Aizaia 60:7 - Edo Bible (E Baibol Ẹdo) Version 1996

⁷ Avbe ohuan e Keda kevbe Neboiọt hia. a gha viọ iran bu ruẹ rre zẹ vbe emwi izọ ese a gha ya iran zọ ese vbe Ogiukpo ghe Nọyaẹnmwa. E Nọyaẹnmwa ghi do ya Ọgua Osa ẹre khian ne ọ mwẹ uyi sẹẹ vbene ọ ka ye ẹdẹ.

Aizaia 60:7 ပူးပေါင်းရင်းမြစ်များ

Gẹnẹsis 25:13

Eni ivbi Ismẹl ọre ena khin zẹ vbene a ya biẹlẹ iran lele egbe. Ovbi Ismẹl nọdiọn kegha re Nabaiọt vbe iyeke ọnii Keda, Adbil, Mibsam, e Misma, Duma, Masa,

Job 42:8

Banbanna nian, mu ẹmila ihinrọn kevbe ogho ihinrọn giẹ Job, ne uwe ẹre ya ẹe zọ ese ne egbe uwa. E Job gha na erhunmwu ne uwa, I gha vbe họn urhu ẹre, I i ghi ra vbe ru uwa vbene ọ te ma uwa. Wa ma ta ẹmwẹ ẹmwata vbe ekpa mwẹ zẹ vbene irẹn ru.”

Psalm 120:5

A gha gu uwa yin te ọ yevbe ne ọmwa rre Mẹsiẹk ra ne a rre uwu ẹbu avbe ivbi e Keda.

Ihuan Ne Ọ Sọọ Ihuan Hia 1:5

Wa ne ikhuo Jerusalẹm te I siere sokpan, I wa mose, I sie rua vbe owa e Keda ni rre ato sokpan I mose vbe ukpọn ne a ya te ẹguae Solomọn.

Aizaia 19:19

Ọ gha sẹ ẹghẹ ne a kha na, a gha bọ Ogiukpo ne Nọyaẹnmwa vbe otọe Igipt, a ghi vbe ya orre okuta fi ohan ne ẹẹn vbe ehe ne uwu Igipt lae.

Aizaia 19:21

E Nọyaẹnmwa gha rhie egbe ẹre ma ivbi Igipt, ẹghẹ nii, iran gha vbe miẹn irẹn kue, iran ghi vbe gha ga ẹe, iran ghi vbe gha viọ ese ne a zọ kevbe emwiokọ gie ẹe. Iran gha ye ẹkoata ve ẹre emwi, iran ghi vbe ru vbene iran ve.

Aizaia 21:16

Ẹre Nọyaẹnmwa na tama mwẹ wẹẹ, “Ọ gha wa rre ukpo okpa zẹẹ ukpọlọmwẹ ọghe ẹwae e Keda gha sẹ ufomwẹ!

Aizaia 42:11

Wa gie oha kevbe avbe okpẹvbo ni rrọọ rho Osanobua; wa gie emwa Keda rho ẹre! Wa gie iran ni rre ẹvbo e Sẹla kevbe avbe uhunmwu oke go ugomwẹ oghọghọ!

Aizaia 56:7

“I gha viọ uwa gha die Zaiọn, ne oke mwẹ nọhuanrẹn, I ghi rhie oghọghọ ne uwa vbe owa erhunmwu mwẹ, I ghi vbe rhan obọ miẹn ese ne uwa zọ vbe Ogiukpo mwẹ. A gha tie Ọgua Osa mwẹ owa erhunmwu ọghe emwa uhunmwu ẹvbo hia.”

Aizaia 60:13

“Erhan agba, umẹ kevbe uvbiakhẹ erhan ne ọ ghi maa sẹ vbe ẹgbo e Lebanọn a gha viọ iran do ya dọlọ e Jerusalẹm ruẹn bọ. Ne a do ya ẹe ya Ọgua Osa mwẹ mose. Ne a do ya ẹvbo mwẹ gha mwẹ uyi.

Ezikiẹl 20:40

Wa ne ivbi Izrẹl hia gha ya ga mwẹ vbe evba, vbe otọe nii, vbe uhunmwu oke mwẹ nọhuanrẹn, oke nọhuanrẹn ọghe Izrẹl. Ẹko mwẹ gha rhiẹnrhiẹn ghe uwa, I gha vbe rhie aro yọ wẹ wa gha viọ emwi izọese uwa gunmwẹ, emwi izọhẹ uwa ni maa sẹẹ, kevbe emwi imuohan uwa nihuanrẹn.

Ezikiẹl 27:21

Ivbi Arebia kevbe iran ni khaemwisẹ yan Keda kevbe ya ivbi ohuan, iye ohuan kevbe ẹwe ha osa.

Maika 4:1

Ẹdẹ dee ne a gha miẹn wẹ oke nii ne a bọ Ọgua Osa yi ọ re ọ ra yo sẹ ehia fẹẹrẹ, ọ ghi gha ghee ni dekẹe adesẹ uhunmwu. Agbọn ẹvbo nibun gha rre, iran ghi gha vẹ bu ẹre rre.

Zẹfanaia 3:10

Emwa mwẹ gha ke Sudan ne gban an, ehe ne a zagha iran kui, gha viọ emwi ọhẹ gun mwẹ.

Zẹkaraia 2:8

Ọmwaikọmwa ne ọ fi uwa emwi, emwi ne ọre eghẹnghẹn mẹ, ọre ọ fi ẹre emwi.” Rhunmwuda ọnii, e Nọyaẹnmwa ne Oghodua keghi gie mwẹ uhunmwu na bu avbe uhunmwu ẹvbo ni fu emwa rẹn emwi viọ gha rrie wẹẹ,

Ebe ne Pọl gbẹẹn gie emwa Rom 12:1

Rhunmwuda ọnii etẹn mwẹ, I la ekpa itohan nọkhua ọghe Osanobua ghe emwa rinmwian uwa ne uwa ya egbe uwa fi ohan ne Osanobua zẹ vbe emwi izọ ese ne ọ ye rre agbọn, ne ọ mu aro ye ẹmwẹ iwinna ẹnrẹn, kevbe ne ọ vbe yẹ ọre. Ọnọna ọrọre ugamwẹ ẹmwata ne uwa gha rhie nẹẹn.

Ebe ne Pọl gbẹẹn gie emwa Rom 15:16

Ọnii nọ wẹ ne I gha re ọguọmwadia Jesu Kristi ne ọ gha winna ne iran ne ẹ i re Ju. Mẹ ghi gha kpe orhu Iyẹn Ne ọ maa Osanobua zẹ vbe ohẹn, ne iran ne ẹ i re Ju sẹtin do gha re emwi izọ ese ne ọ gie Osanobua rhan obọ miẹn, kevbe ne Orhiọn Ne Ọ Huanrẹn ya fi ohan nẹẹn.

Hibru 13:10

Avbe ohẹn ni ga vbe uwu Ọgua ukpọn ọghe avbe Ju, i mwẹ asẹ ne iran gha ya re vbe emwi ne a ya zọ ese vbe aka ọghomwa.