Aizaia 65:12 - Edo Bible (E Baibol Ẹdo) Version 1996

¹² Vbene uwa hi hẹ nọ wẹ ne uwa wulo uwu ekpain ekpain, rhunmwuda, wa ma khuẹnniẹn vbe I tie uwa, wa ma danmwehọ vbe I guan. Wa na wẹ te uwa ra he uhunmwu yọmwẹ obọ ne uwa gha ru emwi dan.

Aizaia 65:12 ပူးပေါင်းရင်းမြစ်များ

Aizaia 1:16

Wa khuẹ, ne egbe uwa huan. Wa dobọ emwi dan ne imẹ miẹn ighe uwa ru na yi. Ẹn, wa dobọ emwi dan ne a ru yi,

Aizaia 1:20

sokpan, u gha yagha mwẹ, uhunmwu ọ re u ya khiẹ ọre, mẹ ne Nọyaẹnmwa ọre ọ tae.”

Aizaia 10:4

Iran gha gbele uwa a vbe okuo ra iran ghi silo uwa viọ gha rrie zẹ vbe oghunmwu. Ọ gha rhe ye rrio, ohu e Nọyaẹnmwa i he ye fo, obọ ẹre gha ye niẹn ladian ne ọ ya rria ikhi.

Aizaia 27:1

Ọ gha sẹ ẹdẹ ne ẹdẹrriọ, ẹ Nọyaẹnmwa gha ya umozo ẹre ne ọ mwẹ ẹtin ke ne ọ gbe emwi ya rri e Leviatan oya, nene Ugbogiorinmwi ne ọ gbe a kinnọ khiẹn yo khiẹn rre nii, ọ ghi vbe gbe Ugbogiorinmwi ne ọ rre uwu ẹzẹ okun.

Aizaia 3:25

Ikpia ni rre ore ẹvbo, ne a wa kha wẹ avbe ikpia ni wegbe sẹẹ, a gha gbele iran vbe okuo.

Aizaia 34:2

E Nọyaẹnmwa wa mu ohu avbe uhunmwu ẹvbo hia kevbe avbe iyokuo iran. Ọ tae nẹ ighẹ te iran hia ra fuan.

Aizaia 34:5

E Nọyaẹnmwa dunmwu umozo ẹre nẹ vbe ẹrinmwi, banbanna nian, ọ gha degbe Idọm ne emwa ne irẹn kha nẹ wẹ te iran ra fuan.

Aizaia 34:6

Esagiẹn kevbe efun egbe iran gha gba umozo ẹre aro kevbe iyeke, zẹvbe esagiẹn kevbe efun ivbiohuan kevbe ẹwe ne a ya zọ ese. E Nọyaẹnmwa gha zọ ese na vbe Bozra; ọ gha ru ẹe ne obọ ugbemwẹ ọnrẹn dotọ ẹsẹse vbe otọe Idọm.

Aizaia 41:28

Ugbẹn vbe I tọn aro mu ghe avbe ẹbọ, ọkpa vbe uwu iran ne ọ miẹn ẹmwẹ ta i rrọọ; ọkpa vbe uwu iran ne ọ sẹtin rhie ewanniẹn ye ọta ne I nọrẹn i rrọ.

Aizaia 50:2

“Vbọzẹ ne avbe emwa mwẹ ma na zẹ yọ yi vbe I yo ya miẹn iran fan? Vbọzẹ ne iran ma na khuẹnniẹn vbe I tie iran? Mẹ ma wegbe sẹ ne ọ gha miẹn iran fan ra? Mẹ gha sẹtin ye ẹmwẹ unu mwẹ si okun ka I ghi Vbe ye avbe ẹzẹ khian ato sẹrriọ wẹ avbe ehẹn ni rrọọ ghi wulo rhunmwuda iran ma miẹn amẹ.

Aizaia 59:15

Uyinmwẹ ne ọ diae vbee sẹ vberriọ vbe evba wẹ ọmwaikọmwa ne ọ dobọ emwi dan ne a ru yi, obọ ọkhọ ghi vba ẹre.” E Nọyaẹnmwa miẹn ọna nẹ, ohu mu ẹẹn wẹ uyinmwẹ ẹmwata i rrọọ.

Aizaia 63:6

Vbe uwu ne ohu na mu mwẹ nii, I keghi, ya owẹ rrilo avbe uhunmwu ẹvbo ginna otọ I keghi duẹ iran an, I keghi hihiẹẹ, esagiẹn arrọọ iran yotọ.”

Aizaia 65:3

Iran kegha ya ifavbaro ru emwi ne ọ mu mwẹ ohu khian. Iran zọ ese emwa ni ga ẹbọ vbe ugbo ẹbọ, iran ghi vbe gha giẹn eturari vbe Ogiukpo iran nigẹbọ.

