Aizaia 61:10 - Edo Bible (E Baibol Ẹdo) Version 1996

¹⁰ Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Aizaia 61:10 ပူးပေါင်းရင်းမြစ်များ

Gẹnẹsis 24:53

Ọ viọ esiliva kevbe igoru ladian kevbe ikpẹrọnmwọ kevbe ukpọn ọ na viọ ne Ribẹka, ọ kevbe ya emwi ighobioye ne ọtiọnrẹn nokpia kevbe iye ẹe.

II Krọnikol 6:41

Guakpao nian e Nọyaẹnmwa Osanobua, uwẹ kevbe Ẹkpẹti Ile ne ima ya rẹn ẹtin ruẹn, la uwu Ọgua Osa ne u gha rre evba ni rhinrin ẹdẹ. Fiangbe avbe ohẹn ruẹn vbe emwi ne iran ru hia, ne ọyẹnmwẹ gha sẹ emwa ruẹn hia rhunmwuda ne u na maa ne iran.

Nehimaia 8:10

Banbanna nian, wa gha rrie owa ne uwa rri evbare esi, wa fian vbe evbare uwa ne iran ne ẹ i mwẹ, ne uwa vbe sa ne iran vbe ayọn uwa. Ẹdẹ nọhuanrẹn ọ re ẹrẹ khin ne Nọyaẹnmwa rhunmwuda ọnii, wa ghẹ khiẹ. Oghọghọ ne Nọyaẹnmwa, rhie ne uwa gha ya uwa wegbe.”

Job 29:14

Uhẹn uhẹn ọ re I hẹko gha ru emwi re.

Psalm 132:16

I gha fiangbe emwi ne avbe ohẹn ni rrọ ru hia, avbe emwa rẹn ghi gha wee, iran ghi gha so ihuan oghọghọ.

Psalm 132:9

Te avbe ohẹn ruẹn ghaa ru vbene ọ ke yi vbe ẹghẹ hia, te avbe emwa ruẹn gha a wee ne oghọghọ.

Psalm 28:7

E Nọyaẹnmwa degue mwẹ, ọ vbe gbinna mẹ I mu ẹtin yan rẹn. Ọ yọmwẹ obọ, ọ keghi ya ọyẹnmwẹ sẹ mwẹ, I gha so ihuan oghọghọ rho ẹre.

Psalm 35:9

Ẹkpo nii, ọyẹnmwẹ e Nọyaẹnmwa gha sẹ mwẹ. Ẹko gha rhiẹnrhiẹn mwẹ rhunmwuda rẹn miẹn mwẹ fan.

Ihuan Ne Ọ Sọọ Ihuan Hia 1:10

Eto ruẹ mose vbe irho ruẹ ọ tuo sẹ ẹyaẹn ruẹn vbe emwi urhu.

Aizaia 12:1

Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Aizaia 17:10

Izrẹl, wa mianmian Osanobua ne ọmwa ne ọ fannọ uwa kua, ọ na degue uwa zẹ vbe okuta nọkhua. Wa keghi ya gha fian erhan gbọọ, ne uwa miẹn ehe na gha ga ẹbọ ẹrrẹe vbe evba.

Aizaia 25:1

E Nọyaẹnmwa, wẹ ọrọre Osanobua mwẹ I gha ya ọghọ ne uẹn, I gha rho eni ruẹn, u ru avbe emwi ọyunnuan nẹ a vbe emwamwa ne u ru ẹghẹ ni u wa hẹko mu ehia sẹ nẹ.

Aizaia 25:9

Ọna ghẹ ghi sunu, emwa hia ghi kha wẹẹ, “Rẹn ọrọre Osanobua mwa. Ma mu ẹtin mwa yan rẹn, ọ keghi vbe miẹn mwa fan. rẹn ọrọre Nọyaẹnmwa! Ma mu ẹtin mwa yan rẹn, banbanna nian, ma gha ghọghọ, ọyẹnmwẹ sẹ mwa, rhunmwuda ọ miẹn mwa fan.”

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.

Aizaia 41:16

Wa gha fi iran ghe ẹhoho ẹhoho ghi hoho iran gha rrie. Okpẹhoho ghi zagha iran an. Ẹghẹ nii, ẹko uwa gha rhiẹnrhiẹn rhunmwuda ighe mẹ ọrọre Osanobua uwa wa gha rho mwẹ vbe uyi, mẹ ne Osanobua nọhuanrẹn ọghe Izrẹl.

