Aizaia 61:11 - Edo Bible (E Baibol Ẹdo) Version 1996

¹¹ Zẹ vbene ọ ye wẹ te emwiokọ gha zọ, ọ ghi vbe wan zẹẹ, erriọ zẹ ọ re Nọyaẹnmwa ne Udazi gha miẹn emwa rẹn fan. Avbe uhunmwu ẹvbo hia ghi gha rho ẹre.

Aizaia 61:11 ပူးပေါင်းရင်းမြစ်များ

Gẹnẹsis 1:11

Rẹn keghi kha wẹẹ, “Gie erhan vbe irunmwu hia zọ vbe otọe, ke ni gbe ihiagha kevbe eni mọ,” ọ kegha ye rriọ.

Psalm 72:16

Te evbare gha kpọ vbe otọe nii; te emwiokọ gha gha uhunmwu oke hia ne iran gha mọ zẹ vbe ọghe Lebanọn. Te emwa gha gba ore ẹvbo hia, zẹ vbe oha ne ọ vuọn ne irunmwu.

Psalm 72:3

Te otọe nii gha miẹn ọmaa rhie vbene iran gha na gha mwẹ ẹfe te iran gha vbe mwẹ oghae ẹmwata.

Psalm 85:11

A gie a mu ẹtin yan ọghe ọmwa nagbọn gha ke otọ ya sẹ odukhunmwu ẹmwata Osanobua ghi ke ẹrinmwi gbearoghe otọ.

Ihuan Ne Ọ Sọọ Ihuan Hia 4:16

Kpaegbe Ẹhoho odẹ Okuọ, ẹhoho odẹ Ekẹn, hoho ye ogba mwẹ, ya uwinhinmwẹ vuọn ẹhoho hia ẹ. Gie enida mwẹ gha die uwu ogba ẹre ne ọ do rri ọmọ erhan ne ọ maa sẹ vbọ.

Aizaia 4:2

Ẹghẹ dee ne Nọyaẹnmwa gha na ru ẹe ne ivbi erhan kevbe avbe erhan nekhua ni rre otọe na gha kakabọ wan kevbe ne iran gha ma egbe. Avbe ivbi Izrẹl ni ghi miẹn uhunmwu hia gha ghọghọ, iran ghi vbe gha yae hio ighe emwiokọ ne a miẹn gha rhọ vbe otọe nii.

Aizaia 45:23

Ẹmwata ọ re eyan ne I yanrẹn khin ai vbe fi ẹe werriẹ. Emwi ne I khin hia fẹẹrẹ ọ re I ya yan: Emwa hia gha rre do diguẹ vbe odaro mwẹ iran ghi yan wẹ iran gha rhie egbe mu mwẹ.

Aizaia 45:24

“Iran gha kha wẹẹ, obọ mwẹ ọkpa ọ re a na miẹn akhọnmiotọ kevbe ẹtin sokpan, emwa hia ni khuiwu mwẹ, efa gha rruan iran.

Aizaia 45:8

I gha gie akhọnmiotọ ke iso gha dee zẹ vbe amẹ ne ọ rhọ. Otọ ghi vbe rhan yotọ ne ọ miẹn ẹnrẹn, ọ ghi vbe họn ebe ladian zẹ vbene ọ yan egbe ẹre kevbe odẹ ẹmwata. Mẹ ne Nọyaẹnmwa gha gie ọna sunu.”

Aizaia 46:13

Mẹ si ẹdẹ akhọnmiotọ sikẹ otọ nẹ ẹ i ghi ra kpẹe hiehiere. Emwi i ra da akhọnmiotọ mwẹ obọ yi I gha miẹn Jerusalẹm fan, I ghi vbe rhie ọghọ gie ivbi Izrẹl vbe evba.”

Aizaia 48:18

“Akpawẹ te uwa lele uhi mwẹ nian, afiangbe gha a lẹ bu uwa rre, zẹvbe ẹzẹ ne ẹ i ka. Akhọnmiotọ, gha a re ọghe uwa zẹ vbe uromwẹ ẹzẹ ne ọ lẹ sẹ oke.

Aizaia 58:11

Ẹghẹ hia mẹ gha ya gha su uwa, I ghi ya emwi ni maa sẹ uwa ọkẹn I gha gie uwa wegbe, egbe ghi vbe rran uwa. Wa gha yevbe ogba ebuwọnmwẹ ne amẹ mobọ ye, zẹvbe ovbi ẹzẹ ne amẹ i na ka ẹdẹ.

Aizaia 60:18

A i ghi họn ẹmwẹ ọkhọ vbọ ọvbehe, ọfuan i ghi ra dọlegbe rhia ẹvbo ruẹ ua I gha degue ruẹ I ghi vbe gbinna nuẹn zẹ vbe ekẹn ne a gbe lẹga ẹvbo. Wẹ gha rho mwẹ rhunmwuda, I miẹn ruẹn fan nẹ.

Aizaia 60:21

Emwa ruẹn hia gha ru emwi ne ọ kere iran gha vbe yan otọe nii ẹdẹdẹmwẹdẹ. Mẹ ọ re ọ kọ iran, mẹ ọ re ọ yi iran ne I ya rhie ukpọlọmwẹ mwẹ ma ehia.

Aizaia 62:1

I gha guan ne I ya rhie igiọdu ne Jerusalẹm. Mẹ i ra hunwan a te do miẹn rẹn fan. Ne akhọnmiotọ ẹre vbe gha baa zẹ vbe ukpa vbe asọn.

Aizaia 62:2

Jerusalẹm, avbe uhunmwu ẹvbo, gha ye aro iran miẹn akhọnmiotọ ọwuẹ avbe ọba hia gha miẹn uyi ruẹ a gha he uwẹ eni ọgbọn eni ne Nọyaẹnmwa tobọ ẹre hee ruẹ re.

Aizaia 62:7

Iran i ra gie ẹe hẹwẹ ọ te do rhie Jerusalẹm werriegbe ye ihe ẹre. Ne ọ ya ẹe khian okpẹvbo ne otọ agbọn hia go wan.

Matiu 13:23

Emwiokọ ni rre otọ ne ọ maa ọrọre iran ni họn ẹn, ọ keghi vbe la iran ekhọe, iran kevbe mọ ọmọ eso iyisẹn, eso iyeha, eso ọgban.”

Matiu 13:3

Ọ keghi ya itan ma iran emwi nibun. Ọ wẹẹ, “Okpia ọkpa keghi ladian ya kọ emwiokọ.

Matiu 13:8

Sokpan eso dele ye otọ ne ọ maa, iran keghi mọ, eso iyisẹn eso iyeha, eso ọgban.”

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.