Aizaia 62:8 - Edo Bible (E Baibol Ẹdo) Version 1996

⁸ E Nọyaẹnmwa yan eyan akekhọerre nẹ ọ gha ya ẹtin irọẹn mu ẹẹn sẹ, “Ọka ruẹ i ghi re ne avbe eghian ruẹn gha ya gha koko egbe iran. Avbe ọrriọvbe i ghi ra dọlegbe gha rhie ayọn ruẹn da.

Aizaia 62:8 ပူးပေါင်းရင်းမြစ်များ

Aizaia 1:7

Iran rẹnkhẹn ẹvbo uwa a, a vbe giẹẹn avbe okpẹvbo uwa sotọ. Vbe sirra uwa avbe orhunmwuyẹn mu uwa otọ, iran keghi vbe rhia emwi hia a.

Aizaia 45:23

Ẹmwata ọ re eyan ne I yanrẹn khin ai vbe fi ẹe werriẹ. Emwi ne I khin hia fẹẹrẹ ọ re I ya yan: Emwa hia gha rre do diguẹ vbe odaro mwẹ iran ghi yan wẹ iran gha rhie egbe mu mwẹ.

Aizaia 54:9

“Vbe ẹghẹ e Noa, I yanrẹn ne I ghẹghi dọlegbe gie amẹ ro gba otọ agbọn. Banbanna nian, I yanrẹn ne I ghẹ ghi dọlegbe mu ohu ghe uwa. I i ghi ra gu uwa gui ra ne I rri uwa oya.

Aizaia 55:2

Vbọzẹ ne uwa na lo igho ye avbe emwi ne ẹ i vuọn ẹko yi? Vbe uwa ghi na lo igho ne uwa miẹn hẹ, ohanmwẹ ghi ye gha gbe uwa? Wa danmwehọ mwẹ, ne uwa vbe ru vbene I khare, wa gha miẹn evbare ne ọ maa sẹ gha re.

Aizaia 59:16

Ọ yan irẹn unu uan wẹ a i miẹn ne ọ yi ọmwa ne a wọ ẹre uhunmwu obọ. Rhunmwuda ọnii, ọ gha lo ẹtin ọghọe ne ọ ya miẹn iran fan kevbe ne ọ khọn miotọ.

Jerimaia 31:5

Wa gha ye vbe kọ azara ye avbe uhunmwu oke Sameria, emwa ni kọe gha rri ọmọ azara nii.

Jerimaia 5:17

Iran gha rri emwiokọ kevbe evbare uwa fo. Iran gha gbele ivbi uwa nikpia kevbe nikhuo, iran gha gbele avbe ohuan kevbe ẹwe uwa, iran gha dunmwu ogba azara kevbe erhan ohọ uwa hia a. Ẹvbo ne a gbe odin ga ne uwa mu ẹtin yan, ivbiyokuo iran gha guọghọ ẹe rua.

Ezikiẹl 20:5

Tama iran vbene I khare. Ẹghẹ ne I na hannọ Izrẹl zẹ, te I ve iran emwi. I rhie egbe mwẹ ma iran vbe Igipt, I keghi tama iran wẹẹ: Mẹ ọrọre Nọyaẹnmwa ne Osanobua rua.

Levitikọs 26:16

I gha rri uwa oya. I gha si ọkhọ yan uwa uhunmwu, emianmwẹ ni i mwẹ ukhunmwu kevbe emwirraro ne ọ gha rhu uwa aro, kevbe ne ọ gha ya uwa gha rri ororo. Wa gha kọ emwiokọ uwa sokpan ẹ i ra ma ne uwa rhunmwuda eghian uwa gha khọn miẹn uwa otọ, iran ghi rri emwi ne uwa kọ ẹe.

Emọs 9:14

I gha viọ emwa mwẹ werriegbe gha die otọ iran, iran gha dọlọ ẹvbo iran ne ọ te guọghọ ua bọ. Iran ghi di ẹe ya. Iran gha gbe ugbo azara iran ghi da ayọn ẹnrẹn. Iran gha mu ugbo, iran ghi rhọ emwi ne iran kọe.

Diuteronomi 28:30

“A gha ya ọmọ ne uwa sokpan ọmwa ọvbehe ghi mu ẹẹn ya gha, wa gha bọ owa, sokpan wa i ra yin ẹnrẹn. Wa gha kọ emwiokọ, sokpan, wa i ra rhọ ẹre.

Diuteronomi 28:31

A gha sirra uwa gbele ẹmila uwa, sokpan, unu uwa i dekan aranmwẹ ọnrẹn. A ghi sirra uwa silo ekẹtẹkẹtẹ uwa kpao vbene a i ghi na vbe dọlegbe viọ iran gie uwa. A gha viọ ohuan uwa ne avbe eghian uwa vbene uwa i na miẹn ọmwa ne ọ gha ye uwa obọ.

Diuteronomi 28:33

Ẹvbo ẹrrẹe ghi viọ emwiokọ uwa ne uwa miẹn ẹsọn nọkhua yi ya kọ, vbene emwirhọkpa ina sẹ uwa obọ gberra ukpokpo ekugbakẹghẹrẹ kevbe obọ ne ọ tọn ne a ya mu uwa.

Diuteronomi 32:40

Vbene aro na da ẹe ighẹ mẹ ọ re Osanobua ne ọ rrọọ, I niẹn obọ ghe ukhunmwu, I keghi yan,