Aizaia 60:6 - Edo Bible (E Baibol Ẹdo) Version 1996

⁶ Usun lọghọọ ọghe aranmwẹ kamẹl gha la ato gberra, ke Midian kevbe Efa gha dee. Iran ke Siẹba rre, iran kevbe igoru kevbe eturari. Emwa gha na iyẹn iwinna esi ne Nọyaẹnmwa winna ẹn.

Aizaia 60:6 ပူးပေါင်းရင်းမြစ်များ

Gẹnẹsis 10:7

Ivbie Kus kegha re Sẹba, Havila, Sabta, Raama kevbe Sabtẹka. Ivbie Raama kegha re ivbi e Sẹba kevbe Dedan.

Gẹnẹsis 25:13

Eni ivbi Ismẹl ọre ena khin zẹ vbene a ya biẹlẹ iran lele egbe. Ovbi Ismẹl nọdiọn kegha re Nabaiọt vbe iyeke ọnii Keda, Adbil, Mibsam, e Misma, Duma, Masa,

I Ọba 10:2

Ọ keghi rre ke irẹn kevbe eguọmwadia ni bun, deba avbe ekẹtẹkẹtẹ ne a kun emwi ni winhin yan, kevbe igoru ọrhẹnrhẹn. Iran ghi vba egbe, okhuo nii keghi nọ rẹn ọta ni bun ni lọghọ ne ọ ghi ye rre hia.

II Ọba 8:9

Ẹre Hazaẹl na kun emwi nii ghi maa sẹ vbe Damaskọs yan ekẹtẹkẹtẹ, ọ na bu Elaisia gha khian. E Hazaẹl ghi sẹ ehe ne ọ ye, ọ tama rẹn wẹẹ, “Ọguọmwadia ruẹ ighẹ Benhadad ọ re ọ gie mwẹ ne I do nọ ruẹn a deghẹ rẹn gha fe ra rẹn i ra fe vbe emianmwẹ ne irẹn khuọnmwi.”

I Krọnikol 1:33

E Midian kegha mwẹ emọ ikpia isẹn, ena kegha re, Efa, Efẹ, Hanọk, Abida kevbe Elda.

II Krọnikol 9:1

Otiti e Solomọn keghi do gha sẹ ehe ne Ọba Nokhuo e Siẹba ye, rẹn kegha rrie Jerusalẹm ne ọ ya mu ibo ne ẹẹn san. Ọ keghi viọ eguọmwadia ni bun ba egbe gha dee, ke ẹe kevbe ekẹtẹkẹtẹ ni bun ne a ya kun emwi ni winhin, ikpẹrọnmwọ kevbe igoru ọrhẹnrhẹn. Rẹn vbe Solomọn ghi miẹn egbe, ọ kevbe nọ rẹn ọta hia ni ghi rre ọre ekhọe.

Psalm 67:4

Gie agbọn ẹvbo hia gha ghọghọ, ne iran vbe gha so ihuan ọyẹnmwẹ rhunmwuda, wẹ ya ẹmwata bu ohiẹn emwa hia, u keghi vbe dia uhunmwu ẹvbo hia, ni rre agbọn na ye odẹ.

Psalm 72:10

Avbe ọba e Spen kevbe iran ni rre otọ ne amẹ lẹga gha zẹ ẹfe gie ẹe. avbe ọba avbe Arrebia kevbe Etiopia gha viọ imuohan gie ẹe.

Psalm 72:15

Ọba gha tọ ọ kpẹre! Te a gha ke Arebia viọ igoru gie ẹe. Ne a gha na erhunmwu nibun ne ẹẹn vbe ẹghẹ hia. Te afiangbe Osanobua gha rre ọ re uhunmwu vbe ẹghẹ hia!

Aizaia 30:6

Ọna ọre uhunmwu ne Osanobua gie vbekpa avbe aranmwẹ ni rre ato odẹ ekẹn: “Avbe ukọ nii khian la ẹvbo dan ne avbe oduma ye kevbe avbe ẹyẹn ni mwẹ obi dan kevbe avbe Ugbogiorinmwi ni tin. Iran keghi kun emwiokọ ighobioye vuọn ekẹtẹkẹtẹ kevbe kamẹl iran ne a viọ gie uhunmwu ẹvbo ne ẹ i mwẹ iyobọ ne ọ gha sẹtin ru.

Aizaia 42:10

Wa so ihuan ọgbọn ghe Nọyaẹnmwa wa so ihuan urhomwẹ ọnrẹn, wa ne otọ agbọn hia. Wa rho ẹre, wa ni gua khian vbe okun wa rho ẹre, wa ne emwi ni rre amẹ, wa so ihuan, wa ne otọe urria kevbe emwa ni rrọọ hia.