Aizaia 66:16

Erhẹn kevbe umozo ẹre ọ ra ya rri avbe emwa nagbọn hia ne ọ miẹn abe vbe obọ ẹre oya, a gha gbele nibun uan.

Jerimaia 16:17

I bẹghe emwi ne iran ru hia. Emwi okpa ma rhie egbe lẹre mẹ, orukhọ ne iran ru ma sẹtin rhie egbe lẹre ne aro mwẹ.

Jerimaia 18:21

Sokpan, banbanna nian Nọyaẹnmwa gie ohan gbele ivbi iran an, gie okuo gbele iran. Gie ọdọ wulo avbe ikhuo ni rrọọ, kevbe emọ. Gie emianmwẹ gbele avbe ikpia ni rrọọ, ne avbe igbama ni rrọọ wulo ye okuo.

Jerimaia 34:17

Rhunmwuda ọnii nian, mẹ ne Nọyaẹnmwa khare wẹ wa yaan mwẹ zẹ, wa ma fannọ ivbi Izrẹl ne ihua uwa kua. Vbene ọ ghi na ye rrio nian khekherriọ, mẹ gha gie uwa zẹ ne ọ yẹ uwa, ne uwa zẹ wẹ okuo ọ ra gbẹ uwa, ke ohanmwẹ kevbe emianmwẹ. I gha gie avbe uhunmwu ẹvbo otọ agbọn hia runran ye emwi ne I ra ru uwa ẹre.

Jerimaia 35:17

Rhunmwuda ọnii nian. Mẹ ne Nọyaẹnmwa ne Osanobua Izrẹl, gha gie ẹe gele rruan uwa ne ivbi e Juda kevbe ivbi e Jerusalẹm avbe ọkhọ ne I khare ighẹ ọ gha rruan uwa. I gha ru ẹe vberriọ rhunmwuda wa ma danmwehọ mwẹ vbe I gu uwa guan, wa ma khuẹnniẹn mwẹ vbe I tie uwa.”

Jerimaia 7:13

Wa ru avbe orukhọ na hia ne, a gha rhe miẹn wẹ te I gha gu uwa guan kugba kẹghẹrẹ, wa ma danmwehọ. I tie uwa wa ma khuẹnniẹn.

Jerimaia 7:27

“Rhunmwudọnii nian Jerimaia, u ghi ta avbe ẹmwẹ na ma avbe emwa mwẹ, sokpan, iran i ra danmwehọ ruẹ. u gha tie iran sokpan, iran i ra khuẹnniẹn.

Levitikọs 26:25

I ghi si okuo yi uwa egbe ne I ya rri uwa oya ye ne uwa na rhie obọ gberra ile ne ima gba ta, wa na ya si egbe koko ye ẹvbo uwa ne obọ ghẹ vba uwa, I ghi gie emianmwẹ nẹ i mwẹ ukhunmwu gie uwa, ẹ i re aro sẹẹnrẹn wa gha ya de ye igue vbe odaro avbe eghian uwa.

Maika 5:15

Vbe uwu ohu mwẹ nọkhua, I gha rria iran ikhi ighe avbe ẹvbo ne ẹ i họn ẹmwẹ mẹ.”

Zẹkaraia 7:7

Uhunmwu ne Nọyaẹnmwa vbe gie avbe akhasẹ ni karo ọ re ọna khin vbe ẹghẹ ne Jerusalẹm na gha rre atẹ vbe ne ẹvbo na vuọn rẹn, ne ẹvbo na vbe vuọn avbe ore nekhua ni lẹga ẹre, kevbe isoko ni rre odẹ ekẹn vbe ototọ oke.

Matiu 22:3

Ọ keghi gie eguọmwadia ẹre ne iran ya khama emwa ne a tiere wẹ ne iran gha dee. Sokpan, iran ma ho ne iran rre.

Matiu 22:7

Ohu keghi mu ọba ni, ọ na gie ivbiyokuo ẹre, iran na ya gbele avbe izigha ni uan, iran na giẹn ẹvbo iran muotọ.

Iyẹn ne ọ Maan Ọghe Jọn 1:11

Rẹn kegha die ẹvbo irẹn tobọ ẹre, sokpan avbe emwa rẹn ma rhan obọ miẹn rẹn.

Diuteronomi 32:25

Okuo gha gbele emwa ye ughe, ugborrirri ghi gbele emwa ye uwowa avbe igbama kevbe ivbialeke gha wulo, kevbe emọ obọ kevbe avbe ọmaẹn, ne a ra sẹrae i rrọọ.