Aizaia 61:8 - Edo Bible (E Baibol Ẹdo) Version 1996

⁸ E Nọyaẹnmwa khare wẹẹ, “Ohiẹn ẹmwata ọ re I ho, azẹ ọmwa kpokpo kevbe ọkhọ, i yẹ mwẹ I gha wa san avbe emwa mwẹ ẹse, I ghi gu iran ta ile ẹdẹdẹmwẹdẹ.

Aizaia 61:8 ပူးပေါင်းရင်းမြစ်များ

Gẹnẹsis 17:7

“I gha mu eyan mwẹ sẹ ne uwẹ kevbe avbe ivbi uniẹn ruẹn vbe orre ne ọ dee zẹ vbe ile itẹbitẹ. Mẹ gha re Osanobua ruẹ kevbe Osanobua ọghe uniẹn ruẹn.

II Samuẹl 23:5

Erriọ ọ re Osanobua ra fiangbe uniẹn mwẹ, rhunmwuda, ọ gu imẹ ta ile ẹdẹdẹmwẹdẹ nẹ, vbene ehia na la uro, ọ vbe deziẹn. Ọnii ọ re emwi ne I ho. Ọnii ọ re ọ khian gha re akhọnmiotọ mwẹ, ẹ i mwẹ Nọyaẹnmwa ma gie ẹe sẹ.

Psalm 105:10

E Nọyaẹnmwa gu e Jekọb ta ile nẹ, egbe ne ọ gha rrọọ rhinrin ẹdẹ.

Psalm 11:7

Ọmwata ọ re Nọyaẹnmwa khin, ọ ho ẹmwẹ iwinna esi. Iran ni yin vberriọ, gha yin ehe ne ọ ye.

Psalm 32:8

E Nọyaẹnmwa khare wẹẹ, “I gha ma ruẹn odẹ ne u gha la. I gha ma ruẹn emwi, I ghi vbe bu ruẹ ude.

Psalm 33:5

E Nọyaẹnmwa ho ẹmwẹ emwi ẹmwata, kevbe ne ọ luro. Aho ẹmwẹ ọmwa ẹnrẹn ne ẹi beghe vuọn agbọn na.

Psalm 37:28

Rhunmwuda, e Nọyaẹnmwa ho ẹmwẹ emwi ne ọgbae, ẹi vbe he emwa ni guobọ ẹre yotọ, ọ degue iran rhinrin ẹdẹ. Sokpan, a gha khulo ivbi uniẹn emwa dan ladian.

Psalm 45:7

Wẹ ho ẹmwẹ emwi ne ọgbae u keghi khuiwu emwi ne ẹ i maa ọnii ọ re ọ siẹe ne Osanobua awẹ Osanobua ruẹ na hannọ uẹn zẹ ọ na ya ọyẹnmwẹ wẹ uẹ sẹẹ avbe ọba nekpa hia.

Psalm 50:5

Rẹn keghi kha wẹẹ, “Wa si avbe emwa ni guobọ mwẹ koko ye ehe ne I ye, iran ni zọ ese ya gun mwẹ ta ile.”

Psalm 62:10

Ghẹ mu ẹtin yan uyimwẹ ika ghẹ rhie aro ye ere vbe oyi ne a rha, a deghẹ ẹfe ruẹ vbe muan yọ, ghẹ mu ẹtin yan rẹn.

Psalm 99:4

Ọba nọkhua, wẹ ho ẹmwẹ ne ọ gbae; wẹ mu ohiẹn ẹmwata gbọ nẹ vbe Izrẹl, wẹ rhie ẹmwata kevbe a i ghe ikpanro rre nẹ.

Itan 3:6

Gha ye Nọyaẹnmwa rre vbe emwi ne u ru hia, ọ gha vbe gha ma ruẹn odẹ ne ọ kere.

Itan 8:20

Odẹ ẹmwata ọ re ime la khian, obẹlẹ uhunmwu ẹmwẹ ọ re I la,

Aizaia 28:17

Ohiẹn ẹmwata ọrọre okun ne a ra tan ya mwa ẹyotọ ẹre, a ta ẹmwata ọ re a ra ya mwa egbe ekẹn ọnrẹn.” Okpẹhoho ọ re ọ ra kpolo ohoghe ne uwa mu ẹtin yan hia kua, orogho ghi guọghọ ekẹn ne uwa mwẹ kua.

