Aizaia 64:11 - Edo Bible (E Baibol Ẹdo) Version 1996

¹¹ deba Ọgua Osa mwa, ehe ne mose nọhuanrẹn nii, ehe ne avbe erha mwa odede na gha rho ruẹ, erhẹn giẹẹn ọnrẹn uan. Avbe ehe ni te yẹ emwa hia, itowa ehia ghi khin.

Aizaia 64:11 ပူးပေါင်းရင်းမြစ်များ

I Ọba 8:14

Emwa nii hia ghi wa mudia ye evba, e Solomọn keghi fi egbe werriẹ mu aro da iran, ọ na ya erhunmwu nọ afiangbe Osanobua ne iran.

I Ọba 8:56

“Rho e Nọyaẹnmwa, ọmwa ne ọ rhie ọfumwegbe ne emwa rẹn, zẹ vbene ọ khare zẹ wẹ rẹn gha ru ẹe. Emwi ọrhẹnrhẹn ne ọ la unu e Mosis ne ọguọmwadia ẹre ve, ọ gele wa ru ehia fẹẹrẹ.

II Ọba 25:9

Ọ keghi giẹn Ọgua Osa a, kevbe ẹguae, kevbe owa emwa ni hin usi hia ni rre Jerusalẹm.

II Krọnikol 36:19

Ọ keghi giẹn Ọgua Osa kevbe ẹvbo ni sẹ otọ.

II Krọnikol 6:4

Ọ wẹẹ, “Wa rho e Nọyaẹnmwa ne Osanobua ọghe Izrẹl! Ọ mu eyan ne ọ yan ma e Devid ne erha mwẹ sẹ, ne ọ na khama rẹn wẹẹ,

II Krọnikol 7:3

Ugbẹn vbe ivbi Izrẹl ghi miẹn erhẹn ne ọ ke ẹrinmwi rre kevbe awanwan ne ọ vuọn Ọgua Osa, iran keghi dele viọ aro rhu otọ vbe ibare, iran ga Osanobua, iran keghi rho ẹre ye umamwẹ ọnrẹn kevbe aho ẹmwẹ ọmwa etẹbitẹ ne ọ mwẹ.

II Krọnikol 7:6

Avbe ohẹn keghi mudia ye ehe ne a mwamwa ye otọ khẹ iran, avbe Livai keghi mudia viọ aro da iran, iran kegha ye emwi iku kevbe ihuan ne Devid viọ ye otọ gha rho e Nọyaẹnmwa, Iran kevbe gha so ihuan na, “Itohan rẹn i mwẹ ọfo!” zẹ vbe ne Devid ma iran re. Avbe ohẹn kegha kpe okpe vbene emwa nekpa hia na mudia.

Aizaia 63:18

Avbe eghian khulo ima ne emwa ruẹn nihuanrẹn kua vbe ovbi ẹghẹ kherhe. Iran kegha gbe ukpukpẹ vbe ehe nọhuanrẹn ruẹn.

Jerimaia 52:13

Ọ keghi giẹẹn Ọgua Osa sẹ otọ deba owa emwa ni hin usi hia ni rre Jerusalẹm.

Eve Orriara 1:7

Itowa ne ọ rre ivbiẹ ghi nọ na Jerusalẹm do ye ẹghẹ ne ọ na rre atẹ rre. Ẹghẹ ne obọ eghian ghi na gba ẹre a ma ghi miẹn ọmwa ne ọ yi ọre obọ. Iran ni khọn mu ẹẹn keghi yae gha gbogiẹ ye ne ọna de guọghọ ua.

Eve Orriara 2:1

Ohu mu e Nọyaẹnmwa ọ keghi ya ebiebi gue Jerusalẹm muotọ. Ọ ye ose ẹre ọghe ẹrinmwi khian ne ọ la ọrhiae rrie. Vbe ẹdẹ ne ohu gele wa muẹn uhin ighe te ọ fi iyeke gbe Ọgua Osa ẹre.

Eve Orriara 2:7

E Nọyaẹnmwa hee Ogiukpo ẹre ọ keghi kpao hin uwu Ọgua Osa ẹre nọhuanrẹn rre. Ọ gie avbe eghian guọghọ ekẹn ọnrẹn sotọ. Iran wee ye akhọnmiotọ iran vbe ehe ne ima na te ya oghọghọ ga yi.

Ezikiẹl 24:21

Ne I ta ẹmwẹ na ma uwa ne ivbi Izrẹl wẹ Ẹtin Ọgua Osa ọ re uwa ya ghagha, ọ yẹ uwa ne a ghee, kevbe ne a yo, sokpan, e Nọyaẹnmwa ra ru ẹre awua. Avbe igbama ni rre ẹgbẹe uwa ne a ghi sẹrae ye Jerusalẹm, okuo gha gbele ehia.

Ezikiẹl 24:25

E Nọyaẹnmwa keghi kha wẹẹ, “Banbanna nian, ovbi ọmwa, I gha miẹn iran Ọgua Osa ne ọ wegbe nii ne iran te ya ghagha kevbe ne ọ te sẹ iran ọyẹnmwẹ, ne ọ te yẹ iran ne a ghee, kevbe ne a yo. I gha vbe miẹn iran ivbi iran nikpia kevbe nikhuo.

Zẹkaraia 1:12

Ẹre odibosa nii na kha wẹẹ, “E Nọyaẹnmwa ne Oghodua, wẹ mu ohu e Jerusalẹm nẹ kevbe avbe okpẹvbo e Juda la ukpo ekigbesiyenẹ nian. Vbe ọ gha ghi kpẹe sẹ hẹ u te do mwẹ itohan?”

Matiu 24:2

Rẹn khama iran wẹẹ, “Erriọ nọ, wa ma dẹghe emwi na hia, ne I tama uwa, okuta ọkpa ne a ra sẹrae ye ihe ẹre, ẹ i rre emwa na, te a ra guọghọ ehia sẹ otọ.”

Diuteronomi 29:23

Oha ghi khian ehe ọrhiae ne ọ dihoi rua ne ugbofi kevbe umwẹ lẹ rhu, a i kọ emwi yọ, irunmwu i ra vbe zọ vbọ. Otọe uwa ghi yevbe avbe ẹvbo e Sọdom kevbe Gomorra, zẹ vbe Adma ke Zẹboim, ne e Nọyaẹnmwa dunmwu an vbe ohu kakabọ mu ẹẹn.