Aizaia 60:8 - Edo Bible (E Baibol Ẹdo) Version 1996

⁸ De okọ ne ena khin ni bi dee vbe uhimwẹ amẹ yi? Zẹvbe avbe idu ni werriegbe die owa?

Aizaia 60:8 ပူးပေါင်းရင်းမြစ်များ

Aizaia 45:22

“Wa bu mwẹ gha dee nian ne uwa miẹn ehe na fe wa ne emwa hia ni rre agbọn! Mẹ ọkpa ọrọre Osanobua ne ọ rrọọ.

Aizaia 49:21

Ẹghẹ nii, wẹ ghi tama egbe ruẹ wẹẹ, ‘Gha ọ biẹlẹ avbe emọ na hia mẹ yi? Ivbi mwẹ hia wulo, I ma ghi sẹtin biẹ ọvbehe. A khu mwẹ fua, a na rhie mwẹ la iwe gha ọ koko avbe emọ na hia? Mẹ ọkpa ọ re ọ kere de ehe ne avbe emọ na hia ghi ke rre?’ ”

Aizaia 60:4

Tọn aro mu ne u ghe emwi ne ọ sunu. Emwa ruẹn gha si egbe koko ne iran gha die owa. Avbe ivbuẹ nikpia gha ke otọe urria rre, a gha mu avbe ivbuẹ nikhuo zẹ vbe emọ obọ.

Hozia 11:11

Iran gha ke Igipt gha dee, zẹ vbene ahianmwẹ tin, kevbe ke Asiria gha dee zẹ vbe idu. I gha dọlegbe viọ iran gha die owa iran. Mẹ ne Nọyaẹnmwa taa ẹe nẹ.”

Iyẹn ne ọ Maan Ọghe Luk 13:29

Emwa gha ke odẹ ahọ kevbe orrie, odẹ okuọ kevbe ekẹn rre, iran ghi tota gha rri evbare vbe Arriọba Osanobua.

Hibru 12:1

Zẹ vbe ọ ghe ima, ma mwẹ osẹe ọkhọngborrie ni lẹga mwa, rhunmwuda ọnii wa gie ima bannọ idobo hia kua, kevbe orukhọ ne ọ rhikhan obọ mu ọmwa, wa gie ima mu aro ye ẹmwẹ ulẹ ne ọ rre ima otọ.

Arhie Maan 7:9

Vbe iyeke ọna, I ghi tọn aro mu, I keghi ya bẹghe agbọn ẹvbo ne ọmwa rhọkpa i sẹtin ka. Iran keghi ke agbọn ẹvbo ẹwae, uniẹn emwa kevbe ẹvbo ne a zẹ rre, iran mudia ye odaro ẹkete, iran keghi ya ogbọnmwọkpa haan, iran keghi viọ ewanmwẹ mwẹ obọ.