Aizaia 60:17 - Edo Bible (E Baibol Ẹdo) Version 1996

¹⁷ “I gha viọ igoru guẹ ye ihe oze esiliva kevbe oze, ye ihe ematọn vbe erhan kevbe ematọn ye ihe okuta. Iran ni khaemwisẹ yan ruẹn i ghi ra wọ ruẹ uhunmwu ọvbehe, I gha ru ẹe ne iran ya ẹmwata kevbe ọfumwegbe gha khaemwisẹ.

Aizaia 60:17 ပူးပေါင်းရင်းမြစ်များ

I Ọba 6:30

Ya sẹ egbe otọ owa tobọ ọ re, igoru ọre a ya rhu ẹe.

Psalm 147:14

Ọ ruẹe ne ẹbe fo la ehe ne otọe uwa lae, ọ keghi vbe ye ọka ne ọ maa sẹẹ vuọn uwa ẹko.

Psalm 72:3

Te otọe nii gha miẹn ọmaa rhie vbene iran gha na gha mwẹ ẹfe te iran gha vbe mwẹ oghae ẹmwata.

Aizaia 1:26

I gha viọ iran ni khaemwisẹ kevbe iran ni gu ọmwa zẹ iro ne uwa, vbene uwa te ka mwẹ ọnrẹn ẹghẹ nẹdẹ. Ẹghẹ nii, a ghi do gha tie Jerusalẹm, ẹvbo ne uyinmwẹ ọnrẹn gbae ke ne ọ ru emwi ẹmwata.”

Aizaia 30:26

Uki ghi gha baa vbe owẹn, owẹn ghi rhie ukhukhu ihinrọn ba egbe vbene ọ ya yunmwu de yi, vbene a miẹn wẹ ne ọ gha te yunmwu vbe ikpẹdẹ ihinrọn ọ re ọ ghi wa rhie ye ikpẹdẹ okpa kẹkan. Ọna gha sunu, vbe ẹghẹ ne Nọyaẹnmwa gha na gbalọ, ọ ghi kpee rrie ighe ẹwẹn ne ọ te fian emwa rẹn re.

Aizaia 55:13

Avbe uvbiakhẹ gha wan vbe ehe ne ogigban te ye na. Ewae gha wan rhie ihe igban. Ena ghi gha re ama ni gha rrọọ ẹdẹdẹmwẹdẹ iyagbaye ọghe iwinna ne imẹ ne Nọyaẹnmwa winnaẹn.”

Aizaia 60:16

Avbe uhunmwu ẹvbo kevbe avbe ọba, ọ re ọ ra gha gbe aro ghe ruẹ. Zẹ vbene iyọmọ koko ovbi ẹre. Wẹ gha rẹn wẹ mẹ ne Nọyaẹnmwa ọ re ọ miẹn ruẹn fan, wẹ Osanobua ne ọ mwẹ ẹtin ọghe Izrẹl ọ re ọ fan an fua.

Aizaia 60:18

A i ghi họn ẹmwẹ ọkhọ vbọ ọvbehe, ọfuan i ghi ra dọlegbe rhia ẹvbo ruẹ ua I gha degue ruẹ I ghi vbe gbinna nuẹn zẹ vbe ekẹn ne a gbe lẹga ẹvbo. Wẹ gha rho mwẹ rhunmwuda, I miẹn ruẹn fan nẹ.

Daniẹl 11:20

“Ọba ọvbehe gha vbe re lele ẹe, ne ọ gha vbe gie ọkaokuo ne ọ ya gha wọ emwa nii uhunmwu vbekpa igho uhunmwu ne a zẹ ne ọ miẹn ehe na viọ vuọn ẹfe ne ọ rre otọe arriọba ẹre. Sokpan, a gha gbe ọba nii vbe ọ ma he kpẹe, ẹ i ra gha re ne agbọn wa rẹn, ẹ i re vbe gha re vbe okuo.”

Hagai 2:8

Esiliva kevbe igoru ni rre agbọn na hia, ọghomwẹ nọ.

Zẹkaraia 12:8

Ọ gha sẹ ẹghẹ nii, e Nọyaẹnmwa gha degue emwa ni rre Jerusalẹm sẹrriọ we ọmwa ne ọ ghi vburriẹ sẹẹ vbọ gha wegbe vba vbene Devid gha ye. Ivbi uniẹn Devid gha su iran zẹ vbe odibo Nọyaẹnmwa zẹ vbe Osanobua tobọ ẹre.

Hibru 11:40

Rhunmwuda, Osanobua ru emwamwa nọ maa sẹẹ ọnii ye otọ khẹ ima nẹ. Iro ọghọe nọ wẹ, ẹghẹ mwa ọkpa ọre iran gha na do dunna fo.

II Pita 3:13

Sokpan Osanobua ta ẹe nẹ wẹ agbọn ọgbọn kevbe ẹrinmwi ọgbọn gha rre, ehe ne ọ gha gua ẹmwata egbe ro, ena ọre ima mudia khẹ.