Aizaia 60:16 - Edo Bible (E Baibol Ẹdo) Version 1996

¹⁶ Avbe uhunmwu ẹvbo kevbe avbe ọba, ọ re ọ ra gha gbe aro ghe ruẹ. Zẹ vbene iyọmọ koko ovbi ẹre. Wẹ gha rẹn wẹ mẹ ne Nọyaẹnmwa ọ re ọ miẹn ruẹn fan, wẹ Osanobua ne ọ mwẹ ẹtin ọghe Izrẹl ọ re ọ fan an fua.

Aizaia 60:16 ပူးပေါင်းရင်းမြစ်များ

Ẹksọdọs 6:7

I gha ya uwa ru emwa mwẹ, mẹ ghi gha re Osanobua uwa. Wa gha vbe rẹn ighẹ mẹ ọre Nọyaẹnmwa ne Osanobua rua vbe I gha fannọ uwa ye otọ hin ọviẹn ọmwa rre vbe Igipt.

Aizaia 1:24

Rhunmwuda ọnii nian, danmwehọ vbene ọ kha hẹ ighe e Nọyaẹnmwa ne Oghodua, Osanobua ne ọ mwẹ ẹtin ọghe Izrẹl: “I gha rria uwa ikhi, wa ne eghian mwẹ, wa i ghi ra gha kpokpo mwẹ ọvbehe.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 19:20

Ena ghi gha re ama ne a ya rhie ma wẹ e Nọyaẹnmwa ne Oghodua rre otọ Igipt. A gha miẹn wẹ, a wọ emwa ni rre evba uhunmwu, iran na kpetie e Nọyaẹnmwa wẹ ne ọ yi iran obọ, ọ ghi gie orhiọnkpa ne ọ ya miẹn iran fan.

Aizaia 25:9

Ọna ghẹ ghi sunu, emwa hia ghi kha wẹẹ, “Rẹn ọrọre Osanobua mwa. Ma mu ẹtin mwa yan rẹn, ọ keghi vbe miẹn mwa fan. rẹn ọrọre Nọyaẹnmwa! Ma mu ẹtin mwa yan rẹn, banbanna nian, ma gha ghọghọ, ọyẹnmwẹ sẹ mwa, rhunmwuda ọ miẹn mwa fan.”

Aizaia 29:24

Avbe iran ni kọẹn gha ruẹ vbene iran gha ya gha rẹn otọ ẹmwẹ hẹ. Iran ni wa gui ẹzọ uwunu vbe ẹghẹ hia gha vbe ghọghọ adeghẹ iran miẹn ọmwa ne ọ ma iran emwi.”

Aizaia 33:22

Ugbalọmwẹ ne a gbalọ okọ nii, i mwẹ asa, ukpọn ne ẹhoho ya sua ẹre khian i gia tan. Ma gha viọ emwi ne avbe ivbiyokuo eghian mwa mwẹ, iran gha bun sẹ vberriọ wẹ uhin ghẹ te obọ avbe arọ gha vbe vba vbọ. E Nọyaẹnmwa tobọ ẹre ọ re ọ ra gha re ọba mwa. Rẹn ọ re ọ ra gha khaemwisẹ yan mwa, ọ ghi vbe gha degue mwa.

Aizaia 43:11

“Mẹ ọkpa kẹkan ọrọre Nọyaẹnmwa, ọmwa ọkpa kẹkan ne ọ gha sẹtin miẹn ruẹn fan.

Aizaia 45:15

Osanobua Izrẹl ne ọ miẹn emwa rẹn fan, Osanobua ne ọ rhiegbe lẹre nọ.

Aizaia 45:21

Wa larre, wa do ta ne unu uwa vbe iko, wa tama iran ne a gu ẹzọ ne iran mu iro vba egbe. Gha ọ ta emwi ne ọ gha he kue sunu yotọ ke ẹkpo nii gha dee? Ẹre mẹ ne Nọyaẹnmwa nọ, mẹ ne Osanobua ne ọ miẹn emwa rẹn fan? Osa ọvbehe i rrọọ.

