Aizaia 60:5 - Edo Bible (E Baibol Ẹdo) Version 1996

⁵ Wẹ gha miẹn ọna, u ghi vuọn ne oghọghọ ọ gha bọbọ ọ egbe sẹrriọ wẹ, u ghi gha guọ kpẹkpẹkpẹ. A gha viọ ẹfe avbe uhunmwu ẹvbo bu ruẹ gha dee. Ẹfe iran gha ke iyeke okun bu ruẹ gha dee.

Aizaia 60:5 ပူးပေါင်းရင်းမြစ်များ

Psalm 119:32

Mẹ gha ya isasegbe mu uhi ruẹ sẹ, rhunmwuda, u gha rhie irẹnmwi mẹ sayọ.

Psalm 34:5

Iran ne a zẹ kpokpo ye aro kọe, iran keghi ghọghọ ua, ekhue i ra vbe mu iran ẹdẹdẹmwẹdẹ.

Aizaia 23:18

A ghi ya igho ne ọ miẹn vbe ẹki fi ohan ne Nọyaẹnmwa. Ẹ i ra vbe viọ ẹre hin rre, sokpan, avbe emwa ni ga e Nọyaẹnmwa gha ya igho nii dẹlẹ evbare kevbe ukpọn ne iran gha lo.

Aizaia 54:2

Gie owa ukpọn ne u ye kpọlọ sẹ ayọ, fian te avbe irri ẹre, vbe kan avbe ukeke ẹre ẹse.

Aizaia 60:11

A gha kie urho ruẹ yotọ asọn kevbe avan ne avbe ọba avbe uhunmwu ẹvbo. Sẹtin gha viọ ẹfe iran guẹ.

Aizaia 61:6

A ghi gha tie uwa ohẹn ọghe Nọyaẹnmwa, eguọmwadia Osanobua mwa, wa ghi miẹn ẹfe avbe uhunmwu ẹvbo ya gha ru, wa ghi vbe gha yae hio ighẹ ọghe uwa nọ.

Aizaia 66:12

E Nọyaẹnmwa khare wẹẹ, “I gha gie uwa etẹbitẹ sẹ uwa obọ. Emwi umamwẹ agbọn ọghe avbe uhunmwu ẹvbo, gha lẹ bu ruẹ rre zẹ vbe ẹzẹ ne ẹ i ka. Wa gha yevbe ọmọ ne iyẹe koko, ne ọ mu mwẹ obọ, ne ọ na vbe ya obọ ahoẹmwọmwa mu ẹẹn.

Jerimaia 33:9

E Jerusalẹm ghi do gha re ne ọ ya ọyẹnmwẹ sẹ mwẹ, ne ọ mwẹ uyi, kevbe ne ọ ghan, ohan gha mu avbe uhunmwu ẹvbo hia ni rre agbọn na iran ghi vbe gha guọ vbe iran a họn emwi ni maa ne I ru ne Jerusalẹm, kevbe ọmaa ne agbọn ne I viọ la ẹvbo nii.”

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Matiu 25:16

Ọguọmwadia ne a mu enaira arriaisẹn isẹn na keghi wa giẹgiẹ ya ye ọghọe do ẹki, ọ kevbe miẹn enaira arriaisẹn isẹn vbe ere.

Iwinna 10:45

Unu keghi wa yan avbe Ju ne ivbi iyayi ni ke Jopa gha dee wẹ Osanobua vbe tue ọhẹ Orhiọn Ne Ọ Huanrẹn yan avbe iran ne ẹ i re Ju.

Iwinna 11:17

Aro da ẹe wẹ te Osanobua vbe rhie ne iran ne ẹ i re Ju na, egbe ọhẹ ne ọ rhie ne ima vbe ẹghẹ ne ima na ya Nọyaẹnmwa Jesu Kristi yi, gha ọre imẹ khekherriọ ne I gha na da Osanobua obọ yi.”

Iwinna 24:17

“Ọ ghi rre omwa ukpo eso ne I ghi kpa vbe Jerusalẹm rre, I keghi vbe dọlegbe gha khian ne I rhie igho eso gie emwa mwẹ, kevbe ne I vbe ya zọ ese.

Ebe ne Pọl gbẹẹn gie emwa Rom 11:25

Ẹmwata ọkpa rrọọ. oro wa nọ, sokpan i ho ne uwa rẹn ọnrẹn etẹn mwẹ, ọnii gha kie uwa ukpẹ ne uwa na ro ighẹ uwa wan gbe. Ọre ọnii khin wẹẹ, Izevbudu ivbi Izrẹl, ẹ i re emwi etẹbitẹ, sokpan, ọ gha ye gha khian rhinrin emwa ne ẹ i re Ju ne ogha bu Osanobua rre to do gba.

Ebe ne Pọl gbẹẹn gie emwa Rom 15:26

Rhunmwuda, avbe esọsi ni rre Masidonia kevbe Gris ya ẹkoata zẹ emwi obọ ne iran ya ye ivbi ogue ni rre uwu emwa Osanobua ni rre Jerusalẹm obọ.

II Kọrinti 10:15

Rhunmwuda ọnii, ma i ye iwinna ne emwa ọvbehe winnaẹn gberra okhuo ne Osanobua fian ne ima rhuọ, sokpan idaehọ mwa nọ wẹ ne iyayi uwa gha wan yọ, ne ima sẹtin miotọ na winna iwinna ni sẹ enena vbe uwu ẹbu uwa, vbe uwu ehe ne Osanobua mwa rẹn ne ima sẹ.

Diuteronomi 33:19

Iran tie okpẹvbo ni bun gha die oke iran, iran keghi zọ ese ne ọ kere vbe evba, rhunmwuda okun iran ke viọ ẹfe iran rre, kevbe ke ekhae ni rre ọkpẹn okun rre.”

Arhie Maan 21:24

Uwanmwẹ ọnrẹn ọre emwa ni rre agbọn gha ya bẹghe odẹ, ne iran la khian, avbe ọba agbọn ghi kun ẹfe iran gha die uwu ẹre.

Arhie Maan 21:26

A gha viọ ukpọlọmwẹ kevbe ẹfe ẹvbo hia gha die ẹvbo nii.

I Samuẹl 2:1

E Hanna keghi na erhunmwu wẹẹ: “E Nọyaẹnmwa ya oghọghọ vuọn ekhọe mwẹ nẹ, ọyẹnmwẹ sẹ mwẹ ye emwi ne ọ ru! I giẹ iran ne eghian mwẹ nian, ọyẹnmwẹ sẹ mwẹ rhunmwuda, Osanobua yọmwẹ obọ nẹ.