpa kẹkan. Wa gha re emwa ne ọ gba ẹko ẹre, ne uwa gha ya eni ẹnrẹn ọkpa kẹkan ru eyan uwa.

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.

Diuteronomi 6:13

E Nọyaẹnmwa Osanobua rua ọkpa ọ re uwa gha mu ohan rẹn, rẹn ọkpa wa gha vbe gha ya gha yan eyan.

Filipai 2:11

Ehia ghi vbe yae go vbe azagba wẹ, Jesu Kristi ọrọre Nọyaẹnmwa ne uyi ọghe Osanobua e Evbavba.

Arhie Maan 20:4

Vbe iyeke ọnii, I keghi do bẹghe avbe ẹkete kevbe iran ni tota yọ, a keghi rhie ẹtin ne iran, ne iran ya gha bu ohiẹn, I keghi vbe bẹghe orhiọn avbe emwa ne a gbele ba ẹmwẹ wẹ, iran kpe orhu ẹmwata ne Jesu rhie rre kevbe ẹmwẹ Osanobua. Iran ma ya uhunmwu rhanmwẹ otọ ne aranmwẹ oha nii, ra amazẹ ọre, ra a ma wẹ ne a vin ama aranmwẹ oha nii ye iran uharo ra obọ. Iran keghi gu Kristi gha rrọọ, iran keghi vbe gu ẹe khaemwisẹ zẹ vbe ọba la ukpo arriaisẹn nii.