Aizaia 63:4 - Edo Bible (E Baibol Ẹdo) Version 1996

⁴ Te I khare wẹ, ẹghẹ sẹe nẹ ne I gha na miẹn avbe emwa mwẹ fan, ẹghẹ sẹe nẹ ne I gha na rri eghian iran oya.

Aizaia 63:4 ပူးပေါင်းရင်းမြစ်များ

Psalm 107:2

Wa dọlegbe ta avbe ẹmwẹ na ya rho e Nọyaẹnmwa, wa hia ne ọ dẹe werriegbe, ọ miẹn uwa fan nẹ vbe obọ eghian uwa.

Aizaia 1:24

Rhunmwuda ọnii nian, danmwehọ vbene ọ kha hẹ ighe e Nọyaẹnmwa ne Oghodua, Osanobua ne ọ mwẹ ẹtin ọghe Izrẹl: “I gha rria uwa ikhi, wa ne eghian mwẹ, wa i ghi ra gha kpokpo mwẹ ọvbehe.

Aizaia 1:27

Rhunmwuda ighe ọmwata ọ re Nọyaẹnmwa khin, ọ gha miẹn Jerusalẹm kevbe avbe emwa ni roiro fi uyinmwẹ werriẹ vbe evba fan.

Aizaia 13:6

Wa gha tulo utumwẹ obalọ. Ẹdẹ e Nọyaẹnmwa sẹ otọ fo, ẹdẹ ne Oghodua ra mu ọfuan rre.

Aizaia 13:9

Ẹdẹ e Nọyaẹnmwa dee, ẹdẹ ọkhọ nii ọghe ohu kevbe okuosu ẹre nọkhua. Otọe agbọn gha khian ato, a ghi fuẹn avbe emwa orukhọ hia a.

Aizaia 34:8

Ẹghẹ ne Nọyaẹnmwa gha na miẹn e Zaiọn fan ọ re ọna khin, ọ ghi munọ avbe eghian rẹn gbotọ.

Aizaia 35:4

Tama emwa hia ne egbe wọre wẹẹ, “Wegbe, ghẹ vbe gie ohan mu ẹẹn! Osanobua dee do miẹn ruẹn fan ọ dee do rri avbe eghian ruẹn oya.”

Aizaia 35:9

Oduma i ra gha rre evba aranmwẹ ni khọ i ra la odẹ nii. Avbe emwa ne Nọyaẹnmwa dẹ werriegbe nẹ, gha la odẹ nii gha rrie owa.

Aizaia 47:3

Emwa gha miẹn uẹn eban iran gha miẹn vbe a si ọ kẹ otọ iran gha miẹn vbe a fa ruẹ ua. I gha rria ikhi, ọmwa ne ọ gha da mwẹ obọ yi i rrọ.”

Aizaia 52:3

E Nọyaẹnmwa ne Udazi tama emwan rẹn wẹẹ, “Ẹghẹ ne uwa na khian eviẹn, a ma ha osa ye uwa uhunmwu, erriọ vbe nọ ẹghẹ ne a gha na fannọ uwa kua, a i ra vbe ha osa yọ.

Aizaia 61:2

Ọ gie mwẹ ne I ya kha, wẹ ẹghẹ sẹ nẹ, ne Nọyaẹnmwa gha ya miẹn emwa rẹn fan. Ọ ghi vbe khọn eghian iran muotọ. Ọ giee mwẹ nẹ I ya fu iran ni khiẹ ẹko rre,

Jerimaia 50:15

Wa kpe orhu okuo lẹga ọre ẹvbo nii hia. Banbanna nian, e Babilọn de igue nẹ. A ha uvun la ekẹn ọnrẹn gberra, a keghi dunmwu ẹn ruan sẹ otọ. Te I ghi rria e Babilọn ikhi na. Rhunmwuda ọnii nian, wa vbe rria iran ikhi, ne uwa ru iran zẹ vbene iran vbe ru emwa ọvbehe.

Jerimaia 51:6

Wa lẹ ladian vbe Babilọn! Wa lẹ rhie uhunmwu hin ẹbe rre! Wa ghẹ gie a gbele uwa ye orukhọ e Babilọn. Te imẹ rria ẹre ikhi na, I ra vbe rri ọre oya ne ọ ma ẹẹn.

Ezikiẹl 25:14

Izrẹl ne emwa mwẹ gha rria Idọm ikhi mẹ, iran gha gie Idom hẹnmwẹ ohu ne ọ kakabọ mu mwẹ vbe egbe. Idom gha rẹn emwi ne ọ khin ne emwa gha re emwa ne I wẹ I ra rria ẹre ikhi.” E Nọyaẹnmwa ne Udazi guaan nẹ.

Zẹkaraia 3:8

Rhunmwuda ọnii nian, danmwehọ, e Jọsua, wẹ ne ọre Ogie Ohẹn; wa vbe danmwehọ, wa ne avbe ohẹn ne ihua ẹre, wa ni re ama ọghe ẹdẹ nakhuẹ ne ọ maa. I gha rhie ẹre ladian ne a miẹn ighe ọguọmwadia mwẹ ne a tie ẹre Nene Abọ!

Iyẹn ne ọ Maan Ọghe Luk 21:22

Rhunmwuda ‘Ẹdẹ Irriakhi’ nọ ne a ya mu ẹmwẹ ne Ebe tae hia sẹ.

Arhie Maan 11:13

Vbe ẹghẹ ọkpa nii zẹẹ, igbohiotọ ọhanabe ọkpa keghi sunu, obọ ọkpa vbe a wa ẹvbo nii ye ihe igbe keghi wa rẹnkhẹn uan, emwa ni wu ye nene igbohiotọ na, kegha re arriaisẹn ihinrọn (7,000.) Ohan keghi kakabọ mu emwa ni dekẹe, iran keghi tian ukpọlọmwẹ Osanobua ọghe ẹrinmwi.

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.