Aizaia 48:18

“Akpawẹ te uwa lele uhi mwẹ nian, afiangbe gha a lẹ bu uwa rre, zẹvbe ẹzẹ ne ẹ i ka. Akhọnmiotọ, gha a re ọghe uwa zẹ vbe uromwẹ ẹzẹ ne ọ lẹ sẹ oke.

Aizaia 49:18

Tọn aro mu ghe lẹga, ne u miẹn emwi ne ọ sunu! Emwa ruẹn gha si egbe koko, iran die owa omwa vbene aro na dae i ghẹ me ọ re Osanobua ne ọ rrọọ, wẹ gha ya emwa ruẹn hio zẹ vbene ovbiọha ye ikpẹrọnmwọ itegbe ẹre hio.

Aizaia 49:4

Mẹ keghi kha wẹẹ, “I te winna, sokpan ọ ma dinnodẹ hiehiere. I wa lo ẹtin mwẹ, sokpan, a ma miẹn emwi ọkpa rhie ke ọe rre.” Sevba, mẹ ye mwẹ amuẹtinyan wẹ e Nọyaẹnmwa gha ta ene unu mwẹ ọ gha san mwẹ ẹse iwinna ne I winna ẹn.

Aizaia 51:11

Iran ne uwẹ miẹnfan nẹ, gha ya oghọghọ sẹ Jerusalẹm, iran ghigha so ihuan, iran ghi gha wee ne oghọghọ. Iran gha ghọghọ ẹdẹdẹmwẹdẹ iran fe vbe obọ akhiẹ kevbe orriara ẹdẹdẹmwẹdẹ.

Aizaia 51:3

“I gha tohan e Jerusalẹm kevbe avbe iran hia ni ghi rre itowa ẹre. Ogha khọnrẹn ne otọ ẹre gha re ato I gha ya ẹe khian ugbo ebe uwọnmwẹ zẹ vbe ugbo emwiokọ ne I mu ye Idẹni. Ọyẹnmwẹ kevbe oghọghọ gha rre evba deba ihuan urhomwẹ kevbe ekpọnmwẹ ghe mwẹ.

Aizaia 52:1

Jerusalẹm, wegbe ne u vbe dọlegbe gha kpolo! Ẹvbo nọhuanrẹn ọghe Osanobua, ya ose yọ egbe ruẹ ẹwu. Avbe ni ma yayi i ghi dọlegbe fi owẹ la onurho ruẹ ọvbehe.

Aizaia 56:7

“I gha viọ uwa gha die Zaiọn, ne oke mwẹ nọhuanrẹn, I ghi rhie oghọghọ ne uwa vbe owa erhunmwu mwẹ, I ghi vbe rhan obọ miẹn ese ne uwa zọ vbe Ogiukpo mwẹ. A gha tie Ọgua Osa mwẹ owa erhunmwu ọghe emwa uhunmwu ẹvbo hia.”

Aizaia 58:14

Ẹghẹ nii, wẹ gha miẹn oghọghọ ne a miẹn vbe uwu ugamwẹ mwẹ. I gha ya uwa khian ne a yọghọ na vbe otọ agbọn hia, wa gha vbe rriere otọ ne I mu ne Jekọb ne erha uwa odede. Mẹ ne Nọyaẹnmwa tae nẹ.”

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Aizaia 65:18

Gha sẹ ọyẹnmwẹ ne u vbe gha ghọghọ ye emwi ne I yi ẹdẹdẹmwẹdẹ. E Jerusalẹm ọgbọn ne I ra yi, te ọ ra vuọn ne oghọghọ, emwa ni rrọọ hia ghi vbe gha sẹ ọyẹnmwẹ.

Jerimaia 2:32

Okhuo ọvbokhan vbe mianmian ikpẹrọnmwọ itegbe ẹre ra? Ra ne ovbiọha mianmian ẹwu irhiọha ẹre. Sokpan avbe emwa mwẹ mianmian mwẹ la inu ẹghẹ ne a ghi sẹtin ka nẹ.

Ezikiẹl 42:14

Avbe ohẹn gha rre uwu Ọgua Osa nẹ, iran na wẹ iran ra ladian, ẹkpotọ ne ọ rre ore, iran ghi bannọ avbe ukpọn nihuanrẹn ne iran yọe vbe iran ga e Nọyaẹnmwa yotọ vbe evba. Iran ghi viọ ukpọn ọvbehe yọ vbe iran a gha rrie ehe ne avbe emwa nii si koko yi.”

Habakọk 3:18

Te I gha ye gha sẹ ọyẹnmwẹ rhunmwuda Nọyaẹnmwa Osanobua, ọrọre ọmiọnmwafan mwẹ.

