Aizaia 62:2 - Edo Bible (E Baibol Ẹdo) Version 1996

² Jerusalẹm, avbe uhunmwu ẹvbo, gha ye aro iran miẹn akhọnmiotọ ọwuẹ avbe ọba hia gha miẹn uyi ruẹ a gha he uwẹ eni ọgbọn eni ne Nọyaẹnmwa tobọ ẹre hee ruẹ re.

Aizaia 62:2 ပူးပေါင်းရင်းမြစ်များ

Gẹnẹsis 17:15

Osanobua keghi tama Ebraham wẹẹ, “Ghẹ ghi tie amwọn Serai ọvbehe, Sera ọre a ghi tie ẹre.

Gẹnẹsis 17:5

A i ghi ra gha tie ruẹ Ebram ọvbehe sokpan Ebraham. Ọna ọre ọ ghi re eni ruẹn rhunmwuda, I ra ya a ru erha odede ọghe okpẹvbo nibun.

Gẹnẹsis 32:28

Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.”

Psalm 98:2

E Nọyaẹnmwa na iyẹn akhọnmiotọ ẹre, ọ vbe ya ẹtin akhọnmiotọ ẹre, khian ne a rẹnrẹn ne avbe uhunmwu ẹvbo hia.

Aizaia 1:26

I gha viọ iran ni khaemwisẹ kevbe iran ni gu ọmwa zẹ iro ne uwa, vbene uwa te ka mwẹ ọnrẹn ẹghẹ nẹdẹ. Ẹghẹ nii, a ghi do gha tie Jerusalẹm, ẹvbo ne uyinmwẹ ọnrẹn gbae ke ne ọ ru emwi ẹmwata.”

Aizaia 26:2

Wa kie urho ẹvbo nii, ne uwa gie ẹvbo ẹmwata nii la owa, ẹvbo ne emwa rẹn ru emwi ne ọ kere.

Aizaia 43:7

Emwa mwẹ ọ re iran khin. Te I yii iran ne iran gha re ọghomwẹ.”

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Aizaia 49:6

E Nọyaẹnmwa keghi tama mwẹ wẹẹ, “I mwẹ iwinna ne ọ sẹ ọna ne I wa ye otọ khẹ ruẹ ọguọmwadia mwẹ. Ẹire ne u viọ ivbi Izrẹl ni ghi kẹe werriegbe ye ihe ukpọlọmwẹ ọkpa; sokpan, I gha vbe ya a ru uwanmwẹ, ọghe avbe uhunmwu ẹvbo ne a sẹtin miẹn otọ agbọn hia fan.”

Aizaia 52:10

E Nọyaẹnmwa gha lo ẹtin ẹnrẹn nọhuanrẹn ọ gha miẹn rẹn fan agbọn na hia gha vbe miẹn ọẹn.

Aizaia 56:5

ẹghẹ nii, a gha ye eni ruẹn rre vbe Ọgua Osa mwẹ kevbe uwu ẹbu avbe emwa mwẹ kpẹe vbotọ ẹsẹse sẹẹ akpawẹ te u biẹlẹ emọ ikpia kevbe emọ ikhuo. A i mianmian an ẹdẹdẹmwẹdẹ.”

Aizaia 60:11

A gha kie urho ruẹ yotọ asọn kevbe avan ne avbe ọba avbe uhunmwu ẹvbo. Sẹtin gha viọ ẹfe iran guẹ.

Aizaia 60:16

Avbe uhunmwu ẹvbo kevbe avbe ọba, ọ re ọ ra gha gbe aro ghe ruẹ. Zẹ vbene iyọmọ koko ovbi ẹre. Wẹ gha rẹn wẹ mẹ ne Nọyaẹnmwa ọ re ọ miẹn ruẹn fan, wẹ Osanobua ne ọ mwẹ ẹtin ọghe Izrẹl ọ re ọ fan an fua.

Aizaia 61:11

Zẹ vbene ọ ye wẹ te emwiokọ gha zọ, ọ ghi vbe wan zẹẹ, erriọ zẹ ọ re Nọyaẹnmwa ne Udazi gha miẹn emwa rẹn fan. Avbe uhunmwu ẹvbo hia ghi gha rho ẹre.

Aizaia 61:9

Iran gha hin usi vbe uwu avbe uhunmwu ẹvbo emwa ni rhirhi miẹn iran gha rẹn wẹ emwa ne imẹ fiangbe ọ re iran khin.”

Aizaia 62:12

A gha tie uwa, “Emwa nọhuanrẹn ọghe Osanobua,” “Emwa ne Nọyaẹnmwa miẹnfan.” A gha tie Jerusalẹm, “Ẹvbo ne Osanobua ho ẹmwẹ ọnrẹn,” “Ẹvbo ne Osanobua ma fi Iyeke Gbe.”

Aizaia 62:4

A i ghi dọlegbe tie ruẹ “Evbahe.” Ra ne a gha tie otọe ruẹ “Ne Ọdọ He.” Eni ruẹn nọgbọn ghi gha re “Ẹko Ẹre Maa Osanobua.” A ghi gha tie otọe ruẹ “Ne Ọdọ Bọ,” rhunmwuda, ẹko rua maa e Nọyaẹnmwa ọ ghi vbe yevbe ọdọ ne otọe uwa.

Aizaia 65:15

Emwa mwẹ ne a hannọ zẹ gha ya eni uwa gha mu ẹbọ gbe emwa, Mẹ ne Nọyaẹnmwa ne Udazi ọ re ọ ra gbele uwa a. Sokpan, I gha he iran ni họn ẹmwẹ mwẹ eni ọgbọn.

