Aizaia 60:1 - Edo Bible (E Baibol Ẹdo) Version 1996

¹ Kpaegbe Jerusalẹm ne u viọ asan ladian vbe owẹn, uyi e Nọyaẹnmwa ọ re ọ viọ asan yan ruẹn.

Aizaia 60:1 ပူးပေါင်းရင်းမြစ်များ

Psalm 102:16

Ẹghẹ ne Nọyaẹnmwa gha na dọlegbe bọ e Zaiọn, ọ gha rhie ukpọlọmwẹ irẹn maa.

Psalm 87:3

Wẹ ne ẹvbo Osanobua, danmwehọ emwi ọyunnuan nẹ ọ tae vbe ekpa ruẹ.

Aizaia 2:5

Banbanna nian, wa ne ivbi uniẹn e Jekọb wa gie ima gha khian vbe uwu uwanmwẹ ne Nọyaẹnmwa rhie ne ima.

Aizaia 24:23

Uki gha so ebiebi, ovẹn I ghi vbe yunmwu, rhunmwuda, e Nọyaẹnmwa ne Oghodua ọ re ọ ra gha re ọba. Ọ gha rriọba vbe oke Zaiọn vbe Jerusalẹm, avbe ọkaolotu emwa gha miẹn uyi ẹre.

Aizaia 28:5

Ẹdẹ dee ne Nọyaẹnmwa ne Oghodua gha na yevbe ẹde obobo uyi ne emwa rẹn ni miẹn uhunmwu vbọ.

Aizaia 35:2

Ato gha so ihuan, ọ ghi vbe gha wee ne oghọghọ; ọ ghi do gha mose zẹ vbe avbe Oke Lebanọn ọ ghi do gha ma emwiokọ zẹ vbe otọ e Kamẹl kevbe Siarọn. Agbọn hia gha miẹn ose e Nọyaẹnmwa iran gha miẹn ukpọlọmwẹ kevbe ẹtin ẹnrẹn.

Aizaia 4:5

Ẹghẹ nii, e Nọyaẹnmwa gha gie okuku amẹ vbe ẹghẹ avan, kevbe ighogho deba erhẹn ne ọ baa vbe ẹghẹ asọn gie Oke Zaiọn kevbe emwa ni si koko ye evba. Uyi ọghe Osanobua gha rhuẹ yan rẹn, ọ ghi degue ẹvbo nii hia.

Aizaia 42:6

“Mẹ ne Nọyaẹnmwa ọ re ọ tie ruẹ, I na rhie ẹtin ne uẹn ne u miẹn wẹ a yinrin vbene ọ kere vbe otọ agbọn. Obọ ruẹ ọ re I ra la gu emwa hia ta ile obọ ruẹ ọ re I ra la rhie uwanmwẹ gie uhunmwu ẹvbo hia.

Aizaia 58:8

“Ẹghẹ nii, aro ne ọ maa mwẹ ghi gha wan mu uwa egbe zẹ vbe owẹn owiẹ, ẹwẹn uwa ghi vbe rherhe rrie. Mẹ gha gu uwa gha rrọọ ẹghẹ hia ne I miẹn uwa fan, aro mwẹ ghi degue uwa vbe igie-nenẹ.

Aizaia 62:1

I gha guan ne I ya rhie igiọdu ne Jerusalẹm. Mẹ i ra hunwan a te do miẹn rẹn fan. Ne akhọnmiotọ ẹre vbe gha baa zẹ vbe ukpa vbe asọn.

Aizaia 62:2

Jerusalẹm, avbe uhunmwu ẹvbo, gha ye aro iran miẹn akhọnmiotọ ọwuẹ avbe ọba hia gha miẹn uyi ruẹ a gha he uwẹ eni ọgbọn eni ne Nọyaẹnmwa tobọ ẹre hee ruẹ re.

Aizaia 66:11

Ọrọkhọrhọ ẹre gha maa sẹ uwa egbe zẹ vbe ọmọ ne ọ wẹn ewẹn iyẹe.

Aizaia 9:2

Iran ni te ka khian vbe uwu ebiebi miẹn uwanmwẹ nọkhua otọe aghọnghọn ọ re iran te ye usin banbanna nian, uwanmwẹ wan yan iran.

