Aizaia 65:1 - Edo Bible (E Baibol Ẹdo) Version 1996

¹ E Nọyaẹnmwa khare wẹẹ, “Mẹ te mu egbe ne I ya họn erhunmwu avbe emwa mwẹ, sokpan, iran ma na erhunmwu. Mẹ te mu egbe ne iran gualọ mwẹ miẹn, sokpan, iran ma ziga hiehiere. Ẹvbo nii ma na erhunmwu ghe mwẹ, a gha rhe miẹn wẹ, te imẹ mu egbe ne I ya họn erhunmwu. Tama iran wẹẹ, ‘Ghe mwẹ vbe emwana, I gha ye uwa obọ.’

Aizaia 65:1 ပူးပေါင်းရင်းမြစ်များ

II Samuẹl 1:7

Ọ ghi gbe aro ghe iyeke, ọ keghi bẹghe mwẹ, ọ na da tie mwẹ. Mẹ kevbe wanniẹn wẹẹ, ‘Dọmọ ọ.’

Psalm 22:27

Agbọn ẹvbo hia gha ye Nọyaẹnmwa rre, iran gha ke igienenẹ agbọn, bu ẹre rre. Ivbi ẹvbo ughughan gha rho ẹre.

Aizaia 11:10

Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

Aizaia 40:9

E Jerusalẹm, hin oke ne ọ yo, ne u ya wewe iyẹn ne ọ maa nii! E Zaiọn, ya urhu ne ọ la datu, ta iyẹn ne ọ maa ni ladian, guan ladian, ghẹ gie ohan mu ẹẹn. Tama avbe ore nekhua ni rre Juda wẹ Osanobua iran dee.

Aizaia 41:27

Mẹ ne Nọyaẹnmwa, mẹ ọ re ọ ka gha na iyẹn na ma Zaiọn; I giee ọmwa gha rrie Jerusalẹm ne ọ ya kha wẹẹ, ‘Emwa uwa dee, iran die owa.’

Aizaia 43:1

Izrẹl, Osanobua ne ọ yi uwe khare wẹẹ, “Ghẹ mu ohan, I gha miẹn ruẹn fan. Mẹ ọ re ọ he uwẹ eni, ọghomwẹ ọre u khin.

Aizaia 45:22

“Wa bu mwẹ gha dee nian ne uwa miẹn ehe na fe wa ne emwa hia ni rre agbọn! Mẹ ọkpa ọrọre Osanobua ne ọ rrọọ.

Aizaia 55:5

Banbanna nian, wa gha gie ne a tie avbe uhunmwu ẹvbo ọvbehe; vbe ẹghẹ ọkpa, iran ma te rẹn uwa sokpan, eban nian, iran gha ya ulẹ rre do deba uwa. Mẹ ne Nọyaẹnmwa ne Osanobua ruẹ, Osanobua nọhuanrẹn ọghe Izrẹl ọre ọ ra ru ẹe ne emwi na hia sunu. I gha rhie ọghọ kevbe uyi ne uwa.”

Aizaia 63:19

U ke ghi ru ima zẹ vbene a gha a kha ighẹ u ma he ka gha re ogie ima ẹdẹ, vbene a gha a kha ighe ma ma he gha re emwa ruẹn ẹdẹ.

Hozia 1:10

Ivbi Izrẹl gha do gha yevbe ikpẹ ekhae ni rre okun, iran ghi gha re ne a i sẹtin ka ra ne a mwa rẹn. Banbanna nian Osanobua tama iran wẹẹ, “Wa i re emwa mwẹ.” Sokpan, ẹdẹ dee ne ọ gha tama iran wẹẹ, “Wa ọrọre ivbi Osanobua ne ọ rrọọ!”

Zẹkaraia 2:11

Ọ gha sẹ ẹghẹ nii, uhunmwu ẹvbo nibun gha bu e Nọyaẹnmwa rre iran ghi khian emwa rẹn. Rẹn gha yin ehe ne uwa ye, wa gha vbe rẹn wẹ rẹn ọ re ọ gie mwẹ bu uwa gha dee.

Iyẹn ne ọ Maan Ọghe Luk 13:12

Jesu ghi bẹghe ẹre, ọ tama rẹn wẹẹ, “Okhuo na, a rhan ruẹn hin obọ emianmwẹ ruẹn re.”

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

Ebe ne Pọl gbẹẹn gie emwa Rom 10:20

Aizaia ọre ọ ghi wa din sẹ, ọ keghi kha wẹẹ, “Emwa ni ma zẹdẹ gualọ mwẹ, miẹn mwẹ, I keghi rhie egbe maa emwa ne ẹ i nọ ẹmwẹ mwẹ.”

Ebe ne Pọl gbẹẹn gie emwa Rom 9:30

Vbe ima a ghẹ ghi tae hẹ yi? Vbe nian, wẹ emwa ne ẹ i re Ju, ni ma zẹdẹ hia ne iran gu Osanobua dọlọ kugbe, keghi do khian ne iyayi dọlọ kugbe ba ẹre.

I Pita 2:10

Vbe ẹghẹ ọkpa yi, wa i te re emwa Osanobua, sokpan wanwan na nian, emwa rẹn wa ghi khin, wanwan na nian, wa miẹn itohan ẹnrẹn rhie nẹ.