Aizaia 66:11

Ọrọkhọrhọ ẹre gha maa sẹ uwa egbe zẹ vbe ọmọ ne ọ wẹn ewẹn iyẹe.

Aizaia 66:12

E Nọyaẹnmwa khare wẹẹ, “I gha gie uwa etẹbitẹ sẹ uwa obọ. Emwi umamwẹ agbọn ọghe avbe uhunmwu ẹvbo, gha lẹ bu ruẹ rre zẹ vbe ẹzẹ ne ẹ i ka. Wa gha yevbe ọmọ ne iyẹe koko, ne ọ mu mwẹ obọ, ne ọ na vbe ya obọ ahoẹmwọmwa mu ẹẹn.

Aizaia 66:19

iran ghi vbe rẹn wẹ mẹ ọ re ọ rri iran oya. Sokpan, I gha sẹ eso rae vbọ, I ghi viọ iran gha rrie ẹvbo urria, iran ni ma he họn otiti mwẹ ra ne iran miẹn ukpọlọmwẹ kevbe ẹtin mwẹ. Avbe e Spen, e Libya kevbe Lidia ne emwa ni guara fi uhanbọ, kevbe gha rrie Tubal kevbe Gris. Iran gha ya na iyẹn ukpọlọmwẹ mwẹ ma avbe uhunmwu ẹvbo na.

Jerimaia 33:16

A gha fan ivbi e Juda kevbe Jerusalẹm vbe irri, iran ghi gha rrọọ vbe a i mwẹ ẹbe. A gha gha tie ẹvbo ni ‘E Nọyaẹnmwa ne Ọmiọnmwafan mwa.’

Jerimaia 33:9

E Jerusalẹm ghi do gha re ne ọ ya ọyẹnmwẹ sẹ mwẹ, ne ọ mwẹ uyi, kevbe ne ọ ghan, ohan gha mu avbe uhunmwu ẹvbo hia ni rre agbọn na iran ghi vbe gha guọ vbe iran a họn emwi ni maa ne I ru ne Jerusalẹm, kevbe ọmaa ne agbọn ne I viọ la ẹvbo nii.”

Maika 5:8

A gha zagha iran lele uhunmwu ẹvbo, iran gha do yevbe oduma ni ru ohuẹ emwi ne ọ ra re vbe uwu ẹgbo ra oha ne aranmwẹ na rria: Ọ ghi la uwu ẹbu ohuan, ọ ghi san yan iran, ọ ghi yanghan iran ukhiọnmwẹ ukhiọnmwẹ, idaehọ ighe a gha miẹn ẹnrẹn fan i rrọọ.

Iwinna 11:26

Ugbẹn vbe ọ ghi miẹn ọẹn, ọ keghi rhie ẹre gha die Antiọk. Vbe ukpo hoho gbalaka, iran eva kegha gu emwa esọsi do iko, iran kegha ma otu ni bun emwi. Antiọk ọre a na ka gha tie avbe erhuanegbe ivbi Otu e Kristi.

Iwinna 26:23

Wẹ rẹ e Mẹzaia gha rri oya, ọ ghi vbe do gha re ọmwa ne okaro ne a gha huẹn kpaegbe vbe idin, ne ọ do ta ẹmwẹ uwanmwẹ imiẹnfan ma avbe Ju kevbe iran ne ẹ i re Ju.”

Iwinna 9:15

Nọyaẹnmwa tama rẹn wẹẹ, “Gha khian rhunmwuda mẹ zẹ ọe nẹ ne ọ gha re ọguọmwadia mwẹ, ne ọ ya eni mwẹ khian ne a rẹnrẹn ne avbe iran ne ẹ i re Ju kevbe avbe ọba kevbe emwa Izrẹl.

Kọlose 1:23

Ne ẹ i mwẹ a ma ru nọ khekherriọ, ne uwa gha mwẹ iyayi khian vbe uhunmwu ẹyotọ ne ọ de ziẹn kevbe ne gbain, ne uwa ghẹ gie a bẹghe uwa hin idaehọ ne uwa miẹn rhie ẹghẹ ne uwa na họn iyẹn ne ọ maa. Iyẹn ne ọ maa na ọre imẹ ne Pọl khian ọguọmwadia ẹre, iyẹn ne ọ maa na ne a kpe orhu ẹre ma emwa hia ni rre agbọn na nẹ.

Arhie Maan 2:17

“Rhunmwuda ọnii nian, a deghẹ u mwẹ ehọ, danmwehọ ẹmwẹ ne Orhiọn tama avbe esọsi. “I gha rhie ne iran ni khọnmiotọ nẹ, vbe mana ne a rhie lẹre nii, I gha vbe rhie ne ọkpọkpa vbe uwu iran, okuta nọfua ne a gbẹn eni ọgbọn yi, eni ne a kha na, ọmwa ọvbehe ne ọ gha rẹn ọnrẹn i rrọọ gberra ọmwa ne a rhie ẹre na.

Arhie Maan 3:12

Ọmwa ne ọ khọn miẹn otọ, I gha ya ẹe ru orre vbe Ọgua Osa ọghe Osanobua mwẹ, ẹ i ghi vbe kpao vbe evba ẹdẹ. I ghi gbẹn eni Osanobua mwẹ yan rẹn, Jerusalẹm ne ọgbọn ne ogha ke obọ Osanobua mwẹ ke odukhunmwu tuorre gha di otọ. I gha vbe gbẹn eni mwẹ ne ọgbọn yan rẹn.