Aizaia 62:1 - Edo Bible (E Baibol Ẹdo) Version 1996

¹ I gha guan ne I ya rhie igiọdu ne Jerusalẹm. Mẹ i ra hunwan a te do miẹn rẹn fan. Ne akhọnmiotọ ẹre vbe gha baa zẹ vbe ukpa vbe asọn.

Aizaia 62:1 ပူးပေါင်းရင်းမြစ်များ

Psalm 137:6

Ii gha dọlegbe guara so ihuan ọvbehe; a deghẹ I ma ye ruẹ rre; a deghẹ I ma rhie ruẹ ke odaro oghọghọ mwẹ hia!

Psalm 51:18

Osanobua, tohan e Zaiọn ne u yi ọre obọ, dọlegbe gbe ekẹn Jerusalẹm.

Itan 4:18

Odẹ ne ọmwa esi la khian, te ọ yevbe ovẹn nẹ o da yan rre, uwanmwẹ ọnrẹn ghi gha mu otọe yọ rhinrin ọ te do sẹ ẹghẹ ogiavan.

Aizaia 26:2

Wa kie urho ẹvbo nii, ne uwa gie ẹvbo ẹmwata nii la owa, ẹvbo ne emwa rẹn ru emwi ne ọ kere.

Aizaia 46:13

Mẹ si ẹdẹ akhọnmiotọ sikẹ otọ nẹ ẹ i ghi ra kpẹe hiehiere. Emwi i ra da akhọnmiotọ mwẹ obọ yi I gha miẹn Jerusalẹm fan, I ghi vbe rhie ọghọ gie ivbi Izrẹl vbe evba.”

Aizaia 48:18

“Akpawẹ te uwa lele uhi mwẹ nian, afiangbe gha a lẹ bu uwa rre, zẹvbe ẹzẹ ne ẹ i ka. Akhọnmiotọ, gha a re ọghe uwa zẹ vbe uromwẹ ẹzẹ ne ọ lẹ sẹ oke.

Aizaia 51:9

Rhiọrre Nọyaẹnmwa ne u yima obọ. Lo ẹtin ruẹn ne u ya miẹn ima fan, lo ẹre vbene u lo ẹre ẹkpo nẹdẹ. Wẹ ọ re ọ giagia Rehab ne Ugbogiorinmwi okun giẹghẹgiẹghẹ.

Aizaia 52:10

E Nọyaẹnmwa gha lo ẹtin ẹnrẹn nọhuanrẹn ọ gha miẹn rẹn fan agbọn na hia gha vbe miẹn ọẹn.

Aizaia 54:14

Ẹmwata kevbe uhunmwu ẹmwẹ gha ya uwa wegbe. Wa gha fe vbe obọ ukpokpo kevbe ohan.

Aizaia 58:8

“Ẹghẹ nii, aro ne ọ maa mwẹ ghi gha wan mu uwa egbe zẹ vbe owẹn owiẹ, ẹwẹn uwa ghi vbe rherhe rrie. Mẹ gha gu uwa gha rrọọ ẹghẹ hia ne I miẹn uwa fan, aro mwẹ ghi degue uwa vbe igie-nenẹ.

Aizaia 60:1

Kpaegbe Jerusalẹm ne u viọ asan ladian vbe owẹn, uyi e Nọyaẹnmwa ọ re ọ viọ asan yan ruẹn.

Aizaia 60:2

Avbe uhunmwu ẹvbo nekpa, ebiebi gha gue iran muotọ sokpan, uwanmwẹ e Nọyaẹnmwa gha wan mu uwẹ. Uwanmwẹ ọghe rhunmwuda ighẹ rẹn rre evba, gha guẹ gha rrọọ.

Jerimaia 33:9

E Jerusalẹm ghi do gha re ne ọ ya ọyẹnmwẹ sẹ mwẹ, ne ọ mwẹ uyi, kevbe ne ọ ghan, ohan gha mu avbe uhunmwu ẹvbo hia ni rre agbọn na iran ghi vbe gha guọ vbe iran a họn emwi ni maa ne I ru ne Jerusalẹm, kevbe ọmaa ne agbọn ne I viọ la ẹvbo nii.”

Maika 4:2

Avbe emwa iran ghi gha kha wẹẹ, “Wa gie ima hin oke Nọyaẹnmwa gha rrie Ọgua Osa, Osanobua Izrẹl. Rhunmwuda, ọ gha ma ima emwi ne ọ ho ne ima ru, ma gha lele urodẹ ne irẹn zẹe, rhunmwuda, e Jerusalẹm ọ re iruẹmwi e Nọyaẹnmwa ke rre; e Zaiọn ọ re ọ ke guan gie emwa irẹn.”

Zẹkaraia 2:12

E Juda gha dọlegbe do gha re emwiobọ kpataki ọghe Nọyaẹnmwa vbe otọe ọre nọhuanrẹn, e Jerusalẹm gha do gha re okpẹvbo ne irẹn gha ho ẹmwẹ ọnrẹn sẹẹ ehia fẹẹrẹ.

Matiu 5:16

Erriọ nọ zẹẹ, wa gie ukpa rua gha ba ẹse vbe odaro agbọn, ne iran miẹn ehe na lekpa uyinmwẹ esi ne uwa yin gha rho erha uwa ne ọ rre ẹrinmwi vbe uyi.

Iyẹn ne ọ Maan Ọghe Luk 10:2

Ọ tama iran wẹẹ, “Emwiorhọ wa bun sokpan emwa iwinna ni ra rhọ ẹre i bun. Wa gha na erhunmwu ghe ne ọ yan emwiorhọ ne ọ miẹn ehe na gie emwa ni bun sa yọ gha dee do rhọ emwiorhọ.

II Tẹsalonaika 3:1

Vbe okiekie ehia etẹn mwẹ, wa gha na erhunmwu ne ima, ne ẹmwẹ Nọyaẹnmwa miẹn ehe na sẹtin zẹgiẹ gha vẹ khian, ne ọ vbe gha mwẹ uyi zẹ vbe ne ọ gha ye vbe ehe ne uwa ye.

Hibru 7:25

Rhunmwuda ọnii, te irẹn ghi sẹtin miẹn emwa ni la obọ ẹre bu Osanobua gha dee fan, vbe ẹghẹ na, kevbe ẹghẹ hia, rhunmwuda, rẹn wa rre agbọn ẹdẹdẹmwẹdẹ, ne ọ gha rinmwian ne iran.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.