Aizaia 60:12 - Edo Bible (E Baibol Ẹdo) Version 1996

¹² Sokpan avbe ẹvbo ni ma ga uwẹ a gha fuẹn iran an fẹẹrẹ.

Aizaia 60:12 ပူးပေါင်းရင်းမြစ်များ

Gẹnẹsis 27:29

Te iyaẹvbo nibun gha khian eguọmwadia ruẹ, ne emwa gha hie uhunmwu rre nuẹn. Te u gha khian arowa avbe etuẹn, ne uniẹn ivbi iyuẹ gha vbokho uhunmwu rre nuẹn. Ihẹn ọghe iran ni rhovbiọọ afiangbe ọghe iran ni fiangbuẹ.”

Psalm 108:13

Ugbẹn vbe Osanobua yaba ima nẹ, ma gha khọnmiotọ; ọ gha khọn avbe eghian mwa miotọ nẹ ima.

Psalm 2:12

ne uwa vbe ya uhunmwu rhanmwẹ otọ ne ẹẹn. Ne uwa ghẹ gie ohu ya mu ẹẹn, wa ghi wulo uwu udomwurri. Afiangbe ọre ọghe iran hia, ni lẹgbinna ẹẹn.

Aizaia 14:2

Uhunmwu ẹvbo nibun gha ru iyobọ ne Izrẹl ne iran ya dọlegbe gha die otọe ne Nọyaẹnmwa mu ne iran, evba nii, avbe uhunmwu ẹvbo nii hia ghi vbe gha ga Izrẹl zẹ vbe ọviẹn. Avbe iran ni te khọn miẹn Izrẹl otọ, Izrẹl ghi khọn miẹn iran otọ, ivbi Izrẹl ghi gha kha yan iran ni te ka gha wọ iran uhunmwu.

Aizaia 41:11

“Iran ni gu uwa mu ohu gha rẹn emwiekhue a khọn miẹn ọmwa otọ. I ran ni gu uwa gbinna gha wulo.

Aizaia 54:15

Adeghẹ ọmwaikọmwa guẹ gbinna, te ọ ru ẹe vbene imẹ ma na kue yọ, ọmwaikọmwa ne ọ guẹ gbinna gha de.

Jerimaia 12:17

Sokpan, a deghẹ uhunmwu ẹvbo okpa rrọọ ne ọ ma họn ẹmwẹ, mẹ gha wa vbọe fua fẹẹrẹ, I ghi fuẹn ọnrẹn ruan. Mẹ ne Nọyaẹnmwa ọ re ọ tae.”

Daniẹl 2:34

Ugbẹn vbe u ghi wa ghe ẹre, okuta nọkhua ọkpa keghi kpẹngiẹn vbe uhunmwu oke ne ọ yo, vbene ọmwarhọkpa ma na vbe ya obọ kan rẹn, ọ keghi degbe atataowẹ ọmwa ne a maẹn na ne ọ re azẹguagua ematọn kevbe ekẹn, ọ keghi rẹnkhẹẹn ọẹn ruan.

Daniẹl 2:35

Vbe ọwarọkpa nii, ematọn ne ọ rrọọ, kevbe obuẹ, kevbe oze kevbe esiliva kevbe igoru na wa rẹnkhẹẹn uan, ọ yevbe ebubẹ vbe ehe ne a na dunmwu ọka vbe ẹghẹ okhuakhua, ẹhoho keghi kpolo ehia gha rrie, a na wa ho ehia bẹkun. Sokpan, okuta ne ọ rrọọ keghi do digba khian oke nọkhua, ne ọ wa gba otọe agbọn hia.

Daniẹl 7:18

Emwa Osanobua ne ọ Sẹehia gha mwẹ ẹtin ọba iran ghi vbe dae yi ẹdẹdẹmwẹdẹ.”

Daniẹl 7:27

A gha mu ẹtin kevbe ukpọlọmwẹ ọghe avbe otọe arriọba agbọn hia ne emwa Osanobua ne ọ Sẹehia. Ẹtin ọba ne iran mwẹ i vbe fo ẹdẹ. Avbe iran ni khaemwisẹ vbe otọ agbọn hia gha ga, iran ghi vbe gha họn ẹmwẹ iran.”

Zẹkaraia 9:10

E Nọyaẹnmwa khare wẹẹ, “I gha viọ avbe ikẹkẹ okuo hin otọe Izrẹl rre. I ghi viọ avbe ẹsin hin e Jerusalẹm rre; avbe uhanbọ ne a lo vbe okuo, a gha bunnọ ehia a. Ọba ruẹ gha ru adọlọ ọfumwegbe ye ẹbu avbe uhunmwu ẹvbo; ọ gha khaemwisẹ ke okun ya sẹ okun ke Ẹzẹ Yufretes kpao yasẹ ehe ne agbọn sẹe.”

Matiu 21:44

Ọmwa ne ọ de gbe okuta ni, gha guọghọ ua. Sokpan ọmwa ne okuta ni de gbe gha wa rẹnkhuan.]”

Iyẹn ne ọ Maan Ọghe Luk 19:27

Ẹn hẹn, avbe iran ne eghian mwẹ nii, ni khare ne I ghẹ rrie egie yan iran, viọ iran rre ne u sirra mwẹ gbele iran uan.’ ”