Aizaia 64:7 - Edo Bible (E Baibol Ẹdo) Version 1996

⁷ A ma miẹn orhiọnkpa ne ọ ya erhunmwu dọlegbe ghe ehe ne u ye, a ma miẹn ne ọ bu ruẹ rre do nọ iyobọ. U rhie egbe ruẹ lẹre ne ima, u ke hee ima yotọ rhunmwuda orukhọ mwa.

Aizaia 64:7 ပူးပေါင်းရင်းမြစ်များ

Job 10:9

Yerre wẹ obuẹ ọ re u ya ma mwẹ, te u ghi ra vbe dunmwu mwẹ khian ebubẹ ra?

Job 8:4

Ọ gha kẹe, te ivbi uẹ rukhọ ghe Osanobua, ọ re ọ na rri iran oya ne ọ khẹke iran.

Psalm 100:3

Wa ghẹ mianmian wẹ Nọyaẹnmwa ọrọre Osanobua rẹn ọ re ọ yi ima ọghọe ọ re ima khin ma ọrọre emwa rẹn ma ọ re oghẹn ohuan rẹn.

Psalm 14:4

E Nọyaẹnmwa keghi nọ wẹẹ, “Iran ma rẹn ra? Te iran ni ru emwi dan na ma gele rẹn ne a ye ra? Emwa mwẹ ọ re iran rha ya koko egbe iran. Iran i vbe na erhunmwu gha mwẹ.”

Ẹksọdọs 32:12

Vbọzẹ ne a gha na gie ivbi Igipt gha kha wẹ te ọ viọ iran ke otọe Igipt ladian, vbene ọ na zẹ iro dan wẹ ne irẹn gbele iran ye uhunmwu oke, kevbe ne ọ wa fuẹn iran an fẹẹrẹ? Mu ohu nọ wegbe ne ọ muẹn fua, fi ekhọe werriẹ ne u ghẹ gie ẹbe na sunu vbe egbe emwa ruẹn.

Aizaia 1:15

“Wa gha viọ obọ da odukhunmwu gha na erhunmwu. I i tọn aro mu ghe uwa vbene uwa a rhirhi yan na erhunmwu sẹ hẹ, I i danmwehọ, rhunmwuda, esagiẹn gba uwa obọ.

Aizaia 27:5

Sokpan, adeghẹ eghian emwa mwẹ ho ne a degue iran, wẹ ne iran do gun mwẹ dọlọ kugbe. Ẹn, wẹ ne iran do gun mwẹ dọlọ kugbe.”

Aizaia 45:9

Akhe obuẹ vbe gu ọmwa ne ọ ma ẹẹn gban ukpe ra akhe ne ọ yevbe nekpa hia? Obuẹ vbe nọ ọmakhe ra wẹ de emwi ne ọ ru yi? Akhe vbe sẹtin gui ra wẹ ọmwa ne ọ ma ẹẹn ma guẹ ona?

Aizaia 50:2

“Vbọzẹ ne avbe emwa mwẹ ma na zẹ yọ yi vbe I yo ya miẹn iran fan? Vbọzẹ ne iran ma na khuẹnniẹn vbe I tie iran? Mẹ ma wegbe sẹ ne ọ gha miẹn iran fan ra? Mẹ gha sẹtin ye ẹmwẹ unu mwẹ si okun ka I ghi Vbe ye avbe ẹzẹ khian ato sẹrriọ wẹ avbe ehẹn ni rrọọ ghi wulo rhunmwuda iran ma miẹn amẹ.

Aizaia 54:8

Ohu mu mwẹ, I na fi iyeke gbe vbe ovbi ẹghẹ kherhe. Sokpan, I gha ho ẹmwẹ ruẹn ẹdẹdẹmwẹdẹ. Erriọ e Nọyaẹnmwa ne ọ miẹn ruẹn fan khare.

Aizaia 56:4

E Nọyaẹnmwa tama egbe ọmwa vberriọ wẹẹ, “A deghẹ u ya ọghọ mẹ, vbekpa ne u gha na rhie Ẹdẹ Ikẹtin lẹre, a deghẹ u vbe gha ru emwi ne ọ yẹ mwẹ, u na gha rhie uhi mwẹ mwẹ vbe ẹmwata,

Aizaia 57:17

Ohu iran te mu mwẹ rhunmwuda orukhọ kevbe uzuanmwẹ iran, rhunmwuda ọnii, mẹ keghi rri iran oya, I na he iran yotọ. Sokpan, iran keghi wa zevbudu, iran na gha ru khian vbene ọ yẹ iran.