Aizaia 45:14

E Nọyaẹnmwa kha ma Izrẹl wẹẹ, “Ẹfe Igipt kevbe Sudan gha khian ọwuẹ emwa ni taẹn ni rre Siẹba gha khian eviẹn ruẹn; iran gha lele uẹ vbe a ye eghan gbalọ iran, iran gha ghughẹrre nuẹn iran ghi miẹnkue wẹẹ, ‘Osanobua deba ruẹ rẹn ọkpa kẹkan ọrọre Osanobua.

Aizaia 60:9

Avbe okọ ni ke otọ urria dee nọ. Te iran viọ emwa Osanobua die owa. Iran viọ esiliva kevbe igoru mwẹ obọ dee ne iran do ya ya ọghọ ne eni e Nọyaẹnmwa Osanobua nọhuanrẹn ọghe Izrẹl. Ne ọ ye avbe uhunmwu ẹvbo hia gha ya ọghọ ne emwa irẹn.

Aizaia 61:6

A ghi gha tie uwa ohẹn ọghe Nọyaẹnmwa, eguọmwadia Osanobua mwa, wa ghi miẹn ẹfe avbe uhunmwu ẹvbo ya gha ru, wa ghi vbe gha yae hio ighẹ ọghe uwa nọ.

Jerimaia 6:20

De emwi ne iran wẹ I ya eturari ne iran viọ ke Siẹba rre ru yi ra avbe emwi ne ọ winhin ne iran viọ ke urria rre? Mẹ i ra rhan obọ miẹn emwi ihaoko iran ra ne izọ ese iran gha yẹ mwẹ.

Ezikiẹl 27:22

Avbe obaghẹn ne ivbi Sieba kevbe Rama ya ikpẹrọnmwọ, igoru kevbe oziza ne ọ maa sẹẹ guẹ do ẹki.

Zẹfanaia 3:10

Emwa mwẹ gha ke Sudan ne gban an, ehe ne a zagha iran kui, gha viọ emwi ọhẹ gun mwẹ.

Zẹkaraia 14:16

Ẹghẹ nii, avbe emwa ni ghi miẹn uhunmwu vbe ẹvbo nii hia ni gu e Jerusalẹm khọn, ghi gha yo evba ukpukpo ne iran ya gha ga e Nọyaẹnmwa ne Oghodua zẹ vbe ọba kevbe ne iran ya ru emwiukpo Igbagọ.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Matiu 2:11

Ugbẹn vbe iran ghi la owa, iran keghi miẹn nene ọmọ kẹe kevbe Meri ne iye ẹe. Iran keghi diguẹ ya emwi nẹẹn, igoru, eturari kevbe oziya.

Ebe ne Pọl gbẹẹn gie emwa Rom 15:9

Ke ne iran ne ẹ i re Ju miẹn ehe na gha rho Osanobua rhunmwuda itohan rẹn. zẹ vbene ebe khare: “Rhunmwuda ọnii, mẹ gha kpọnmwẹ ọn vbe uwu ẹbu avbe iran ne ẹ i re Ju I gha so ihuan urhomwẹ ghe eni ruẹn.”

Diuteronomi 32:43

“Wa ne avbe uhunmwu ẹvbo, wa gha go wan emwa e Nọyaẹnmwa, ọ rri iran ni gbele iran an oya, ọ rria avbe eghian rẹn ikhi. Ọ keghi viọ iran ni rri abe hin otọe emwa rẹn rre.”

Filipai 2:17

Ogha kẹe, te a ra gbe esagiẹn arrọọ mwẹ ye otọ zẹ vbe emwi imuohan ye ese ne iyayi uwa zọ ghe Osanobua. Ọ gha yerriọ I gha ghọghọ, I gha vbe ghae ne uwa hia vbe oghọghọ mwẹ na.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

Giọgis 6:5

Iran ghi viọ ẹmila iran kevbe owa ukpọn iran ni bun vbe irhiso gha dee. A i sẹtin ka iran kevbe ogologo iran vbene iran ghi bun sẹ. Iran kegha rhia otọe nii uan.

Giọgis 7:12

Ivbi e Midian, Amẹlẹk kevbe iran ne ẹwae ni rre uwu ato keghi wa gba iya nii zẹ vbe irhiso, iran keghi vbe mwẹ ekẹtẹkẹtẹ ni bun zẹ vbe ekhae ni rre ọkpẹn okun.