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Aizaia 5:16

Sokpan, e Nọyaẹnmwa ne Oghodua rhie maa vbene irẹn kpọlọ hẹ vbekpa ne ọ na ru emwi ne ọ kere, ọ keghi vbe rhie uhuanmwẹ ọnrẹn maa vbekpa ne ọ na bu ohiẹn avbe emwa.

Aizaia 54:10

Avbe oke nekhua ke negiẹrẹ sẹtin siẹn sotọ. Sokpan ahoẹmwọmwa mwẹ ghe uwa i ra fo ẹdẹ. Eyan ọfumwegbe ne I yan ma uwa I gha mu ẹn sẹ ẹdẹdẹmwẹdẹ.” Erriọ Nọyaẹnmwa ne ọ ho ẹmwẹ uwa khare.

Aizaia 55:3

“Wa ne emwa mwẹ, wa danmwehọ nian ne uwa bu mwẹ gha dee, wa bu mwẹ gha dee, wa gha fe! I gha gu uwa ta ile ne ọ tọ vbotọ, I ghi vbe rhie afiangbe ne I ve Devid re ne uwa.

Aizaia 56:1

E Nọyaẹnmwa tama emwa rẹn wẹẹ, “Wa gha ru emwi ẹmwata kevbe ne ọ gbae, rhunmwuda, ẹ i ghi rrei ban I do miẹn uwa fan.

Aizaia 66:22

“Zẹ vbene ẹrinmwi ọgbọn nii kevbe agbọn ọgbọn nii gha ye ekpa ẹtin mwẹ gha rrọọ, erriọ ọ re avbe ivbi uniẹn uwa kevbe eni uwa gha vbe gha rrọọ.

Jerimaia 32:40

I gha gu iran ta ile etẹbitẹ. Mẹ i ra dobọ emwi esi ne a ru ne iran yi ẹdẹdẹmwẹdẹ, I gha vbe ru ẹe ne iran ya ekhọe iran hia gha mu ohan mwẹ, ne iran ghẹ ghi fi iyeke gbe mwẹ ẹdẹ.

Jerimaia 9:24

Adeghẹ ọmwa wẹ rẹn rhuọ emwi ne ọ gha ya rhuọ ọrọre wẹ ọ rẹn mwẹ ọ vbe rẹn vbene I ru emwi hẹ. Rhunmwuda ahoẹmwọmwa mwẹ i beghe, emwi ne ọ gbae kevbe ne ọ hẹnhẹn ọ re I ru. Mẹ ne Nọyaẹnmwa ta ẹe nẹ.”

Ezikiẹl 16:60

Sokpan, mẹ gha da ile ne I gu uẹ ta ẹghẹ ne u na ye kherhe yi. I ghi vbe do gu uẹ ta ile ne ọ gha rrọ rhinrin ẹdẹdẹmwẹdẹ.

Ezikiẹl 34:25

“I gha gu iran ta ile ne ọ gha rhie maa wẹ ẹkun gha sẹ iran otọ. I gha wabọ avbe aranmwẹ akọn dan hin otọe nii rre, ne avbe ohuan mwẹ sẹtin gha rrọọ vbe ne a i na mwẹ ẹbe vbe oha kevbe uwu ẹgbo.

Malakai 1:13

Wa ghi kha wẹẹ, ‘Ena hia wa khan ima,’ wa ghi gha tọn ukpihue mu ghe mwẹ, wa gha ra ha oko gunmwẹ, wa ghi mu aranmwẹ ne uwa do mu rre, ra ne ọ kun use ra ne ọ khuọnmwi. Wa yayi ighe mẹ gha rhan obọ miẹn uwa ọnii ra?

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

II Tẹsalonaika 3:5

Nọyaẹnmwa ne ọ lahọ ne ọ su ekhọe uwa lao uwa aho ẹmwẹ Osanobua kevbe izi egbe ne Kristi rhie ne ọmwa.