Zẹkaraia 10:7

Ivbi Izrẹl gha wegbe zẹ vbe ivbiyokuo. Ẹko, ghi gha rhiẹnrhiẹn iran zẹ vbe emwa ni wa gha da ayọn. Ivbi uniẹn iran gha ye akhọnmiotọ na rre, iran ghi gha ghọghọ rhunmwuda emwi ne Nọyaẹnmwa ru.

Zẹkaraia 3:5

Rẹn keghi tama avbe ọkpọmwa rẹn wẹ ne iran ye ukpọn ne ọ huanrẹn gbalọ e Jọsua uhunmwu. Iran keghi ru ẹe vberriọ, iran keghi vbe sirra odibosa e Nọyaẹnmwa nii viọ ukpọn ọgbọn nii yọ e Jọsua.

Iyẹn ne ọ Maan Ọghe Luk 15:22

Sokpan erha ẹe keghi datie avbe eguọmwadia ẹre, ọ keghi tama iran wẹẹ, ‘Wa zẹgiẹ viọ avbe ẹwu ne ọ maa sẹ rre ne a viọ ye ọe, wa rhie oroka ye ẹre obọ, wa viọ ibata ye ẹre owẹ.

Ebe ne Pọl gbẹẹn gie emwa Rom 13:14

Sokpan wa viọ emwi igbinna ọghe Nọyaẹnmwa Jesu Kristi mwẹ obọ, wa ghẹ gie ẹmwẹ egbe orukhọ uwa mu uwa, vbe ekpa ne uwa na rhie emwi ne ọ ho nẹẹn ne ẹko vuọẹn.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Ebe ne Pọl gbẹẹn gie emwa Rom 3:22

A ya Jesu yi, ọre Osanobua rhunmwuda ẹre ya ọmwa khian ọmwata. Emwa hia ni ya Jesu yi, ọre Osanobua ru vberriọ rhunmwuda alughaẹn ne egbe i rrọọ hiehie re.

Ebe ne Pọl gbẹẹn gie emwa Rom 5:11

Sokpan ẹ i re erriọ ọ sẹe, te ima ghi sẹ ọyẹnmwẹ vbe uwu Osanobua vbe ekpa Nọyaẹnmwa Jesu Kristi ne ọ ya ima khian ọse Osanobua.

Galatia 3:27

Rhunmwuda, te a sa amẹ ne uwa ye uwu a kugbe be Kristi, rhunmwuda ọnii, te uwa ghi vbe mu akpa emwi ne ọ maa hia ọghe Kristi yọ.

Filipai 3:9

Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.

Filipai 4:4

Wa gha ghọghọ vbe uwu Nọyaẹnmwa, I vbe dọlọ ta ẹe, wa gha ghọghọ.

I Pita 1:8

Egbe ne uwa ma rhe ya miẹn ọre aro, wa ye ho ẹmwẹ ọnrẹn, egbe ne uwa ma he rhie ye miẹn ọẹn nian, wa ye ya ẹe yi, wa keghi ya ọyẹnmwẹ nọkhua, ọ ghe uyi ne ẹ i gia gie, sẹ ọyẹnmwẹ.

Arhie Maan 21:2

I keghi bẹghe Ẹvbo Ne Ọ Huanrẹn nii, Jerusalẹm ne ọgbọn, ọ tuorre ke ehe ne Osanobua ye vbe ẹrinmwi dee, a wa mu ẹre egbe ye otọ zẹ vbe ọha ne a rhie gie ọdọ ẹre.

Arhie Maan 21:9

Ọkpa vbe uwu iran ne odibosa ihinrọn ni viọ ọkpan ni vuọn ne egboghogbogho ihinrọn ne okiekie, keghi bu mwẹ gha dee, ọ wẹẹ, “Larre ne I do ma ruẹn Ovbiọha, ne ọre amwẹ Oteghe Ohuan nii.”

Arhie Maan 4:4

A keghi yọyọ ẹkete enẹyanugie ọvbehe lẹga ẹkete nii, ediọn enẹyanugie keghi tota yan iran, a keghi yọ iran ogbọnmwọkpa, iran keghi vbe mu ẹde igoru rhuẹ.

I Samuẹl 2:1

E Hanna keghi na erhunmwu wẹẹ: “E Nọyaẹnmwa ya oghọghọ vuọn ekhọe mwẹ nẹ, ọyẹnmwẹ sẹ mwẹ ye emwi ne ọ ru! I giẹ iran ne eghian mwẹ nian, ọyẹnmwẹ sẹ mwẹ rhunmwuda, Osanobua yọmwẹ obọ nẹ.