Aizaia 61:9 - Edo Bible (E Baibol Ẹdo) Version 1996

⁹ Iran gha hin usi vbe uwu avbe uhunmwu ẹvbo emwa ni rhirhi miẹn iran gha rẹn wẹ emwa ne imẹ fiangbe ọ re iran khin.”

Aizaia 61:9 ပူးပေါင်းရင်းမြစ်များ

Gẹnẹsis 22:18

Iyaẹvbo agbọn hia ghi wẹẹ ne I fiangbe iran zẹ vbene I fiangbuẹ uniẹn ruẹn, rhunmwuda ne u na họn ẹmwẹ ne I tama ruẹn na.”

Gẹnẹsis 30:27

E Leban keghi tama rẹn wẹẹ, “Gun mwẹ tama ruẹn, I ghe emwi yọ, I keghi miẹn wẹ rhunmwuda ruẹ ọre Nọyaẹnmwa na fiangbe mwẹ.

Psalm 115:14

Te Nọyaẹnmwa gha ye emọ ru uwa ẹse, wa kevbe avbe ivbi uniẹn uwa!

Aizaia 43:5

Ghẹ fian afianma, I rrọọ yaba ruẹ! “Ke odẹ orrie ne ọ rrei sẹẹ ehia, I gha viọ emwa ruẹn gha die owa.

Aizaia 44:3

“I gha sa amẹ ne ọmwa ne ovbamẹ gbe, I ghi vbe wẹ ne ẹzẹ gha lẹ, vbe otọe ne ọ kae I gha hihiẹ ẹtin yan avbe ivbi uẹ kevbe afiangbe mwẹ yan ivbi uniẹn ruẹn.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Aizaia 65:23

Emwi ne iran ru gha wa gha dinna odẹ, ọkhọ i ra vbe sunu vbe egbe ivbi iran, i gha fiangbe iran kevbe uniẹn ivbi iran ni dee ẹdẹdẹmwẹdẹ.

Aizaia 66:22

“Zẹ vbene ẹrinmwi ọgbọn nii kevbe agbọn ọgbọn nii gha ye ekpa ẹtin mwẹ gha rrọọ, erriọ ọ re avbe ivbi uniẹn uwa kevbe eni uwa gha vbe gha rrọọ.

Jerimaia 31:7

E Nọyaẹnmwa khare wẹẹ, “Wa ya oghọghọ so ihuan ne Izrẹl ne ọ kpọlọ sẹẹ vbe uwu avbe ẹvbo hia, wa so ihuan Urhomwẹ ọwua, ‘E Nọyaẹnmwa miẹn emwa rẹn fan nẹ, ọ fannọ iran ni ghi dekẹe werriegbe.’

Zẹkaraia 8:13

Ivbi e Juda kevbe Izrẹl; vbe ẹghẹ ne ọ gberra te avbe orhunmwuyẹn te ya ẹe tie ihẹn ne egbe wẹẹ, ‘Emwi ne ọ rruan e Juda kevbe Izrẹl ọ re ọ gha rruan ruẹn.’ Sokpan, mẹ gha miẹn uwa fan, avbe orhunmwuyẹn nii ghi vbe gha kha ma egbe wẹẹ, ‘Ọma ne ọ mian e Juda kevbe Izrẹl ọ re ọ gha rruan ruẹn.’ Rhunmwuda ọnii, wa gie orhiọn la uwa iwu, wa ghẹ fian afianma.”

Malakai 3:12

Eghẹ nii, emwa ẹvbo hia ghi gha tie uwa uhunmwu ne ọ maa rhunmwuda, ẹvbo uwa gha khian ehe ne ọ maa ne ọ gia yin.

Nọmbas 22:12

Osanobua keghi tama Balam wẹẹ, “Ghẹ lele emwa na gha khian, ghẹ vbe fi ivbi Izrẹl unu rhunmwuda afiangbe mwẹ rre iran egbe.”

Iwinna 3:26

Ọnii ọ si ẹe ne Osanobua ghi na zẹ Ọguọmwadia ẹre nẹ, ọ keghi ka gie ẹe bu uwa gha dee ne ọ do fiangbe uwa vbe ekpa ne ọ gha na ya uwa hia fi iyeke gbe odẹ dan ne uwa te la khian.”