Aizaia 64:3 - Edo Bible (E Baibol Ẹdo) Version 1996

³ Ẹghẹ ọkpa rrọọ ne u na rre, u na do ru emwi ne ọ runran ọmwa, egbe ne ima ma rhie aro yi, avbe oke nekhua bẹghe ruẹ, iran kegha guọọ ne ohan.

Aizaia 64:3 ပူးပေါင်းရင်းမြစ်များ

II Samuẹl 7:23

Ẹvbo ọvbehe i rre otọ agbọn ne ọ ye vbe Izrẹl ne emwa ruẹn ne uwẹ miẹnfan hin ọviẹn ọmwa ne iran do gha re emwa ruẹn. U ya egbe ruẹ hin usi, u keghi ru emwi ni kpọlọ kevbe ni yunnuan ne iran, vbene u na khulo avbe agbọn ẹvbo kevbe avbe ẹbọ iran kua hin odaro emwa ruẹn rre, vbene iran ya nana sikẹ odaro. Emwa ne uwẹ faẹn vbe irri vbe Igipt ne iran do khian ọwuẹ.

Psalm 106:22

U miẹn emwi ọyunnuan ne ọ ru vbe evba u miẹn emwi ọyunnuan ne ọ ru vbe Okun ne Nọbaa.

Psalm 66:3

Wa tama Osanobua wẹẹ, “A miẹn vbe emwi ne u ru hia re ọyunnuan hẹ! Ẹtin ruẹn kpọlọ sẹ vberriọ wẹ te avbe eghian ruẹn hia ye ohan defi igue vbe odaro ruẹ.

Psalm 66:5

Wa do ghe iwinna ne Osanobua winna ẹn, iwinna ọyunnuan rẹn vbe uwu ẹbu emwa.

Psalm 68:8

otọe mu rueghe, iso kevbe rhọ amẹ yotọ rhunmwuda ighẹ Osanobua Sainai dee, rhunmwuda ighẹ Osanobua Izrẹl dee.

Psalm 76:12

Osanobua ru ẹe ne emwa gha mu ohan irẹn ọ munọ iran ni tọn egbe mu rriotọ ọ keghi vbe runran avbe ọba nekhua.

Ẹksọdọs 34:10

E Nọyaẹnmwa keghi kha wẹẹ, “I gu uwa ta ile vbe sirra emwa uwa hia fẹẹrẹ. I gha winna iwinna nekhua egbe ne a ma he ka winna yi vbe agbọn na hia vbe ẹvboikẹvbo. Emwa ni guẹ rrọọ gha vbe miẹn emwi ne imẹ ne Nọyaẹnmwa gha sẹtin ru rhunmwuda emwi nọkhua ọre I ra ru nuẹn.

Aizaia 5:25

E Nọyaẹnmwa mu ohu emwa irẹn, rẹn vbe niẹn obọ ẹre ladian nẹ ne ọ ya rria iran ikhi. Avbe oke nekhua gha mu rueghe, a gha vbe sẹ ikun avbe emwa ni wulo rae ye adesẹ ore zẹvbe iku, Sevba, ohu e Nọyaẹnmwa i he ye fo ye evba, te ọ gha ye niẹn obọ ẹre ladian ne ọ ya rri iran oya.

Aizaia 64:1

Vbọzẹ ne u ma na va iso ne u tuorre yi? Avbe oke nekhua gha te bẹghe ruẹ, iran ghi gha guọ ne ohan.

Habakọk 3:3

Osanobua dọlegbe ke Idọm dee, Osanobua ke oke Paran nọhuanrẹn dee. Ose ẹre gba ẹrinmwi fo, agbọn kevbe vuọn ne urhomwẹ ọnrẹn.

Habakọk 3:6

Ọ gha demudia agbọn ghi mu rueghe; ọ gha fi aro rre, avbe uhunmwu ẹvbo ghi gha guọ zẹzẹzẹ. A zanzan avbe oke ẹrẹkhẹrẹ ua avbe oke etẹbitẹ kpero la uwu otọ, avbe oke ne irẹn nanaẹn ẹkpo nẹdẹ.

Diuteronomi 10:21

Wa gha rho ẹre, Osanobua rua nọ, aro uwa vbe sẹ emwi nọkhua kevbe ne ọ yan mwa unu uan ne ọ ru ne uwa.

Diuteronomi 4:34

A he miẹn ẹbọ ọkpa ne ohan gie ẹe la uwu okpẹvbo ọvbehe ya viọ emwa ladian ya khian ọghe ọe zẹ vbene Osanobua Nọyaẹnmwa uwa ru ne uwa vbe Igipt? Sirra uwa ọ re, ọ na lo ẹtin kevbe iwegbe ẹre nọkhua, ọ keghi si egboghogbogho kevbe okuo ye otọ, ọ keghi winna iwinna ọyunnuan kevbe ọghe ama, ọ na gie emwi ohan gha sunu.