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Aizaia 49:26

I gha ru ẹe ne iran ni wọ ruẹ uhunmwu gha gbele egbe; ayọn izigha kevbe okuosu ghi gha gbe iran iran an. Ẹghẹ nii, emwa ne agbọn hia gha rẹn wẹ, mẹ ọrọre Nọyaẹnmwa ọmwa ne ọ miẹn ruẹn fan, ọ na fan an fua. Iran gha rẹn wẹ mẹ ọrọre Osanobua ne ọ mwẹ ẹtin ọghe Izrẹl.”

Aizaia 52:6

Vbe ẹdẹ ne ọ dee, wa gha miẹnkue wẹ mẹ ọrọre Osanobua, kevbe wẹẹ, I gu uwa guaan nẹ.”

Aizaia 59:20

E Nọyaẹnmwa tama emwa irẹn wẹẹ, “I gha rrie Jerusalẹm ne I do gbinna ne uwa, kevbe ne I do miẹn uwa hia ni zobọ vbe orukhọ uwa fan: Te imẹ ghi gu uwa ta ile na:

Aizaia 60:17

“I gha viọ igoru guẹ ye ihe oze esiliva kevbe oze, ye ihe ematọn vbe erhan kevbe ematọn ye ihe okuta. Iran ni khaemwisẹ yan ruẹn i ghi ra wọ ruẹ uhunmwu ọvbehe, I gha ru ẹe ne iran ya ẹmwata kevbe ọfumwegbe gha khaemwisẹ.

Aizaia 61:6

A ghi gha tie uwa ohẹn ọghe Nọyaẹnmwa, eguọmwadia Osanobua mwa, wa ghi miẹn ẹfe avbe uhunmwu ẹvbo ya gha ru, wa ghi vbe gha yae hio ighẹ ọghe uwa nọ.

Aizaia 63:16

Wẹ ọrọre erha mwa. Ebraham kevbe Jekọh ne avbe erha mwa odede ma ka ima yọ, sokpan, wẹ ne Nọyaẹnmwa, wẹ ọrọre erha mwa, wẹ ọ re ọmwa ne ọ wa miẹn ima fan dee ẹdẹ.

Aizaia 63:8

E Nọyaẹnmwa khare wẹẹ, “Emwa mwẹ ọ re iran khin, iran i ra rẹrẹ mwẹ.” Rhunmwuda ọnii, ọ keghi miẹn iran fan

Aizaia 66:14

Wa ghẹ ghi miẹn vbe ọna a gha sunu, wa gha ghọghọ. Ọna gha ya uwa wegbe, egbe ghi vbe rran uwa. Ẹghẹ nii wa gha na rẹn wẹ mẹ ne Nọyaẹnmwa yi avbe emwa ni họn ẹmwẹ mẹ obọ, kevbe wẹ mẹ vbe rhie ma avbe eghian mwẹ vbe ohu a mu mwẹ.”

Jerimaia 15:21

I gha miẹn ruẹn fan vbe obọ ẹtin emwa dan kevbe emwa ọkhọ. Mẹ ne Nọyaẹnmwa ta ẹe nẹ.”

Ezikiẹl 34:30

Emwa hia gha rẹn wẹ te I tan obọ guẹ Izrẹl, kevbe wẹ emwa mwẹ ọ re iran khin. Mẹ ne Nọyaẹnmwa ne Udazi ọre ọ tae.

Arhie Maan 21:24

Uwanmwẹ ọnrẹn ọre emwa ni rre agbọn gha ya bẹghe odẹ, ne iran la khian, avbe ọba agbọn ghi kun ẹfe iran gha die uwu ẹre.

Arhie Maan 21:26

A gha viọ ukpọlọmwẹ kevbe ẹfe ẹvbo hia gha die ẹvbo nii.