Ezikiẹl 43:4

Uwanmwẹ ne wainwain ni keghi la onurho odẹ ahọ la uwu Ọgua Osa.

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Matiu 4:16

Iran ni rre uwu ebiebi, gha miẹn uwanmwẹ nọkhua. Uwanmwẹ gha wan yan iran, ni rre otọe uwu ne ọ so ebiebi.”

Matiu 5:16

Erriọ nọ zẹẹ, wa gie ukpa rua gha ba ẹse vbe odaro agbọn, ne iran miẹn ehe na lekpa uyinmwẹ esi ne uwa yin gha rho erha uwa ne ọ rre ẹrinmwi vbe uyi.

Iyẹn ne ọ Maan Ọghe Luk 2:32

Uwanmwẹ ne ọ gha ma avbe ni ma yayi odẹ ruẹ, ne ọ gha vbe rhie uyi ne avbe Izrẹl emwa ruẹn.”

Iyẹn ne ọ Maan Ọghe Jọn 1:9

Ọnọna ọrọre uwanmwẹ ne uwanmwẹ, uwanmwẹ ne ọ rrie agbọn do wan mu emwa hia.

Iyẹn ne ọ Maan Ọghe Jọn 12:46

Te imẹ rrie agbọn zẹ vbe uwanmwẹ, ne ọmwaikọmwa ne ọ ya mwẹ yi ghẹ gha rre ebiebi.

Iyẹn ne ọ Maan Ọghe Jọn 3:19

Vbene ibuohiẹn ni ya de ọre ọ na khin wẹẹ: Uwanmwẹ rrie agbọn, sokpan emwa ne agbọn keghi ho ẹmwẹ ebiebi sẹ uwanmwẹ rhunmwuda ọkhọ ne iran ru.

Iyẹn ne ọ Maan Ọghe Jọn 8:12

Jesu keghi dọlegbe gu avbe emwa guan wẹẹ, “Mẹ ọrọre uwanmwẹ agbọn, Ọmwaikọmwa ne ọ lele mwẹ, ọ gha mwẹ uwanmwẹ ẹfe, ẹ i ra vbe khian vbe ebiebi.”

Ẹfisọs 5:14

Rhunmwuda emwi ne a ghi rhie ladian ne aro gba nẹ, uwanmwẹ ghi nọ, ọnii ọ si ẹe ne a na tae wẹẹ, “Rhiọrre, olovbe. Rhiọrre vbe orinmwi, Kristi gha wan uwanmwẹ muẹn.”

Ẹfisọs 5:8

Wa tobọ uwa te ka vbe gha rre uwu ebiebi yi, sokpan, banbanna nian, ne uwa ghi na khian emwa ọghe Nọyaẹnmwa nẹ, uwu uwanmwẹ ọre uwa ghi ye.

Filipai 2:15

Ne uwa sẹtin gha re ne ẹ i mwẹ abe kevbe ne ọ huanrẹn, zẹ vbe ivbi Osanobua ne ọ gba na fo vbe agbọn ọ kẹkẹe kevbe ẹwobi emwa na. Wa gha fi wainwain vbe uwu ẹbu iran zẹ vbe orhọnmwẹ ne ọ rhie uwanmwẹ ne iso, zẹ vbene uwa na ta ẹmwẹ arrọọ ma iran.

I Pita 4:14

Ọ ma kaan uwa, adeghẹ a rhovbiẹ uwa rhunmwuda ighẹ wa re eguọmwadia Jesu, rhunmwuda, ọnii rhie maa wẹ, orhiọn uyi nii, ighẹ Orhiọn Osanobua, tuorre yan uwa nẹ.

Arhie Maan 21:11

Uyi Osanobua keghi yae fi wainwain. Nene okpẹvbo kegha fi wainwain vbe okuta ighobioye, ọ ye vbe jaspa, ọ ye sẹnrẹn vbe Kristal.

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.

Arhie Maan 22:5

Asọn i ghi khian gha rrọọ ọvbehe, iran i ghi khian vbe gha gualọ ukpa ra ovẹn ne ọ yunmwu, rhunmwuda Nọyaẹnmwa ọre ọ khian gha re uwanmwẹ iran, iran gha khaemwisẹ zẹ vbe ọha ẹdẹ kevbe ẹdẹdẹmwẹdẹ.