Aizaia 59:16

Ọ yan irẹn unu uan wẹ a i miẹn ne ọ yi ọmwa ne a wọ ẹre uhunmwu obọ. Rhunmwuda ọnii, ọ gha lo ẹtin ọghọe ne ọ ya miẹn iran fan kevbe ne ọ khọn miotọ.

Aizaia 59:2

Orukhọ uwa ọ re ọ sii ẹe ne ẹ i na zẹ ye uwa ẹre. Orukhọ uwa ọ re ọ wannọ uwa hin ehe ne Osanobua ye rre vbe uwa a te gha ho ne uwa ga ẹe.

Aizaia 59:4

Wa gha yo iko, a i bu ohiẹn ne uwa. Ohoghe ọ re uwa mu ẹtin yan ighẹ uwa gha ya rri ase vbe ẹzọ uwa. Wa gha sii uma emwi dan ne uwa ra ru ẹrrẹe re nẹ, wa ghi gele ru ẹe.

Aizaia 63:16

Wẹ ọrọre erha mwa. Ebraham kevbe Jekọh ne avbe erha mwa odede ma ka ima yọ, sokpan, wẹ ne Nọyaẹnmwa, wẹ ọrọre erha mwa, wẹ ọ re ọmwa ne ọ wa miẹn ima fan dee ẹdẹ.

Jerimaia 9:7

Rhunmwuda ọnii, e Nọyaẹnmwa ne Oghodua khare wẹẹ, “I gha fan emwa mwẹ zẹ vbe ematọn I ghi vbe danmwẹ iran ghe. Emwa mwẹ ru emwi dan nẹ, vbe I a ghi ra ye ya iran ru ọvbehe?

Ezikiẹl 22:30

I gualọ ọmwa ne ọ gha sẹtin gbe ekẹn, iran ni gha sẹtin mudia ye ehe ne ekẹn na de, ne ọ gbinna ne ẹvbo nii vbe ohu mwẹ a ra fuẹn ọnrẹn uan sokpan, I ma miẹn ọmwa rhọkpa Rhunmwuda ọnii, I hihiẹ ohu mwẹ yan iran,

Ezikiẹl 24:11

Banbanna nian, mu uwawa ẹrọnmwọ nii yan erhẹn, ne u gie ẹe vbe viẹn kpaan. Ẹghẹ nii ọ re awua gha na lahin ukodo nii rre vbe a ghi gien ọtọn kua nẹ.

Hozia 5:15

“I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”

Hozia 7:14

Iran ma he ya ekhọe ẹmwata na erhunmwu ghe mwẹ ẹdẹ, ne iran gha na te ru vberriọ, iran keghi dele gbotọ, iran keghi gha go zẹ vbene iran ni ga ẹbọ ru ẹe. Iran gha na erhunmwu ye ẹmwẹ ọka kevbe ayọn, iran ghi gha giagia egbe iran, zẹ vbene iran ni ga ẹbọ ru. Erriọ avbe miẹn emwa ni sọtẹ ra!

Hozia 7:7

Vbe uwu ohu ne ọ mu iran, iran ghi gbele iran ni khaemwisẹ yan iran an. Iran gbele avbe ọba iran na ọsegbe ọsegbe, sokpan, a ma miẹn ọmwa ne ọ na erhunmwu ghe mwẹ wẹ ne I yi rẹn obọ.”

Malakai 1:6

E Nọyaẹnmwa ne Oghodua tama avbe ohẹn wẹẹ, “Te ọmọ ya ọghọ ne erha ẹe, ọviẹn vbe ya ọghọ ne arowa ẹre. Mẹ ọrọre erha uwa, vbọzẹ ne uwa i na ya ọghọ mẹ? Mẹ ọrọre arowa uwa, vbọzẹ ne uwa i na lohan mwẹ? Wa zan mwẹ wa ghi ye vbe gha nọ wẹẹ, ‘Vbe ima ya zan ruẹn hẹ?’

Malakai 2:10

Ẹire erha ọkpa ọ re ima hia mwẹ? Ẹire Osanobua ọkpa ọ re ọ yii ima hia? Vbe ọ ghi zẹ khekherriọ ne ima i na mu eyan ne a yan ma egbe sẹ, vbọzẹ ne ima na zan ile ne Osanobua guu avbe erha ima odede taa? Ivbi e Juda ma mu eyan ne iran yaan ma Osanobua sẹ, iran keghi vbe ru emwi ne ọ khọrhiọn vbe Jerusalẹm kevbe vbe ẹvbo nii hia.